ପୁଣି ଡରାଇଲାଣି କରୋନା ନୂଆ ଭାଇରସ ବିଏଫ୍ ୭, ଦୁଇଟି ଟିକା ନେଲେ ବି ହୋଇପାରନ୍ତି ପ୍ରଭାବିତ, ଏହି ଲକ୍ଷଣ ଦେଖିବା ମାତ୍ରେ ସତର୍କ ରୁହନ୍ତୁ
ନୂଆଦିଲ୍ଲୀ : କିଛି ମାସ ଧରି କରୋନା ସଂକ୍ରମଣ ଭୟରୁ ଲୋକେ ମୁକୁଳିଥିବା ବେଳେ ପୁଣି ଥରେ ଡରାଇଲାଣି କରୋନା । ଏଥର ପୁଣି ଆଉ ଏକ ନୂଆ ଭାରିଏଣ୍ଟ ବିଏଫ୍ ୭, ଯାହା ଟିକା ନେବା ଲୋକଙ୍କୁ ବି ପ୍ରଭାବିତ କରୁଛି । ଏମିତି ଖବର ମିଳୁଛି ଗବେଷକଙ୍କ ନିକଟରୁ । ଚୀନରେ ଲକ୍ଷ ଲକ୍ଷ ଲୋକ ଏଥିରେ ପ୍ରଭାବିତ ହେଲେଣି । ମୃତ୍ୟୁ ସଂଖ୍ୟା ମଧ୍ୟ ଚୀନରେ ଆତଙ୍କ ପ୍ରଦ ବୋଲି ଜଣାଯାଇଛି ।
ତେବେ ଭାରତ ପାଇଁ ଏହା ଏତେଟା ବିପଦପୂର୍ଣ୍ଣ ନୁହେଁ ବୋଲି କିଛି ଗବେଷକ କହୁଥିବା ବେଳେ କରୋନା ଗାଇଡ ଲାଇନ ମାନିବା ସହ ଲକ୍ଷଣ ଦେଖିଲେ ସତର୍କ ରହିବାକୁ ପରାମର୍ଶ ଦିଆଯାଇଛି । ଭାରତରେ ଏବେ ଏହି ନୂଆ ଭାରିଏଣ୍ଟ ବିଏଫ୍ ୭ ମାମଲା ବଢ଼ିବାକୁ ଲାଗିଛି । ସବୁଠାରୁ ବଡ଼ କଥା ହେଉଛି ଏହି ଭାରିଏଣ୍ଟ ଓମିକ୍ରନ ବିଏଫ୍ ୭ ଦ୍ରୁତ ଗତିରେ ସଂକ୍ରମଣ କରିପାରେ । ଜଣେ ଓମିକ୍ରନ ବିଏଫ୍ ୭ ସଂକ୍ରମିତ ୧୮ ଲୋକଙ୍କୁ ସଂକ୍ରମଣ କରିପାରବେ ।
ସଂକ୍ରମିତଙ୍କ ଠାରେ ଦେଖିବେ ଏହି ଲକ୍ଷଣ
ଏହା ଥଣ୍ଡା କଫ୍ କାସ ସହ ପ୍ରାୟ ସମାନ । ତେଣୁ ପାର୍ଥକ୍ୟ ଜାଣିବା ବହୁତ କଷ୍ଟକର ।
• ନାକରୁ ପାଣି ବୋହିବା ଲାଗି ରହିବା
• ଛାତିରେ ଦରଜ ସହ କାଶ ହେବା
• ଗଳାରେ ଦରଜ ଓ ଖାଦ୍ୟ ଗିଳିବାରେ ଅସୁବିଧା ଅନୁଭବ କରିବା
ଆପଣଙ୍କୁ କ‘ଣ କରିବାକୁ ଦରକାର
• ଅଦା ଚା’ ପିଅନ୍ତୁ- ଅଦା,ତୁଳସୀ ଓ ଲବଙ୍ଗର ଚା’ ତିଆରି କରି ପିଅନ୍ତୁ ।
• ଅଧା ଚାମଚ ମୁଲେଠିରେ ୧ ଚାମଚ ମହୁ ମିଶାଇ ଚାଟନ୍ତୁ । ଏହା ଦିନରେ କେବଳ ୨ ଥର କରନ୍ତୁ ।
• ଶୋରିସ ତେଲ ବ୍ୟବହାର କରନ୍ତୁ – ଦୁଇ ନାକ ପୁଡାରେ ଟୋପାଏ ଲେଖାଁ ଶୋରିସ ତେଲ ପକାନ୍ତୁ ।
• ସଦ୍ୟ ଭୋଜନ କରନ୍ତୁ – ବାସୀ ଖାଦ୍ୟ ନଖାଇ ସଦ୍ୟ ଭୋଜନ କରନ୍ତୁ ।