ଭୁବନେଶ୍ବର: ରାଜ୍ୟରେ ବଢିଲା କରୋନା ଆକ୍ରାନ୍ତଙ୍କ ସଂଖ୍ୟା । ଆଜି ଆଉ ୫ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ସମସ୍ତ ୫ ପଜିଟିଭ୍ ବାଲେଶ୍ୱର ଜିଲ୍ଲାର । ଏହାକୁ ମିଶାଇ ବାଲେଶ୍ୱରରେ ସଂକ୍ରମିତଙ୍କ ସଂଖ୍ୟା ୧୫କୁ ବୃଦ୍ଧି ପାଇଛି । ତେବେ ୫ ଆକ୍ରାନ୍ତଙ୍କ ମଧ୍ୟରେ ୪ ଜଣ ମହିଳା ରହିଥିବା ବେଳେ ଜଣେ ପୁରୁଷ ଅଛନ୍ତି । ସମସ୍ତଙ୍କ ବୟସ ୨୨ରୁ ୫୫ ବର୍ଷ ଭିତରେ । ସମସ୍ତେ କଣ୍ଟେନମେଣ୍ଟ ଜୋନ୍ର ଓ ସମସ୍ତେ ହୋମ୍ କ୍ୱାରେଣ୍ଟାଇନ୍ରେ ରହିଥିଲେ । ଏନେଇ ସୂଚନା ଓ ଲୋକ ସଂପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି ।
First Health Update, 27 April
5 Positive Cases from Balasore containment zone.
55 Yr Female, 22 Yr Female, 23 Yr Female, 29 Yr Female & 27 Yr Male.
(All with mild symptoms. All were under home quarantine. Contact tracing & follow-up action is being.
Total Positive Case: 108
— I & PR Department, Odisha (@IPR_Odisha) April 27, 2020
ବର୍ତ୍ତମାନ ସୁଦ୍ଧା ଜିଲ୍ଲାରୁ ପ୍ରାୟ ୨ହଜାର ସ୍ୱାବ କଲେକସନ୍ ହୋଇଥିବାବେଳେ ୧୩ଜଣ ପଶ୍ଚିମବଙ୍ଗ ଫେରନ୍ତାଙ୍କୁ କ୍ୱାରେଣ୍ଟାଇନ୍ରେ ରଖାଯାଇଛି । ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୧୦୮କୁ ବୃଦ୍ଧି ପାଇଛି । ବର୍ତ୍ତମାନ ରାଜ୍ୟରେ ୭୨ଜଣ ଚିକିତ୍ସାଧୀନ ଥିବା ବେଳେ ୩୫ଜଣ ସୁସ୍ଥ ହୋଇ ଫେରିଛନ୍ତି । ଜଣଙ୍କର ମୃତ୍ୟୁ ହୋଇଛି । ରାଜ୍ୟରେ ଗତ ୨୪ ଘଣ୍ଟାରେ ୨ହାଜର ୨୮୭ ସାମ୍ପଲ ଟେଷ୍ଟ କରଯାଇଛି ।