ଅଜୟ ଦେବଗନଙ୍କ ଷ୍ଟାଇଲ୍ରେ ନଜର ଆସିଲେ ଦୀପିକା ପାଦୁକୋନ୍, ଲୁକ୍ ଦେଖିଲେ ଲାଗୁଛି ପୂରା ‘ଲେଡି ସିଙ୍ଗମ୍’
ବର୍ତ୍ତମାନ ଫିଲ୍ମ ନିର୍ମାତାମାନେ କେବଳ ତାଙ୍କର ଦମ୍ଦାର ଲୁକକୁ ଦେଖାଉନାହାଁନ୍ତି ବରଂ ଫିଲ୍ମରେ ଦେଖାଯାଇଥିବା ତାଙ୍କ ଷ୍ଟାଇଲ୍କୁ ମଧ୍ୟ ଫ୍ୟାନ୍ସଙ୍କୁ ସେୟାର କରିଛନ୍ତି । ତେବେ ଦୀପିକା ପାଦୁକୋନଙ୍କ ଏହି ଷ୍ଟାଇଲିସ୍ ଲୁକ୍ ସୋସିଆଲ ମିଡିଆରେ ଆସିବା ମାତ୍ରେ ଖୁବ୍ ଭାଇରାଲ ହେବାରେ ଲାଗିଛି । ଏହା ସହ ଲୋକମାନେ ତାଙ୍କର ପ୍ରଶଂସା କରିବାରେ ଥକୁ ନାହାଁନ୍ତି ।
ଲୋକପ୍ରିୟ, ସୁନ୍ଦର ଏବଂ ଟ୍ୟାଲେଣ୍ଟଡ ବଲିଉଡ ଅଭିନେତ୍ରୀ ଦୀପିକା ପାଦୁକୋନ ଖୁବ୍ ଶୀଘ୍ର ସିନେ ପରଦାରେ ଏକ ବଡ ଧମାକା କରିବାକୁ ଯାଉଛନ୍ତି । ତେବେ ପୂର୍ବରୁ ମଧ୍ୟ ଏହି ଅଭିନେତ୍ରୀ ପ୍ରଶଂସକଙ୍କୁ ନିଜର ଅଭିନୟ ଝଲକ୍ ଦେଖାଇ ସାରିଛନ୍ତି । ବର୍ତ୍ତମାନ ସେ ପୁଣି ଥରେ ନିଜ ପ୍ରଶଂସକଙ୍କ ମନ ଜିତିବା ପାଇଁ ଆସିବାକୁ ଯାଉଛନ୍ତି । ଏହି ଅଭିନେତ୍ରୀ ରୋହିତ ଶେଟ୍ଟୀଙ୍କ ଫିଲ୍ମ ‘ସିଙ୍ଗମ୍ ଏଗେନ’ ପାଇଁ ନିଜକୁ ସମ୍ପୂର୍ଣ୍ଣ ପ୍ରସ୍ତୁତ କରୁଛନ୍ତି । ଆଜିକାଲି ସେ ଫିଲ୍ମର ସୁଟିଂରେ ବ୍ୟସ୍ତ ଅଛନ୍ତି, ଏହା ସହ ପୂର୍ବରୁ ଆପଣ ଶୁଣିଥିବେ ଯେ ପ୍ରେଗ୍ନେନ୍ସି ସମୟରେ ମଧ୍ୟ ସେ ସୁଟିଂ କରୁଛନ୍ତି । ବର୍ତ୍ତମାନ ଫିଲ୍ମ ନିର୍ମାତାମାନେ କେବଳ ତାଙ୍କର ଦମ୍ଦାର ଲୁକକୁ ଦେଖାଉନାହାଁନ୍ତି ବରଂ ଫିଲ୍ମରେ ଦେଖାଯାଇଥିବା ତାଙ୍କ ଷ୍ଟାଇଲ୍କୁ ମଧ୍ୟ ଫ୍ୟାନ୍ସଙ୍କୁ ସେୟାର କରିଛନ୍ତି । ତେବେ ଦୀପିକା ପାଦୁକୋନଙ୍କ ଏହି ଷ୍ଟାଇଲିସ୍ ଲୁକ୍ ସୋସିଆଲ ମିଡିଆରେ ଆସିବା ମାତ୍ରେ ଖୁବ୍ ଭାଇରାଲ ହେବାରେ ଲାଗିଛି । ଏହା ସହ ଲୋକମାନେ ତାଙ୍କର ପ୍ରଶଂସା କରିବାରେ ଥକୁ ନାହାଁନ୍ତି ।
ନିକଟରେ ଦୀପିକା ପାଦୁକୋନଙ୍କ ଅନେକ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ତାଙ୍କୁ ଖାକି ପୋଲିସ ୟୁନିଫର୍ମରେ ଦେଖିବାକୁ ମିଳିଛି । ଏହି ଫଟୋଗୁଡ଼ିକ ଫିଲ୍ମ ‘ସିଙ୍ଗମ୍ ଏଗେନ’ ର ସେଟ୍ରୁ ଆସିଛି । ସେଥିରେ ଦୀପିକା ପାଦୁକୋନ ରୋହିତ ଶେଟ୍ଟୀଙ୍କ ସହ ସୁଟିଂ କରୁଥିବା ଦେଖିବାକୁ ମିଳିଛନ୍ତି । ଏହା ସହ ସେହି ଫଟୋଗୁଡିକରେ ତାଙ୍କର ବେବିବମ୍ପ୍ର ଝଲକ୍ ମଧ୍ୟ ଦେଖିବାକୁ ମିଳିଛି । ବର୍ତ୍ତମାନ ରୋହିତ ଶେଟ୍ଟୀ ନିଜେ ଇନଷ୍ଟାଗ୍ରାମରେ ଏହି ସୁଟ୍ ର ଝଲକ ପୋଷ୍ଟ କରିଛନ୍ତି, ଯେଉଁଥିରେ ଦୀପିକା ପାଦୁକୋନଙ୍କୁ ‘ଲେଡି ସିଙ୍ଗମ୍’ ଲୁକ୍ରେ ଦେଖିବାକୁ ମିଳିଛି । ଏହି ଫିଲ୍ମରେ ଦୀପିକାଙ୍କ ଚରିତ୍ରର ନାମ ଶକ୍ତି ଶେଟ୍ଟୀ ହେବାକୁ ଯାଉଛି । ରୋହିତ ଶେଟ୍ଟୀଙ୍କ ଦ୍ୱାରା ପୋଷ୍ଟ କରାଯାଇଥିବା ଫଟୋରେ ଦୀପିକା ପାଦୁକୋନ ଅଜୟ ଦେବଗାନଙ୍କ ପରି ସିଙ୍ଗମ୍ର ଆଇକନିକ ଆକ୍ସନ୍ କରୁଛନ୍ତି ।
ତେବେ ଦୀପିକାଙ୍କ ଫଟୋ ପୋଷ୍ଟ କରିବାବେଳେ ରୋହିତ ଶେଟ୍ଟୀ କ୍ୟାପସନରେ ଲେଖିଛନ୍ତି, ‘ମୋର ହିରୋ … ରିଲରେ ଏବଂ ରିୟଲ୍ରେ … ଲେଡି ସିଙ୍ଗମ୍ । ବର୍ତ୍ତମାନ ‘ଦୀପିକାଙ୍କ ଏହି ଲୁକ୍ ଦେଖି ଜଣେ ପ୍ରଶଂସକ ଲେଖିଥିଲେ ‘ମାରଜାବା’, ସେହିପରି ଆଉ ଜଣେ ପ୍ରଶଂସକ ଲେଖିଛନ୍ତି, ‘ଏହା ଦେଖିବା ଯୋଗ୍ୟ ହେବ । ଏହା ପରେ ଅନ୍ୟ ଜଣେ ଲେଖିଛନ୍ତି, ‘ଦୀପିକା ପାଦୁକୋନ୍ ଶକ୍ତି ଶେଟ୍ଟୀ ହୋଇଛନ୍ତି । ଏହି ଫିଲ୍ମ ବକ୍ସ ଅଫିସ୍ ରେକର୍ଡ ଭାଙ୍ଗିବ । ତେବେ ନିଜର ପ୍ରତିକ୍ରିୟା ପ୍ରକାଶ କରୁଥିବାବେଳେ ଅନ୍ୟ ଜଣେ ଲେଖିଛନ୍ତି, ‘ଏହା ସବୁଠୁ ବଡ ବ୍ଲକବଷ୍ଟର ହେବାକୁ ଯାଉଛି । ଫ୍ୟାନ୍ସ ଏହି ପରି ଅନେକ ପ୍ରକାରର ପ୍ରତିକ୍ରିୟା ଦେବାରେ ଲାଗିଛନ୍ତି ।
ୱାର୍କ ଫ୍ରଣ୍ଟ ବିଷୟରେ କହିବାକୁ ଗଲେ ଦୀପିକା ପାଦୁକୋନ୍ ଗତ ବର୍ଷ ଦୁଇଟି ସୁପରହିଟ୍ ଫିଲ୍ମ ଦେଇଥିଲେ । ଯାହାକି ଶାହାରୁଖ ଖାନଙ୍କ ‘ଜୱାନ’ ଏବଂ ‘ପଠାନ’ ଅଭିନୟ କରାଯାଇଥିଲା । ବର୍ତ୍ତମାନ ଏହି ଅଭିନେତ୍ରୀଙ୍କୁ ଆହୁରି ଅନେକ ପ୍ରୋଜେକ୍ଟରେ ଦେଖିବାକୁ ମିଳିବ । ଏହା ସହ ଏବେ ଦୀପିକା ତାଙ୍କ ପ୍ରେଗ୍ନେନ୍ସି ଫେଜ୍କୁ ଏଞ୍ଜଏ କରୁଛନ୍ତି ଏବଂ ନିକଟରେ ବାବୁମୁନରୁ ଫେରିଛନ୍ତି । ଏହା ସହିତ ଅଭିନେତ୍ରୀ ମଲ୍ଟି ଷ୍ଟାରର ଫିଲ୍ମ ‘ସିଙ୍ଗମ୍ ଏଗେନ’ ପାଇଁ ମଧ୍ୟ ସୁଟିଂ କରୁଛନ୍ତି, ଯେଉଁଥିରେ ତାଙ୍କର ଆକ୍ସନ୍ ଲୁକ୍ ଦେଖିବାକୁ ମିଳିବ । ଏହି ଫିଲ୍ମରେ ଦୀପିକା ପାଦୁକୋନଙ୍କ ସହ ଅଜୟ ଦେବଗନ, ରଣଭୀର ସିଂ, କରୀନା କପୁର, ଅକ୍ଷୟ କୁମାର ଏବଂ ଟାଇଗର ଶ୍ରଫ ମଧ୍ୟ ନଜର ଆସିବେ ।
View this post on Instagram
