ଜୋରଦାରରେ ବିକ୍ରି ହେଉଛି ‘ଡଙ୍କି’ ଫିଲ୍ମର ଟିକେଟ୍ , ଜାଣନ୍ତୁ ଆଡଭାନ୍ସ ବୁକିଂରେ କେତେ କଲା ରୋଜଗାର
କିଙ୍ଗ ଖାନଙ୍କ ଫିଲ୍ମ ‘ଡଙ୍କି’ ଖୁବ୍ ଶୀଘ୍ର ସିନେମା ହଲକୁ ଆସିବାକୁ ଯାଉଛି । ଫିଲ୍ମ ‘ଡଙ୍କି’ର ଆଡଭାନ୍ସ ବୁକିଂ ଶନିବାର ଠାରୁ ଆରମ୍ଭ ହୋଇଛି ଏବଂ ଫିଲ୍ମର ପ୍ରଥମ ଦିନ ପାଇଁ ବହୁତ ଶୀଘ୍ର ଟିକେଟ ବିକ୍ରି ହେଉଛି । ତେବେ ଏହି ଫିଲ୍ମକୁ ନେଇ ଫ୍ୟାନ୍ସ ବହୁତ ଉତ୍ସାହର ସହ ଅପେକ୍ଷା କରିଛନ୍ତି ।
ବଲିଉଡର କିଙ୍ଗ ଖାନ ଶାହାରୁଖ ଖାନ ଏହି ବର୍ଷର ତୃତୀୟ ବ୍ଲକବଷ୍ଟର ଫିଲ୍ମ ତାଙ୍କ ଫ୍ୟାନ୍ସଙ୍କ ସାମ୍ନାକୁ ଆଣିବା ପ୍ରସ୍ତୁତ ହେଉଛନ୍ତି । ତେବେ ଫିଲ୍ମ ‘ପଠାନ’ ଏବଂ ‘ଜଓ୍ଵାନ’ ରେ ବଡ ସଫଳତା ପରେ ବର୍ତ୍ତମାନ ଅଭିନେତା ‘ଡଙ୍କି’ ସହିତ ଖୁବ୍ ଶୀଘ୍ର ସିନେମା ହଲକୁ ଆସିବାକୁ ଯାଉଛନ୍ତି । କିଙ୍ଗ ଖାନଙ୍କ ଏହି ଫିଲ୍ମର କ୍ରେଜ ମଧ୍ୟ ଫ୍ୟାନ୍ସଙ୍କ ମଧ୍ୟରେ ଦେଖିବା ପାଇଁ ମିଳିଛି । ଏହି ପରିସ୍ଥିତିରେ ‘ଡଙ୍କି’ର ଆଡଭାନ୍ସ ବୁକିଂ ଶନିବାର ଠାରୁ ଆରମ୍ଭ ହୋଇଛି ଏବଂ ଫିଲ୍ମର ପ୍ରଥମ ଦିନ ପାଇଁ ବହୁତ ଶୀଘ୍ର ଟିକେଟ ବିକ୍ରି ହେଉଛି । ତାହେଲେ ଆସନ୍ତୁ ଜାଣିବା ଯେ ଆସନ୍ତା କାଲି ରିଲିଜ୍ ହେବାକୁ ଥିବା ଫିଲ୍ମ ‘ଡଙ୍କି’ର ଏପର୍ଯ୍ୟନ୍ତ କେତେ ବୁକିଂ ହୋଇଛି ।
ଫିଲ୍ମ ‘ଡଙ୍କି’ର ନିର୍ଦ୍ଦେଶନା ଦେଇଛନ୍ତି ରାଜକୁମାର ହିରାନୀ । ସେ ଏହା ପୂର୍ବରୁ ଫିଲ୍ମ ‘୩ ଇଡିଅଟ୍ସ’, ‘ପି କେ’ ଏବଂ ‘ସଞ୍ଜୁ’ ଭଳି ସୁପର-ଡୁପର ହିଟ୍ ଫିଲ୍ମ କରିଛନ୍ତି । ଏବେ ସେ କିଙ୍ଗ ଖାନଙ୍କ ସହ ‘ଡଙ୍କି’ ସହିତ ଆସିବାକୁ ଯାଉଛନ୍ତି । ସମସ୍ତେ ଆଶା କରନ୍ତି ଯେ ଏହି ଯୋଡି ବକ୍ସ ଅଫିସରେ ଅନେକ ରେକର୍ଡ ସୃଷ୍ଟି କରିପାରିବ । ତାହେଲେ ଯଦି ଆମେ ଫିଲ୍ମ ‘ଡଙ୍କି’ର ଆଡଭାନ୍ସ ବୁକିଂ ବିଷୟରେ କଥା ହେବା, ତେବେ ସୂଚନା ମୁତାବକ,ଫିଲ୍ମଟି ଏପର୍ଯ୍ୟନ୍ତ ବହୁତ ଭଲ ରୋଜଗାର କରିଛି । ଫିଲ୍ମ ‘ଡଙ୍କି’ର ବର୍ତ୍ତମାନ ପର୍ଯ୍ୟନ୍ତ ସାରା ଦେଶରେ ୩ ଲକ୍ଷ ୬୪ ହଜାର ୪୮୭ ଟିକେଟ୍ ବୁକ୍ ହୋଇଛି । ଏହା ସହିତ ‘ଡଙ୍କି’ ରିଲିଜ୍ ପୂର୍ବରୁ ମଧ୍ୟ ୧୦.୩୯ କୋଟି ଟଙ୍କା ରୋଜଗାର କରି ସାରିଛି ।
ଫିଲ୍ମ ‘ଡଙ୍କି’ର ଆଡଭାନ୍ସ ବୁକିଂ ଆକଳନ ସୂଚାଇ ଦେଉଛି ଯେ ଫିଲ୍ମ ଶାହାରୁଖ ଖାନଙ୍କ ଅଭିନୀତ ଚଳଚ୍ଚିତ୍ର ରିଲିଜ ହେବାର ପ୍ରଥମ ଦିନରେ ୩୫ କୋଟିରୁ ଅଧିକ ଟଙ୍କା ରୋଜଗାର କରିପାରିବ । ତେବେ ଏହି ଫିଲ୍ମ ଆଗକୁ ଯାଇ ଆହୁରି ଭଲ ଇନ୍କମ୍ କରିପାରେ । ଏହା ସହ ଫିଲ୍ମ ରିଲିଜ୍ ପାଇଁ କେବଳ ଗୋଟିଏ ଦିନ ବାକି ଅଛି । ଡିସେମ୍ବର ୨୧ ରେ ‘ଡଙ୍କି’ ଦର୍ଶକଙ୍କୁ ଆକର୍ଷିତ କରିବାରେ କେତେ ସକ୍ଷମ ତାହା ଫିଲ୍ମ ଆସିଲେ ସ୍ପଷ୍ଟ ହୋଇଯିବ ।
ଶାହାରୁଖ ଖାନଙ୍କ ବ୍ୟତୀତ ‘ଡଙ୍କି’ ର ଷ୍ଟାର କାଷ୍ଟ ବିଷୟରେ କହିବାକୁ ଗଲେ ତାପସୀ ପନ୍ନୁ, ବିକି କୌଶଲ ଏବଂ ବୋମାନ ଇରାନୀଙ୍କ ସମେତ ଅନେକ ଷ୍ଟାର ଏହି ଫିଲ୍ମରେ ମୁଖ୍ୟ ଭୂମିକା ଗ୍ରହଣ କରିଛନ୍ତି । ଏହି ଫିଲ୍ମଟି ଚାରିଜଣ ସାଙ୍ଗଙ୍କ ଲଣ୍ଡନ ଯିବାର ସ୍ୱପ୍ନର କାହାଣୀରେ ତିଆରି ହୋଇଛି । ଏହି ଫିଲ୍ମରେ ଇମୋସନ୍, କମେଡି ଏବଂ ଫୁଲ୍ ଡ୍ରାମା ରହିଛି, ଏବେ ଦେଖିବାକୁ ବାକି ରହିଲା ଫିଲ୍ମ ‘ଡଙ୍କି’ ଶାହାରୁଖ ଖାନଙ୍କ ପୂର୍ବ ଫିଲ୍ମ ‘ପଠାନ’ ଏବଂ ‘ଜଓ୍ଵାନ’ର ରେକର୍ଡ ଭାଙ୍ଗି ପାରିବ କି ନାହିଁ । ତେବେ ଏହି ଫିଲ୍ମକୁ ନେଇ ଫ୍ୟାନ୍ସ ବହୁତ ଉତ୍ସାହର ସହ ଅପେକ୍ଷା କରିଛନ୍ତି ।
