ବାପାଙ୍କ ମୃତ୍ୟୁକୁ ସହଜରେ ଗ୍ରହଣ କରିପାରିଲେନି, ହଠାତ୍ ଚାଲିଗଲା ଆଙ୍ଗୁସ କ୍ଲାଉଡଙ୍କ ଜୀବନ
ମାତ୍ର ୨୫ ବର୍ଷ ବୟସରେ ଦୁନିଆକୁ ଅଲବିଦା କହିଲେ ୟୁଫୋରିୟା ଅଭିନେତା ଆଙ୍ଗୁସ କ୍ଲାଉଡ । ବାପାଙ୍କ ମୃତ୍ୟୁ ପରେ ମାନସିକ ଭାବେ ଭାଙ୍ଗିପଡିଥିଲେ । ଆଙ୍ଗୁସଙ୍କ ମୃତ୍ୟୁ ପରେ ତାଙ୍କ ପରିବାର ପକ୍ଷରୁ ସୋସିଆଲ ମିଡିଆରେ ଖବର ମିଳିଛି ।
ବାପାଙ୍କ ମୃତ୍ୟୁକୁ ସହିପାରିଲେନି ୟୁଫୋରିୟା ଅଭିନେତା ଆଙ୍ଗୁସ କ୍ଲାଉଡ । ମାତ୍ର ୨୫ ବର୍ଷ ବୟସରେ ମୃତ୍ୟୁକୁ ଆଲିଙ୍ଗନ କଲେ । ତେବେ ତାଙ୍କର କେମିତି ମୃତ୍ୟୁ ହୋଇଛି, ତାହା ଜଣାପଡିନି । କିନ୍ତୁ ବାପାଙ୍କ ମୃତ୍ୟୁକୁ ମାନସିକ ଭାବେ ଗ୍ରହଣ କରିପାରିନଥିଲେ । ଅଭିନେତାଙ୍କ ମୃତ୍ୟୁରେ ଫ୍ୟାନ୍ସ ଆଶ୍ଚର୍ଯ୍ୟ ହୋଇଛନ୍ତି । ତାଙ୍କ ମୃତ୍ୟୁରେ ପରିବାର ଲୋକଙ୍କୁ ବଡ ଝଟକା ଲାଗିଛି । ସୋସିଆଲ ମିଡିଆରେ ଅଭିନେତାଙ୍କ ମୃତ୍ୟୁ ହେବା କଥା ପରିବାର ଲୋକେ କହିଛନ୍ତି ।
ତାଙ୍କ ପରିବାର ପକ୍ଷରୁ କୁହାଯାଇଛି, ନିଜ ବାପାଙ୍କ ପାଖକୁ ଚାଲିଗଲା ଆଙ୍ଗୁସ । ବାପାଙ୍କ ସହିତ ସେ ସାଙ୍ଗ ହୋଇ ରହୁଥିଲା । ଦୁହେଁ ପରସ୍ପର ସହିତ ଘନିଷ୍ଠ ରହିଥିଲେ ।
‘Euphoria’ actor Angus Cloud passes away at 25
Read @ANI Story | https://t.co/K3MDeb7dtZ#Euphoria #AngusCloud pic.twitter.com/VzewiLaCOa
— ANI Digital (@ani_digital) August 1, 2023
ଆଙ୍ଗୁସ କ୍ଲାଉଡ ଏଚବିଆର ସିରିଜ ୟୁଫୋରିୟା ଯୋଗୁଁ ଅଧିକ ଚର୍ଚ୍ଚାରେ ରହିଥିଲେ । ଏଥିରେ ଆମେରିକା ଯୁବପିଢି କିଭଳି ନିଶା ଦ୍ରବ୍ୟ ଏବଂ ଯୌନ ହିଂସାର ଶିକାର ହେଉଛନ୍ତି, ତାହା ଦେଖିବାକୁ ମିଳିଥିଲା । ଏହି ସିରିଜକୁ ନେଇ ଅନେକ ବିବାଦୀୟ ମନ୍ତବ୍ୟ ଦେଉଥିବା ବେଳେ ଆଉ କେତେକ ପ୍ରଶଂସା କରୁଛନ୍ତି । ୟୁଫୋରିଆ ଆଙ୍ଗୁସର ପ୍ରଥମ ପ୍ରୋଜେକ୍ଟ ଥିଲା ।
ତେବେ କେବଳ ଆଙ୍ଗୁସ ନୁହେଁ, ଅନେକ ହଲିଉଡ ଏବଂ ବଲିଉଡ ସେଲିବ୍ରିଟି ଅକାଳରେ ମୃତ୍ୟୁବରଣ କରୁଛନ୍ତି ।