ସଲମାନଙ୍କ ଘରେ ବାହାରେ ଗୁଡିମାଡ ମାମଲା : ୨ ଗିରଫ
ସଲମାନ ଖାନଙ୍କ ଘର ବାହାରେ ଗୁଳି ଚଳାଇଥିବା ଦୁଇ ଅଭିଯୁକ୍ତଙ୍କୁ ଗିରଫ କରିଛି ମୁମ୍ବାଇ ପୋଲସର କ୍ରାଇମବ୍ରାଞ୍ଚ । ଉଭୟ ଅଭିଯୁକ୍ତଙ୍କୁ ଗୁଜରାଟର ଭୁଜ ଜିଲ୍ଲାରୁ ଗିରଫ କରାଯାଇଛି । ଗତ ରବିବାର ଦିନ ମୁମ୍ବାଇର ବାନ୍ଦ୍ରାରେ ଥିବା ସଲମାନ ଖାନଙ୍କ ଆପାର୍ଟମେଣ୍ଟ ବାହାରେ ଏହି ଦୁଇଜଣ ଗୁଳିମାଡ କରିଥିଲେ ।
ମୁମ୍ବାଇ ପୋଲସର କ୍ରାଇମବ୍ରାଞ୍ଚ ବାନ୍ଦ୍ରା ୱେଷ୍ଟରୁ ବଲିଉଡ୍ ସୁପରଷ୍ଟାର ସଲମାନ ଖାନଙ୍କ ଘର ବାହାରେ ଗୁଳି ଚଳାଇଥିବା ଦୁଇ ଅଭିଯୁକ୍ତଙ୍କୁ ଗିରଫ କରିଛି । ଉଭୟ ଅଭିଯୁକ୍ତଙ୍କୁ ଗୁଜରାଟର ଭୁଜ ଜିଲ୍ଲାରୁ ଗିରଫ କରାଯାଇଛି । ପୋଲିସ ଅଧିକାରୀ କହିଛନ୍ତି, ଗୁଳିମାଡ କରିବା ପରେ ଦୁଇଜଣ ମୁମ୍ବାଇରୁ ଫେରାର ହୋଇ ଗୁଜରାଟର ଭୁଜକୁ ଚାଲିଯାଇଥିଲେ । ଗିରଫ ଅଭିଯୁକ୍ତଙ୍କ ନାମ ବିକି ଗୁପ୍ତା ଓ ସୁନୀଲ ପାଲ । ଗତ ରବିବାର ଦିନ ମୁମ୍ବାଇର ବାନ୍ଦ୍ରାରେ ଥିବା ସଲମାନ ଖାନଙ୍କ ଆପାର୍ଟମେଣ୍ଟ ବାହାରେ ଏହି ଦୁଇଜଣ ଗୁଳିମାଡ କରିଥିଲେ । ଦୁଇଜଣ ଅଭିଯୁକ୍ତ ବିହାରର ଚମ୍ପାରନ ଜିଲ୍ଲାରେ ବୋଲି ଜଣାପଡିଛି ।
ଖବର ମୁତାବକ, ସଲମାନଙ୍କ ଘର ବାହାରେ ଗୁଳିଚାଳନା ପୂର୍ବରୁ ଦୁହେଁ ଗତ ଏକ ମାସ ହେବ ମୁମ୍ବାଇ ନିକଟସ୍ଥ ପାନଭେଲ ଅଞ୍ଚଳର ଏକ ସୋସାଇଟିରେ ଭଡ଼ାରେ ରହୁଥିଲେ । ଏହି ଅଞ୍ଚଳରେ ସଲମାନଙ୍କ ଫାର୍ମହାଉସ ରହିଛି । ଦୁହେଁ ବଲିଉଡ ଷ୍ଟାରଙ୍କ ଘରେ ତଦାରଖ କରିବା ପରେ ଗୁଳିକାଣ୍ଡ ଘଟାଇଥିଲେ । ଉଭୟ ଅଭିଯୁକ୍ତଙ୍କୁ କ୍ରାଇମବ୍ରାଞ୍ଚ ସୋମବାର ରାତିରେ ଭୁଜରୁ ଗିରଫ କରିଛି ।
#WATCH | Gujarat: AR Zankant, Kachchh DSP says “Mumbai Police was investigating the case of firing outside the residence of actor Salman Khan. Mumbai Police informed the Kuchchh Police that the two accused had reached Kuchchh. Different teams were formed to catch the accused.… pic.twitter.com/U2zqxXWidm
— ANI (@ANI) April 16, 2024
ତେବେ ଏହି ମାମଲାରେ ଜଣେ ପୋଲିସ ଅଧିକାରୀ କହିଛନ୍ତି, ଏହି ମାମଲାରେ ଅନ୍ୟ ୩ ଜଣଙ୍କୁ ପଚରାଉଚରା ଚାଲିଛି । ଘରର ମାଲିକ, ଅପରାଧରେ ବ୍ୟବହାର କରାଯାଇଥିବା ବାଇକର ମାଲିକ, ବିକ୍ରି ସୁବିଧା ଦେଇଥିବା ଏଜେଣ୍ଟ ଏବଂ ଯାଞ୍ଚରେ ଥିବା ଅନ୍ୟ ଲୋକ ସାମିଲ ରହିଛନ୍ତି ।
ଅପରାଧୀ ମୋଟରସାଇକେଲରେ ସଲମାନଙ୍କ ଘର ଠାରୁ ପାଖାପାଖି ୧ କିମି ଦୂର ମାଉଣ୍ଟ ମେରୀ ଗିରଜାଘର ପାଖରେ ଛାଡିଦେଇଥିଲେ । ଏହି ମୋଟରସାଇକେଲ ନଭି ମୁମ୍ବାଇର ପନଭେଲ ଅଞ୍ଚଳରେ ରହୁଥିବା ବ୍ୟକ୍ତି ନାମରେ ପଞ୍ଜିକୃତ ହୋଇଥିଲା ।
ବର୍ତ୍ତମାନ ସଲମାନ ଖାନଙ୍କ ଘର ବାହାରେ ଗୁଳି ଚଳାଇଥିବା ଦୁଇ ଜଣ ଆକ୍ରମଣକାରୀଙ୍କ ଫଟୋ ମଧ୍ୟ ସାମ୍ନାକୁ ଆସିଥିଲା, ଯେଉଁଥିରେ ଜଣେ ଆକ୍ରମଣକାରୀ କଳା ଏବଂ ଧଳା ଟି-ସାର୍ଟରେ ଅନ୍ୟ ଲୋକଟି ଲାଲ୍ ଟି-ସାର୍ଟରେ । ଏହା ସହିତ ଫେବୃଆରୀ ୨୯, ୨୦୨୪ର ଏକ ସିସିଟିଭି ଫୁଟେଜ୍ରେ ସାମ୍ନାକୁ ଆସିଥିଲା, ଯାହାକି ହରିୟାଣାର ରୋହତକରେ ଏକ ଢାବାର ବୋଲି କୁହାଯାଉଥିଲା । ଏଥିରେ ବିଶାଲ ନାମକ ଜଣେ ଯୁବକ ନଜର ଆସିଥିଲା । ସିସିଟିଭିରେ ରେକର୍ଡ ହୋଇଥିବା ଘଟଣାରେ ସେ ଗୁଳି ଚଳାଇଥିବାର ନଜର ଆସିଥିଲେ । ବିଶାଲ ରାଜସ୍ଥାନର ଗ୍ୟାଙ୍ଗଷ୍ଟର ରୋହିତ ଗୋଦାରା । ରୋହିତ ଗୋଦାରା ଲରେନ୍ସ ବିଷ୍ଣୋଇ ଗ୍ୟାଙ୍ଗ ସହିତ ଜଡିତ । ହରିୟାଣାରେ ସଲମାନ ଖାନଙ୍କ ଘର ସହ ଜଡିତ ଏହି ମାମଲାରେ ସୁଟରମାନେ ଲିଙ୍କ୍ ହେବା ପରେ ହରିୟାଣା ପୋଲିସ ମଧ୍ୟ ସୁରକ୍ଷା ବଢାଇ ଦେଇଛି ।
