କାହିଁକି ସିରିୟସ ଲୁକରେ ନଜର ଆସିଲେ ରଣବୀର ଏବଂ ଆଲିଆ
ମୁମ୍ବାଇ : ରିଲିଜ୍ ହୋଇଛି ଗଲି ବୟେର ଫାଷ୍ଟ ଲୁକ୍ । ପୋଷ୍ଟରରେ ରଣବୀର ସିଂ ଓ ଆଲିଆ ଭଟ୍ଟଙ୍କ ଝଲକ ଦେଖିବାକୁ ମିଳିଛି। ପୋଷ୍ଟର୍ସ ସହ ଫିଲ୍ମର ଥିମ ଲାଇନ ମଧ୍ୟ ଦେଖିବାକୁ ମିଳିଛି। ଫଟୋରେ ଆଲିଆ ଓ ରଣବୀର ଗୋଟିଏ ଇୟର ଫୋନରୁ ଗୀତ ଶୁଣୁଛନ୍ତି। ପୋଷ୍ଟରରେ ଲେଖାଯାଇଛି, ଗଲି ବୟେ-ଆମ ସମୟ ଆସିବ। ମେକର୍ସ ପ୍ରଥମେ ରଣବୀରଙ୍କ ଲୁକ୍ ଶେୟାର କରିଥିଲେ। ପରେ ଆଲିଆ ଉଭୟଙ୍କ ପୋଷ୍ଟର ଶେୟାର କରିଛନ୍ତି।
ଫିଲ୍ମର ନିର୍ଦ୍ଦେଶନା ଦେଉଛନ୍ତି ଜୋୟା ଅଖତର। ଫିଲ୍ମରେ ଆଲିଆ ଜଣେ ମୁସଲିମ ଝିଅ ଭୂମିକାରେ ନଜର ଆସୁଛନ୍ତି। ଫିଲ୍ମର କାହାଣୀ ଏକ ସାଧାରଣ ଯୁବକର କାହାଣୀ, ଯିଏ ର୍ୟାପ କରିବାକୁ ପସନ୍ଦ କରେ। ଯୁବକର ଜବୀନରେ ପ୍ରେମ ଓ ପ୍ୟାସନକୁ ନେଇ ଘଟୁଥିବା ଘଟଣାକୁ ଦେଖାଯାଇଛି।
ଫିଲ୍ମରେ ରଣବୀର, ଆଲିଆଙ୍କ ବ୍ୟତୀତ କଲକି କୋଚଲିନ୍ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଫିଲ୍ମରେ ନୂଆ ଲୁକ୍ ପାଇଁ ରଣବୀରଙ୍କ ଖୁବ୍ ପରିଶ୍ରମ କରିବାକୁ ପଡିଥିଲା। ଫେବୃଆରୀ ୧୪ରେ ରିଲିଜ୍ ହେବ ଫିଲ୍ମ ।
View this post on Instagram
