ପୁଣି ଥରେ ଆସିବ ପିଲାଙ୍କ ପ୍ରିୟ ଶକ୍ତିମାନ ? ଏମିତି ପ୍ରସ୍ତୁତି କରିଛନ୍ତି ମୁକେଶ ଖନ୍ନା
ପିଲା ପଢୁଥିଲେ, ଘରର ମହିଳା ରୋଷେଇ ଘରେ ଖାଇବା ତିଆରି କରିବାରେ ବ୍ୟସ୍ତ ରହୁଥିଲେ । ବୟସ୍କ ବ୍ୟକ୍ତି ନିଜ ସମବୟସ୍କ ଲୋକଙ୍କ ସହ କଥାବାର୍ତ୍ତାରେ ମସଗୁଲ୍ ଥିବା ବେଳେ ନିଜ ନିଜ କାମରେ ବ୍ୟସ୍ତ ଥିଲେ ଯୁବପିଢୀ । କିନ୍ତୁ ଯେମିତି ଦୁରଦର୍ଶନରେ ମୁକେଶ ଖାନ୍ନାଙ୍କ ଧାରାବାହିକ ଶକ୍ତିମାନ ଆରମ୍ଭ ହେବାର ସମୟ ହୋଇଯାଉଥିଲା ସମସ୍ତେ ନିଜ ନିଜ କାମ ଦାମ ଛାଡି ଟିଭି ସାମ୍ନାରେ ବସି ଯାଉଥିଲେ । ଆଜି ହେଉଛି ଶକ୍ତିମାନ ଭୂମିକାରେ ଅଭିନୟ କରିଥିବା ମୁକେଶ ଖନ୍ନାଙ୍କ ଜନ୍ମଦିନ । ପ୍ରତିବର୍ଷ ୨୩ ଜୁନରେ ନିଜର ଜନ୍ମଦିନ ପାଳନ କରନ୍ତି ମୁକେଶ ।
ତେବେ ଯେତିକି ଲୋକପ୍ରିୟତା ଶକ୍ତିମାନ ପାଇଥିଲା ଆଜି ଯାଏଁ କୌଣସି ଧାରାବାହିକ ସେତିକି ଲୋକପ୍ରିୟତା ପାଇ ନାହିଁ । ହେଲେ ନ ଚାହୁଁଥିଲେ ସୁଦ୍ଧା ଧାରାବାହିକକୁ ବନ୍ଦ କରିବାକୁ ବାଧ୍ୟ ହୋଇଥିଲେ ମୁକେଶ ଖାନ୍ନା । ଏବେ ପୁଣି ଥରେ ଦର୍ଶକଙ୍କ ପାଇଁ ଆସିଛି ଏକ ଖୁସି ଖବର । ପୁଣି ଥରେ ଛୋଟ ପରଦାରେ ଦେଖିବେ ବଡ଼ ଧାରାବାହିକ ଶକ୍ତିମାନ । ଏଥିପାଇଁ ପ୍ରସ୍ତୁତି ମଧ୍ୟ ପ୍ରାୟ ଶେଷ ହୋଇସାରିଲାଣି । ଏକଥା ନିଜେ ନିଜେ ମୁକେଶ ଖନ୍ନା ଏକ ସାକ୍ଷାତକାରରେ ସ୍ପଷ୍ଟ କରିଛନ୍ତି ।
ମୁକେଶ କହିଛନ୍ତି, ସେ ଯେବେ ବି କୌଣସି ଫଙ୍କସନଙ୍କୁ ଯାଆନ୍ତି ପିଲାମାନେ ପଚାରନ୍ତି କିଲବିଶ୍ କେବେ ମରିବ ।ଶକ୍ତିମାନକୁ ନେଇ ପିଲାଙ୍କ ମନରେ ଅନେକ ଭୋକ । ତେଣୁ ଏହାକୁ ଆଖି ଆଗରେ ରଖି ଗତ ୩ ବର୍ଷ ହେବ ଏହା ଉପରେ କାମ କରୁଛନ୍ତି ମୁକେଶ । ଖୁବ୍ ଶୀଘ୍ର ଏହା ପରଦାକୁ ଆସିବ । ତେବେ ସମସ୍ୟା କିଏ ହେବ ଶକ୍ତିମାନ ? ସମସ୍ତେ ଭାବୁଛନ୍ତି ମୁକେଶ କାହାକୁ ବନାଇବେ ଶକ୍ତିମାନ । ନା ଅକ୍ଷୟ କୁମାର ନା ଶାହାରୁଖ, କାହାକୁ ବି ଶକ୍ତିମାନ କଲେ ଦର୍ଶକ ଗ୍ରହଣ କରିବେ ନାହିଁ । ତେଣୁ ମୁକେଶ ନିଜର ଓଜନ ୧୦ – ୧୨ କିଲେ କମ୍ କରିଛନ୍ତି । ଯାହା ଫଳରେ ପୁରୁଣା ଶକ୍ତିମାନ ସହ ମ୍ୟାଚ୍ ହୋଇପାରିବ । ଏବେ କେବଳ କାହାଣୀ ଉପରେ କାମ ଚାଲିଛି । ଯାହା ଖୁବ୍ ଶୀଘ୍ର ଶେଷ ହୋଇ ଆସିବ ଫ୍ଲୋରକୁ ।
ସୂଚନାଯୋଗ୍ୟ କେବଳ ଚର୍ଚ୍ଚା ନୁହେଁ ଅନେକ କଳଙ୍କ ମଧ୍ୟ ମୁଣ୍ଡାଇଛି ଶକ୍ତିମାନ୍ । ଏହି ଧାରାବାହିକ ବନ୍ଦ ହେବାର ଅନେକ କାରଣ ସାମ୍ନାକୁ ଆସିଥିଲା । ଯେମିତି କି ପିଲାମାନେ ଶକ୍ତିମାନ ପରି ଗୋଲ ଗୋଲ୍ ବୁଲି ଛାତରୁ ପଡି ଆହତ ହେଉଥିଲେ । ଏପରିକି କେତେ ଜଣଙ୍କ ଜୀବନ ମଧ୍ୟ ଚାଲିଯିବାର ଶୁଣିବାକୁ ମିଳିଥିଲା । କେହି ପିଲା ଛାତ ଉପରୁ ଡେଇଁ ପଡିଥିଲେ ତ ଆଉ କେହି ନିଜ ଦେହରେ ନିଆଁ ଲଗାଇ ଦେଇଥିଲେ । କାରଣ ସେମାନେ ଭାବୁଥିଲେ ଯେ ଶକ୍ତିମାନ ସେମାନଙ୍କୁ ବଂଚାଇବାକୁ ଆସିବ ବୋଲି ।
ଏହା ସହ ଧାରାବାହିକ ବନ୍ଦ ହେବାର ଆଉ ଏକ କାରଣ ମଧ୍ୟ ଶୁଣିବାକୁ ମିଳିଛି । ଦୁରଦର୍ଶନରେ ଶକ୍ତିମାନ୍ ଦେଖାଇବା ପାଇଁ ୧୦ ଲକ୍ଷ ଟଙ୍କା ନେଉଥିଲେ ମୁକେଶ । କିନ୍ତୁ ବଢୁଥିବା ଲୋକପ୍ରିୟତାକୁ ଦେଖି ମୁକେଶ କୁଆଡେ ନିଜ ପାରିଶ୍ରମିକ ବଢାଇ ୨୫ ଲକ୍ଷ କରିଦେଇଥିଲେ । ଆଉ ସେ ସମୟରେ ଟିଭିରେ ବିଜ୍ଞାପନର ଏତେ ପ୍ରଚଳନ ନଥିଲା ଯେ ମୁକେଶଙ୍କ ଦାବିକୁ ପୁରା କରିପାରିଥାନ୍ତା ଦୁରଦର୍ଶନ । ଶକ୍ତିମାନର ପ୍ରତ୍ୟେକ ସିନ୍ ପାଇଁ ଟେକ୍ନୋଲୋଜି ମଧ୍ୟ ଖୁବ୍ ମହଙ୍ଗା ପଡୁଥିଲା । ତେଣୁ ଏହି ସବୁ କାରଣ ପାଇଁ ଦେଶର ପ୍ରଥମ ସୁପରମ୍ୟାନ୍ ଶକ୍ତିମାନକୁ ବନ୍ଦ କରିବାକୁ ବାଧ୍ୟ ହୋଇଥିଲେ ମୁକେଶ ଖାନ୍ନା ।
