‘ବାହୁବଳୀ’ ଫେ୍ମ ରାଣା ଡଗ୍ଗୁବତୀ ଲେଡି ଲଭ୍ ମିହିକା ବଜାଜଙ୍କ ସହିତ ବିବାହ ବନ୍ଧନରେ ବାନ୍ଧି ହୋଇଛନ୍ତି । ହାଇଦ୍ରାବାଦର ରାମାନାଇଡୁ ଷ୍ଟୁଡିଓରେ ତେଲୁଗୁ ଓ ମାରୱାଡ଼ି ପରମ୍ପରାରେ ପ୍ରେମିକା ମିହିକା ବଜାଜଙ୍କୁ ସେ ବିବାହ କରିଛନ୍ତି।
ଏହି ବିବାହକୁ ନେଇ ରାଣାଙ୍କ ଫ୍ୟାନ୍ସମାନେ ପ୍ରତୀକ୍ଷା କରିଥିଲେ । କରୋନା ମହାମାରୀ ଯୋଗୁଁ ମାତ୍ର ୩୦ଜଣଙ୍କ ଉପସ୍ଥିତିରେ ବିବାହ ସଂପନ୍ନ ହୋଇଛି। ଏହି ଖବର ପ୍ରଚାରିତ ହେବା ପରେ ରାଣାଙ୍କୁ ବିଭିନ୍ନ ମହଲରୁ ଶୁଭେଚ୍ଛାର ସୁଅ ଛୁଟିଛି।
ରାଣା ଡଗ୍ଗୁବତୀ ଓ ମିହିକା ଲକଡାଉନ୍ ସମୟରେ ନିଜ ନିର୍ବନ୍ଧ ନେଇ ଖବର ଦେଇ ସମସ୍ତଙ୍କୁ ସରପ୍ରାଇଜ ଦେଇଥିଲେ । ଉଭୟଙ୍କ ଯୋଡି ବହୁତ ସୁନ୍ଦର ଲାଗୁଛି ଏବଂ ସୋସିଆଲ ମିଡିଆରେ ଭାଇରାଲ ହେଉଛି । ଏଥିରେ ଉଭୟ ଟ୍ରାଡିସନାଲ୍ ଡ୍ରେସରେ ନଜର ଆସୁଛନ୍ତି ।