ବଲିଉଡ୍ ପରେ ଟଲିଉଡ୍ରେ ଡେବ୍ୟୁ କରୁଛନ୍ତି ସୁଶାନ୍ତ ସିଂହ ରାଜପୁତଙ୍କ ପୂର୍ବ ପ୍ରେମିକା ରିୟା ଚକ୍ରବର୍ତ୍ତୀ, ଏହି ପ୍ରଡ୍ୟୁସର ଦେଲେ ଅଫର
ବଲିଉଡ୍ ଅଭିନେତ୍ରୀ ତଥା ସୁଶାନ୍ତ ସିଂହ ରାଜପୁତଙ୍କ ପୂର୍ବ ଗାର୍ଲଫ୍ରେଣ୍ଡ୍ ରିୟା ଚକ୍ରବର୍ତ୍ତୀ ଏବେ କିଛି ନା କିଛି କାରଣ ଯୋଗୁ ଚର୍ଚ୍ଚାରେ ରହୁଛନ୍ତି। ପ୍ରଥମେ ସୁଶାନ୍ତ ରାଜପୁତଙ୍କ ମୃତ୍ୟୁ ଯୋଗୁ ଲାଇମ୍ ଲାଇଟ୍ରେ ଥିବା ରିୟା ଏବେ ନିଜ କ୍ୟାରିୟର ଯୋଗୁ ପୁଣିଥରେ ଆଲୋଚନାର ପରିସରକୁ ଆସିଛନ୍ତି। ବଲିଉଡ୍ ପରେ ଏବେ ଟଲିଉଡ୍ରେ ଡେବ୍ୟୁ କରିବାକୁ ଯାଉଛନ୍ତି ଅଭିନେତ୍ରୀ ରିୟା ଚକ୍ରବର୍ତ୍ତୀ। ଖୁବ୍ଶୀଘ୍ର ସେ ବଡ଼ ପରଦାକୁ ଫେରୁଛନ୍ତି।
ସୁଶାନ୍ତ ସିଂହ ରାଜପୁତଙ୍କୁ ନେଇ ଚର୍ଚ୍ଚାରେ ଥିବା ଅଭିନେତ୍ରୀ ରିୟା ଚକ୍ରବର୍ତ୍ତୀ ଏବେ ଦକ୍ଷିଣ ଭାରତୀୟ ସିନେମାରେ ଏଣ୍ଟ୍ରି କରିବାକୁ ଯାଉଛନ୍ତି। କୁହାଯାଉଛି ଯେ ରିୟା ବଙ୍ଗାଳୀ ପ୍ରଯୋଜକ ରାଣା ସରକାରଙ୍କ ସହ ଏକ ଫିଲ୍ମ କରିବେ। ରାଣା ସରକାର ନିକଟରେ ରିୟା ଚକ୍ରବର୍ତ୍ତୀଙ୍କ ଜନ୍ମ ଦିନରେ ତାଙ୍କୁ ଶୁଭେଚ୍ଛା ଜଣାଇଥିଲେ। ଏବେ ଏହି ବଙ୍ଗାଳୀ ପ୍ରଡ୍ୟୁସରଙ୍କ ଏକ ଇଣ୍ଟରଭ୍ୟୁ ସାମ୍ନାକୁ ଆସିଛି। ଏଥିରେ ସେ ରିୟା ଚକ୍ରବର୍ତ୍ତୀଙ୍କୁ ନେଇ ଅନେକ କଥା କହିଛନ୍ତି। ଏହି ଇଣ୍ଟରଭ୍ୟୁରୁ ହିଁ ଲୋକମାନେ ଅନୁମାନ କରୁଛନ୍ତି ଯେ ସେ ରିୟାଙ୍କ ସହ ଆଗକୁ କାମ କରିପାରନ୍ତି।
ବଙ୍ଗାଳୀ ପ୍ରଯୋଜକ ରାଣା ସରକାର ଏହି ଇଣ୍ଟରଭ୍ୟୁରେ କହିଥିଲେ, ଆମେ ଫିଲ୍ମର କାହାଣୀ ରିୟା ଚକ୍ରବର୍ତ୍ତୀଙ୍କ ଟିମ୍କୁ କହିଛୁ। ଏବେ କେବଳ ସେମାନଙ୍କ ଉତ୍ତରକୁ ଅପେକ୍ଷା ରହିଛି। ତାଙ୍କ ହଁରୁ ପକ୍କା ହୋଇଯିବ ଯେ ରିୟା ଚକ୍ରବର୍ତ୍ତୀ ଟଲିଉଡ୍ରେ ଡେବ୍ୟୁ କରିବେ କି ନାହିଁ। ଯଦି ଏମିତି ହୁଏ ତେବେ ରିୟା ଚକ୍ରବର୍ତ୍ତୀଙ୍କ ଫ୍ୟାନ୍ଙ୍କ ପାଇଁ ଏହା ଏକ ବଡ଼ ଖବର ହୋଇପାରେ।
Rhea Chakraborty’s career is jeopardised for no fault of her, says producer Rana Sarkar as he offers her Tollywood debuthttps://t.co/BVZWealFuy
— HT Entertainment (@htshowbiz) July 6, 2022
ସୂଚନାଯୋଗ୍ୟ ଯେ ସୁଶାନ୍ତ ସିଂହ ରାଜପୁତଙ୍କ ଆତ୍ମହତ୍ୟା ପରେ ରିୟା ଚକ୍ରବର୍ତ୍ତୀଙ୍କ ସହ ତାଙ୍କ ସମ୍ପର୍କକୁ ନେଇ ବହୁ ଟ୍ରେଲ୍ କରାଯାଇଥିଲା। କେବଳ ଏତିକି ନୁହେଁ, ତାଙ୍କୁ ଓ ତାଙ୍କ ଭାଇଙ୍କ ନାଁ ମଧ୍ୟ ଡ୍ରଗ୍ସ କେସ୍ରେ ଉଠିଥିଲା। ଏହି କାରଣରୁ ତାଙ୍କୁ ଜେଲ୍ ବି ଯିବାକୁ ପଡ଼ିଥିଲା।
According to reports, we might see actress @Tweet2Rhea making her #Tollywood debut soon. https://t.co/ean967ov3r
— ETimes (@etimes) July 6, 2022
Also Read: ବର୍ଷାଦିନେ ଡ୍ରେସ୍ରୁ ଦୁର୍ଗନ୍ଧ ବାହାରୁଥିଲେ ଆଉ ଚିନ୍ତା ନାହିଁ, ଜାଣନ୍ତୁ ଦୂର କରିବାର ସହଜ ଉପାୟ