ଲକଡାଉନରେ ଶିଳ୍ପା ସେଟ୍ଟୀ ପ୍ରସ୍ତୁତ କଲେ ଡାଏଟ ପ୍ଲାନ, Fit India Movement ପାଇଁ ଉଠାଇଲେ ବଡ଼ ପଦକ୍ଷେପ
ନିକଟରେ ବଲିଉଡ ଅଭିନେତ୍ରୀ ଶିଳ୍ପା ସେଟ୍ଟୀ କୁନ୍ଦ୍ରା ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ଏଥିରେ ସେ ନିଜ ଫ୍ୟାନମାନଙ୍କୁ କହୁଛନ୍ତି, କୌଣସି ଯନ୍ତ୍ରାଂଶ ବ୍ୟବହାର ନ କରି ବି କିଭଳି ନିଜକୁ ଫିଟ ରଖିପାରିବେ ।
ଭିଡିଓରେ ରାଜ କୁନ୍ଦ୍ରା ଦଉଡି ଡେଉଁଥିବା ବେଳେ ଶିଳ୍ପା ତାଙ୍କ ଭିଡିଓ ବନାଉଛନ୍ତି । ଶିଳ୍ପା ଫିଟ ଇଣ୍ଡିଆ ମୁଭମେଣ୍ଟ ଅଧୀନରେ ୨୧ ଦିନର ୱେଟ ଲସ ପ୍ରୋଗ୍ରାମ ଆରମ୍ଭ କରିଛନ୍ତି, ଯାହାକୁ ତାଙ୍କ ମୋବାଇଲ ଆପରେ ସମ୍ପୂର୍ଣ୍ଣ ମାଗଣାରେ ଦେଖାଯାଇପାରିବ ।
ଲକଡାଉନ ସମୟରେ ଘରେ ଲୋକଙ୍କୁ ଫିଟ ରଖିବା ପାଇଁ ଶିଳ୍ପା ଏହି ପୂରା ପ୍ରୋଗ୍ରାମକୁ ଡାଏଟ ପ୍ଲାନ ସହିତ ପ୍ରସ୍ତୁତ କରିଛନ୍ତି ଏବଂ ନିଜ ଆପରେ ମାଗଣାରେ ଲୋକଙ୍କ ପାଖରେ ପହଞ୍ଚାଉଛନ୍ତି ।
ଶିଳ୍ପା ଭିଡିଓରେ କହିଛନ୍ତି, ୨୧ ଦିନର ଲକଡାଉନ ଭିତରେ ଅଧିକ ସଂଖ୍ୟାରେ ଲୋକେ ଏହି ୱେଟ ଲସ ପ୍ରୋଗ୍ରାମରେ ଭାଗ ନେବେ ବୋଲି ମୋର ଆଶା ଅଛି । ସ୍ୱାସ୍ଥ୍ୟ ହିଁ ଜୀବନ । ଲକଡାଉନରେ ନିଜ ସ୍ୱାସ୍ଥ୍ୟ ଉପରେ ଧ୍ୟାନ ଦେବାର ଏହା ହେଉଛି ସବୁଠାରୁ ଭଲ ମଉକା ।
