ଅର୍ଥ ଅଭାବରୁ ଅମିତାଭ ବଚ୍ଚନଙ୍କୁ ବି କିଛି ରାତି କାଟିବାକୁ ପଡିଥିଲା ମରିନ ଡ୍ରାଇଭ ବେଞ୍ଚ ଉପରେ
ବଲିଉଡ ଅଭିନେତା ଅମିତାଭ ବଚ୍ଚନଙ୍କୁ ଶତାବ୍ଦୀର ମହାନାୟକ କୁହାଯାଏ | ଫ୍ୟାନ୍ସ ମାନଙ୍କ ମଧ୍ୟରେ ବିଗ ବି ନାମରେ ପ୍ରସିଦ୍ଧ ଅମିତାଭ ହେଉଛନ୍ତି ଇଣ୍ଡଷ୍ଟ୍ରିର ସୁପରଷ୍ଟାର | ବିଗ ବି’ଙ୍କ ନାମ କହିଲେ ଫିଲ୍ମ ଜଗତର ଜଣେ ସଫଳ ଓ ପ୍ରତିଷ୍ଠିତ ବ୍ୟକ୍ତିତ୍ୱକୁ ବୁଝାଏ | ତେବେ ଅମିତାଭ ବଚ୍ଚନଙ୍କୁ ଏ ସଫଳତା ଏମିତି ମିଳି ନାହିଁ ,ଏଥିପାଇଁ ତାଙ୍କୁ ବହୁତ ପରିଶ୍ରମ ଓ ସଂଘର୍ଷ ବି କରିବାକୁ ପଡିଛି | ହେଲେ ଏହି ସଫଳତା ପଛରେ ଯେ କେତେ ଦୁଃଖଦ ଓ ଅଭାବନୀୟ ଘଟଣା ଲୁଚି ରହିଛି ତାହା ଖୁବ କମ ଲୋକ ଜାଣିଥିବେ | ଆସନ୍ତୁ ଜାଣିବା ଅମିତାଭଙ୍କ ବିଷୟରେ ଏମିତି ଏକ କାହାଣୀ |
ଅମିତାଭ ବଚ୍ଚନଙ୍କୁ ଆଜି ବଲିଉଡ୍ ଶାହେନଶା କୁହାଯାଏ ସତ କିନ୍ତୁ ଗୋଟେ ସମୟ ଥିଲା ଯେବେ ସେ ଚାକିରି ଖଣ୍ଡେ ପାଇଁ ରାସ୍ତାରେ ବୁଲୁଥିଲେ | ଅମିତାଭ ଆଜି ନିଜର ପରିଶ୍ରମର ଉପହାର ସ୍ୱରୂପ ଇଣ୍ଡଷ୍ଟ୍ରିରେ ଏ ପରିଚୟ ହାସଲ କରିଛନ୍ତି | ଅମିତାଭ ଆଜି ନିଜ ଦମଦାର ଆବାଜ ପାଇଁ ବି ବେଶ୍ ପରିଚିତ ଅଟନ୍ତି | କିନ୍ତୁ ଏକଦା ସମୟ ଥିଲା ଯେତେବେଳେ ତାଙ୍କୁ ନିଜର ଆବାଜ ପାଇଁ ଅଲ ଇଣ୍ଡିଆ ରେଡିଓରେ ବି ପ୍ରତ୍ୟାଖ୍ୟାନ କରାଯାଇଥିଲା |
ଏକ ଇଣ୍ଟରଭିୟୁରେ ଅମିତାଭ ନିଜର ସଂଘର୍ଷ ଦିନକୁ ମନେ ପକେଇ କହିଥିଲେ କି ଗୋଟିଏ ଡ୍ରାଇଭିଙ୍ଗ ଲାଇସେନ୍ସ ସହିତ ମୁମ୍ବଇ ଆସିଥିଲି | ସେ ଭାବିଥିଲେ କି ଯଦି ଆକ୍ଟର ନ ହୋଇ ପାରିବେ ତେବେ ଟ୍ୟାକ୍ସି ହିଁ ଚଳେଇବେ | ଅମିତାଭ ଏକଥା ବି କହିଥିଲେ କି ପଇସା ଅଭାବରୁ କିଛି ରାତି ମରିନ ଡ୍ରାଇଭର ବେଞ୍ଚ ଉପରେ ଶୋଇଥିଲେ | ତାଙ୍କର ପ୍ରଥମ ଫିଲ୍ମ’ ସାତ ହିନ୍ଦୁସ୍ତାନୀ ‘ ପାଇଁ ତାଙ୍କୁ ୫ ହଜାର ଟଙ୍କା ଫିସ ମିଳିଥିଲା | ଆଉ ବେଶ୍ କିଛି ବର୍ଷର ସଂଘର୍ଷ ପରେ ତାଙ୍କୁ ଷ୍ଟାର୍ ବନାଇଥିଲା ‘ଜଂଜିର’ ଫିଲ୍ମ ।
