ବିଶ୍ୱ ସ୍ୱାସ୍ଥ୍ୟ ସଂଗଠନ ନିକଟରେ ବଲିଉଡର କିଙ୍ଗ ଖାନଙ୍କୁ ଧନ୍ୟବାଦ ଜଣାଇଛି। ବର୍ତ୍ତମାନର କରୋନା ସ୍ଥିତିରେ ଶାହରୁଖ ଖାନ ଅଭାବୀ ଲୋକଙ୍କୁ ସାହାଯ୍ୟର ହାତ ବଢ଼ାଇଛନ୍ତି। ଶନିବାର ଦିନ ବିଶ୍ୱ ସ୍ୱାସ୍ଥ୍ୟ ସଂଗଠନ ପକ୍ଷରୁ କରୋନା ଭାଇରସ ସହ ଲଢ଼ୁଥିବା ସ୍ୱାସ୍ଥ୍ୟ କର୍ମୀ ଓ ସାହାଯ୍ୟ ପ୍ରଦାନ କରୁଥିବା ଲୋକଙ୍କ ନିମନ୍ତେ ଏକ କାର୍ଯ୍ୟକ୍ରମ ଆୟୋଜନ କରାଯାଇଥିଲା।
WHO ତରଫରୁ ଆୟୋଜିତ ଏହି କାର୍ଯ୍ୟକ୍ରମରେ ବିଶ୍ୱର ବିଭିନ୍ନ ଦେଶର ଲୋକ ଅଂଶଗ୍ରହଣ କରିଥିଲେ। ଏଥିରେ ଶାହରୁଖ ଖାନ ମଧ୍ୟ ଯୋଗ ଦେଇଥିଲେ। ଏହି କାର୍ଯ୍ୟକ୍ରମର ନାଁ ଥିଲା “One World: Together at Home”, ଏଥିରେ ସମସ୍ତ କଳାକାର ଘରେ ରହି ଉପସ୍ଥିତ ଥିଲେ। କାର୍ଯ୍ୟକ୍ରମରେ WHO ର ମହାନିର୍ଦ୍ଦେଶକ ଡା. ଟେଦ୍ରୋସ ଅଧାନୋମ ଘେବ୍ରେୟେସସ ଶାହାରୁଖ ଖାନଙ୍କୁ ଧନ୍ୟବାଦ ଜଣାଇଥିଲେ।
Thank you @iamsrk for standing in solidarity with @WHO & @GlblCtzn, & for joining the One world, #TogetherAtHome programme tonight. In solidarity, we can keep the world safe! #COVID19 https://t.co/GyMtp9MoDp
— Tedros Adhanom Ghebreyesus (@DrTedros) April 19, 2020
ସେ ଟ୍ୱିଟ କରି ଲେଖିଥିଲେ ଯେ ଶାହରୁଖ ଖାନ WHO ଓ ଗ୍ଲୋବାଲ ସିଟିଜେନଙ୍କ ସହ ଏକତା ଦେଖାଇବା ଓ ୱାନ ୱାର୍ଲଡ଼ ଟୁଗେଦର ଆଟ ହୋମ ସହ ଜଡିତ ଥିବାରୁ ଧନ୍ୟବାଦ। ଆମେ ଏହି କୋଭିଡ-୧୯କୁ ଦୂରେଇ ପାରିବା।
କାର୍ଯ୍ୟକ୍ରମରେ ଶାହରୁଖଙ୍କ ବ୍ୟତୀତ ଲେଡି ଗାଗା, ଦ ରୋଲିଂ ଷ୍ଟୋନ୍ସଙ୍କ ସମେତ ଅନେକ ବଡ଼ ବଡ଼ କଳାକାର ମଧ୍ୟ ଉପସ୍ଥିତ ଥିଲେ।