ଏବେ ସାରା ଦେଶରେ କରୋନା ଲକଡାଉନ ଚାଲିଛି । ତେଣୁ ସାଧାରଣ ଲୋକଙ୍କ ଠୁ ଆରମ୍ଭ କରି ବଲିଉଡ ସେଲିବ୍ରିଟିମାନେ ନିଜ ନିଜ ଘରେ ବନ୍ଦୀ ଅଛନ୍ତି । କିନ୍ତୁ କିଛି ଲୋକ ଏହି ମାହମାରୀକୁ ଗମ୍ଭୀରତାର ସହ ନ ନେଇ ବାହାରେ ବୁଲୁଥିବା ନଜର ଆସୁଛନ୍ତି ।
ନିକଟରେ ଟିଭି ଅଭିନେତ୍ରୀ ଶ୍ୱେତା ତିୱାରୀ ଏକ ଭିଡିଓ ସେୟାର କରିଥିଲେ, ଯେଉଁଥିରେ ଜଣେ ମହିଳା ସିକ୍ୟୁରିଟି ଗାର୍ଡ ସହ ଲଢ଼ୁଥିବା ଦେଖାଯାଉଛନ୍ତି । ଶ୍ୱେତା ନିଜ ଇନଷ୍ଟାଗ୍ରାମରେ ଏହି ଭିଡିଓ ସେୟାର କରି ମହିଳାଙ୍କୁ ଗାଳି ଦେବା ସହ ତାଙ୍କୁ ଗିରଫ କରିବାକୁ ଦାବି କରିଛନ୍ତି । ଭିଡ଼ିଓଟି ଏବେ ସୋସିଆଲ ମିଡିଆରେ ଭାଇରଲ ହେଉଛି ।
View this post on Instagram
She should be arrested! What kind of Behaviour is this??? How irresponsible.
ଭିଡିଓରେ ମହିଳା ଜଣକ ନିଜ ମେଡକୁ ସାଥିରେ ନେବା ପାଇଁ ସିକ୍ୟୁରିଟି ଗାର୍ଡ ସହ ଲଢ଼ୁଥିବା ଦେଖିବାକୁ ମିଳୁଛି । ଗାର୍ଡ ବାରମ୍ବାର ମନା କରିବା ସତ୍ତ୍ୱେ ସେ ମାନୁ ନାହାନ୍ତି ଏବଂ ଲଗାତାର ଝଗଡା କରି ଚାଲିଛନ୍ତି । ତେବେ ମହିଳା ଜଣକ ଧମକ ଦେଇ କହୁଛନ୍ତି, ଯଦି ତାଙ୍କୁ ମେଡ ସହିତ ଭିତରକୁ ଯିବାକୁ ନ ଦିଆଯାଏ, ତା ହେଲେ ସେ ମେଡକୁ ମାସକର ପୂରା ଦରମା ଦେବେ ନାହିଁ । ଲକଡାଉନ ବେଳେ ମହିଳା ସରକାରଙ୍କ ନିୟମ ଉଲ୍ଲଂଘନ କରୁଥିବା ଦେଖାଯାଉଛନ୍ତି ।