ଘରେ ଲଗାନ୍ତୁ ଏହି ଇନଡୋର ପ୍ଲାଣ୍ଟ, ଅକ୍ସିଜେନ ଦେବା ସହ ବାୟୁ ପ୍ରଦୂଷଣକୁ ମଧ୍ୟ ରୋକି ଥାଏ
ଆଜିକାଲି ପ୍ରଦୂଷଣ ସମସ୍ୟା ଦ୍ରୁତ ଗତିରେ ବଢିବାରେ ଲାଗିଛି । ଏପରି ପରିସ୍ଥିତିରେ ବାୟୁ ପ୍ରଦୂଷଣ ରୋକିବା ଏବଂ ଅକ୍ସିଜେନ ଯୋଗାଇବା ପାଇଁ ଘର ଭିତରେ କିଛି ଇନଡୋର ପ୍ଲାଣ୍ଟ ଲଗାନ୍ତୁ । ତେବେ ଆସନ୍ତୁ ଜାଣିବା ଏହିଭଳି ୫ଟି ଉଦ୍ଭିଦ ବିଷୟରେ....
ଆଜିକାଲି ପ୍ରଦୂଷଣ ସମସ୍ୟା ଦ୍ରୁତ ଗତିରେ ବଢିବାରେ ଲାଗିଛି । ସହର ଗୁଡିକରେ ବାୟୁ ପ୍ରଦୂଷଣ ବିପଜ୍ଜନକ ସ୍ତରରେ ପହଞ୍ଚିଲାଣି । ଲୋକମାନେ ନିଶ୍ୱାସ ନେବାରେ ମଧ୍ୟ ଅସୁବିଧା ଭୋଗୁଛନ୍ତି । ଯାନବାହାନ ଏବଂ କାରଖାନାର ଧୂଆଁ ଶୀତଦିନେ ସହରର ବାୟୁ ମଣ୍ଡଳକୁ ବିଷାକ୍ତ କରିଦଉଛି । ବାୟୁମଣ୍ଡଳରେ ଥିବା ଏହି ବାୟୁ ଆମ ଶରୀର ପାଇଁ ଅତ୍ୟନ୍ତ କ୍ଷତିକାରକ । ଏପରି ପରିସ୍ଥିତିରେ ବାୟୁ ସଫା ରଖିବା ଏବଂ ଅକ୍ସିଜେନ ଯୋଗାଇବା ପାଇଁ ଘର ଭିତରେ କିଛି ଇନଡୋର ପ୍ଲାଣ୍ଟ ଲଗାନ୍ତୁ । ଆପଣ ଘରେ କିଛି ଇନଡୋର ପ୍ଲାଣ୍ଟ ଲଗାଇ ପାରିବେ। ଯେପରିକି ସ୍ନେକ ପ୍ଲାଣ୍ଟ, ଏରିକା ପାଲ୍ମ, ସ୍ପାଇଡର ପ୍ଲାଣ୍ଟ ଆଦି ବାୟୁ ପ୍ରଦୂଷଣ ସହ ମୁକାବିଲା କରିବାରେ ସାହାଯ୍ୟ କରେ । ଏହି ବୃକ୍ଷ ସବୁ ବାୟୁରୁ କ୍ଷତିକାରକ ଗ୍ୟାସ୍ ଏବଂ ଧୂଳି କଣିକା ଅବଶୋଷିତ କରି ଅକ୍ସିଜେନ ପ୍ରଦାନ କରନ୍ତି । ଏହି ବୃକ୍ଷ ସବୁକୁ ଘରେ ରଖି ଆମେ ନିଜର ଏବଂ ନିଜ ପରିବାରର ଧ୍ୟାନ ରଖିପାରିବା ।
ସ୍ପାଇଡର ପ୍ଲାଣ୍ଟ :
ଏହା ଏପରି ଏକ ଉଦ୍ଭିଦ ଯାହା ବାୟୁ ସଫା କରିବାରେ ସାହାଯ୍ୟ କରେ । ଏହାର ପତ୍ରରେ ବିଶେଷ ପ୍ରକାରର ତନ୍ତୁ ରହିଛି, ଯାହା ସହଜରେ ବାୟୁରେ ଥିବା ବିଷାକ୍ତ କଣିକା ଏବଂ ମଇଳାକୁ ନିଜ ଆଡକୁ ଟାଣିଆଣେ । ସ୍ପାଇଡର୍ ପ୍ଲାଣ୍ଟ ଫର୍ମାଲଡିହାଇଡ୍, ବେଂଜିନ ଏବଂ ବିଷାକ୍ତ ଗ୍ୟାସ୍ ଶୋଷିବାରେ ସାହାଯ୍ୟ କରେ । ସେଥିପାଇଁ ବାୟୁକୁ ସଫା କରିବା ପାଇଁ ଏହା ସର୍ବୋତ୍ତମ ଉଦ୍ଭିଦ ଭାବରେ ବିବେଚନା କରାଯାଏ । ଆପଣ ଏହାକୁ ନିଜ ଘର କିମ୍ବା ଅଫିସରେ ଯେକୌଣସି ସ୍ଥାନରେ ଲଗାଇ ପାରିବେ ।
ଲେଡି ପାମ:
ଲେଡି ପାମର ପତ୍ରରେ କିଛି ବିଶେଷ ଗୁଣ ଅଛି, ଯାହା ବାୟୁରୁ ପ୍ରଦୂଷଣ କଣିକାକୁ ଆକର୍ଷିତ କରିଥାଏ ଏବଂ ସେମାନଙ୍କୁ ଶୋଷିନେଇଥାଏ । ଲେଡି ପାମ ପତ୍ର ବାୟୁରେ ଥିବା ବିଷାକ୍ତ ଗ୍ୟାସ୍, ବ୍ୟାକ୍ଟରିଆ, ଭାଇରସ ଏବଂ କବକକୁ ଶୋଷିନିଏ । ଏହିପରି ଏହି ଉଦ୍ଭିଦ ବାୟୁକୁ ପରିଷ୍କାର ଏବଂ ଶୁଦ୍ଧ କରିବାରେ ସାହାଯ୍ୟ କରେ । ଘରେ ଲେଡି ପାମ ପ୍ଲାଣ୍ଟ ଲଗାଇଲେ ବାୟୁ ଗୁଣବତ୍ତା ଉନ୍ନତ ହେବ ।
ଏରିକା ପାମ:
ଏରିକା ପାମ ଅର୍ଥାତ୍ ବାଉଁଶ ଗଛ ବାୟୁ ସଫା କରିବାରେ ବହୁତ ସାହାଯ୍ୟ କରିଥାଏ । ବାଉଁଶ ପତ୍ରରେ କ୍ଲୋରୋଫିଲ ଏବଂ ଆଣ୍ଟିଅକ୍ସିଡାଣ୍ଟ ନାମକ ରାସାୟନିକ ପଦାର୍ଥ ରହିଥାଏ, ଯାହା ବାୟୁରୁ କ୍ଷତିକାରକ କଣିକା ଏବଂ ଗ୍ୟାସକୁ ଟାଣି ନେଇଥାଏ । ତେଣୁ, ବାଉଁଶ ଗଛ ଲଗାଇ ଆମେ ସହଜରେ ବାୟୁକୁ ସଫା ଏବଂ ଶୁଦ୍ଧ ରଖିପାରିବା ।
ସ୍ନେକ ପ୍ଲାଣ୍ଟ:
ଏହି ବୃକ୍ଷର ପତ୍ରରେ ଆଣ୍ଟି-ବ୍ୟାକ୍ଟେରିଆ କଟିଂ ରହିଥାଏ ଯାହା ବାୟୁର ଦୂଷିତ ଜୀବାଣୁକୁ ନଷ୍ଟ କରିଥାଏ । ଏହା ରାତିରେ ମଧ୍ୟ ଅକ୍ସିଜେନ ଦେଇଥାଏ ଯେଉଁଥିପାଇଁ ରାତିସାରା ବାୟୁ ସତେଜ ରହିଥାଏ । ଏହାର ଯତ୍ନ ନେବା ଅତ୍ୟନ୍ତ ସହଜ ଏବଂ ଏହା କମ୍ ଆଲୋକରେ ମଧ୍ୟ ଭଲ ଭାବରେ ବଢିପାରେ ତେଣୁ, ଘରେ ବାୟୁକୁ ଶୁଦ୍ଧ ରଖିବା ପାଇଁ ଆପଣ ଏହି ସ୍ନେକ ପ୍ଲାଣ୍ଟ ଲଗାଇ ପାରିବେ ।
