ଏ ସବୁ ଲକ୍ଷଣକୁ ଭୁଲରେ ବି ଜମା କରନ୍ତୁନି ଅଣଦେଖା, ଭିଟାମିନ ଏ ଅଭାବରୁ ହୋଇପାରେ ଏହି ଗମ୍ଭୀର ରୋଗ
ମଣିଷ ଶରୀରକୁ ସବୁ ପ୍ରକାରର ଭିଟାମିନ ଓ ମିନେରାଲ୍ସର ଆବଶ୍ୟକ ହୋଇଥାଏ। ଭିଟାମିନ ରାସାୟନିକ ରୂପେ କାର୍ବନିକ ଯୌଗିକ ହୋଇଥାଏ। ସେହି ଯୌଗିକକୁ ଭିଟାମିନ କୁହାଯାଇଥାଏ, ଯାହା ଶରୀର ଦ୍ୱାରା ପର୍ଯ୍ୟାପ୍ତ ମାତ୍ରାରେ ସ୍ୱୟଂ ଉତ୍ପନ୍ନ ହୋଇ ନ ଥାଏ, ବରଂ ଏହାକୁ ଭୋଜନ ରୂପେ ନେବାକୁ ପଡ଼ିଥାଏ। ବାକି ସବୁ ଭିଟାମିନ୍ସ ଭଳି ଭିଟାମିନ ଏ ମଧ୍ୟ ଶରୀର ପାଇଁ ବହୁତ ଜରୁରୀ ହୋଇଥାଏ।
ଶରୀରର ପ୍ରତିରକ୍ଷା ତନ୍ତ୍ରର କାର୍ଯ୍ୟରେ ସୁଧାର ଆଣିବାରେ ଭିଟାମିନ ଏ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ, ଯଦ୍ଦ୍ୱାରା କୌଣସି ବି ପ୍ରକାର ସଂକ୍ରମଣ ସହ ଲଢ଼ିବାରେ ସାହାଯ୍ୟ ମିଳିଥାଏ। ଆଜି ଆମେ ଆପଣଙ୍କୁ ଭିଟାମିନ ଏ ଅଭାବଜନିତ ଲକ୍ଷଣ ଏବଂ ଏଥିରୁ ସୃଷ୍ଟି ହେଉଥିବା ରୋଗ ବିଷୟରେ କହିବୁ।
ଭିଟାମିନ ଏ ଅଭାବଜନିତ ଲକ୍ଷଣ
-ଓଠ ଫାଟିବା
-ଥକ୍କାପଣ ଅନୁଭବ ହେବା
-ମୂତ୍ରାଶୟରେ ସଂକ୍ରମଣ
-ଖଣ୍ଡିଆ ଖାବରା ଜଲଦି ନ ଶୁଖିବା
-ପିଲାର ଶାରୀରିକ ବିକାଶ ନ ହେବା
-ଶ୍ୱାସନଳୀର ଉପର ଏବଂ ତଳ ଅଂଶରେ ସଂକ୍ରମଣ ହେବା
-ଆଖିର ପାୱାର କମିଯିବା
ଭିଟାମିନ ଏ ଅଭାବଜନିତ ରୋଗ
-ଅନ୍ଧପଣ
-ଶ୍ୱାସ ପ୍ରାଣାଳୀରେ ସଂକ୍ରମଣ
-ଏନିମିୟା
-ଇମ୍ୟୁନିଟି ଦୁର୍ବଳ ହୋଇଯିବା
-ମୂତ୍ର ନଳୀରେ ସଂକ୍ରମଣ
କେଉଁ ଜିନିଷରୁ ମିଳିଥାଏ ଭିଟାମିନ ଏ
ଭିଟାମିନ ଏର ବିଭିନ୍ନ ସ୍ରୋତ ରହିଛି। ଏହା କଡ ଲିଭର ଅଏଲ, ଅଣ୍ଡା, ଫୋର୍ଟିଫାଇଡ ଶସ୍ୟ, ସବୁଜ ପତ୍ର ପରିବା, କମଳା ଓ ହଳଦିଆ ପରିବା, ଗାଜର ଏବଂ ଫଳରୁ ମିଳିଥାଏ।
