ଓଜନ କମାଇବାକୁ ସପ୍ତାହରେ ଥରୁଟିଏ ହେଲେ ବି ଖାଆନ୍ତୁ ଖେଚୁଡ଼ି, ଜାଣନ୍ତୁ ଏହାର ଫାଇଦା
ଦେହ ଖରାପ ହେଲେ ପ୍ରାୟତଃ ଡାକ୍ତରମାନେ ଖେଚୁଡ଼ି ଖାଇବାକୁ ପରାମର୍ଶ ଦେଇଥାନ୍ତି। ଏହା ହାଲ୍କା ହୋଇଥିବାରୁ ସହଜରେ ହଜମ ହୋଇଯାଏ। ଖେଚୁଡ଼ିରେ ବିଭିନ୍ନ ପ୍ରକାରର ଡାଲି ଓ ଚାଉଳ ବ୍ୟବହାର କରାଯାଏ। ଫଳରେ ଶରୀରକୁ ଆବଶ୍ୟକୀୟ ପୋଷକ ତତ୍ତ୍ୱ ମଧ୍ୟ ମିଳେ। ଭାତରୁ କାର୍ବୋହାଇଡ୍ରେଟ୍ସ ମିଳୁଥିବା ବେଳେ ଡାଲିରୁ ପ୍ରୋଟିନ୍ ମିଳେ। ଏଥିରେ ପନିପରିବା ପକାଇଲେ ଅନ୍ୟ ଭିଟାମିନ୍ ଓ ମିନେରାଲ୍ସ ମଧ୍ୟ ମିଳିଥାଏ। ତେବେ ଆସନ୍ତୁ ଜାଣିବା ଖେଚୁଡ଼ି ଖାଇବାର ଫାଇବା ସମ୍ପର୍କରେ..
- ପାଚନ କ୍ରିୟାକୁ ତ୍ୱରାନ୍ଵିତ କରିବାରେ ଖେଚୁଡ଼ି ସାହାଯ୍ୟ କରେ। ଏହା ସହଜରେ ହଜମ ହୋଇଯାଉଥିବାରୁ ପେଟ ଖରାପ ଥିଲେ ଏହାକୁ ଖାଇବାକୁ ଡାକ୍ତର ପରାମର୍ଶ ଦେଇଥାନ୍ତି।
- ଗର୍ଭାବସ୍ଥାରେ ମହିଳାଙ୍କ ଠାରେ ପ୍ରାୟତଃ କୋଷ୍ଠକାଠିନ୍ୟ ଓ ବଦହଜମି ସମସ୍ୟା ଦେଖାଯାଏ। ଏଣୁ ଏହି ସମୟରେ ଖେଚୁଡ଼ି ଖାଇବା ଲାଭଦାୟକ ହୋଇଥାଏ।
- ଖେଚୁଡ଼ି ଖାଇବା ଦ୍ୱାରା ଶରୀରକୁ ଆବଶ୍ୟକୀୟ ପୋଷକ ତତ୍ତ୍ୱ ମିଳେ। ଫଳରେ କଫ, ଜ୍ୱର, ଦୁର୍ବଳତା ଆଦିରୁ ମୁକ୍ତି ମିଳେ।
- ଓଜନ କମ୍ କରିବାରେ ମଧ୍ୟ ଖେଚୁଡ଼ି ସାହାଯ୍ୟ କରେ। ପତଳା ହେବାକୁ ଆପଣ ଏହାକୁ ଡିନରରେ ବି ଖାଇପାରିବେ।