ଆଜିର ଡ଼ିନରରେ ଚିକେନ ସହ ନିଅନ୍ତୁ “ପୋଦିନା ନାନ” ର ମଜା
ବାହାରକୁ ଡିନର କରିବାକୁ ଗଲେ ଆମେ ଅଧିକାଂଶ ସମୟରେ ନାନ ଖାଇବାକୁ ପସନ୍ଦ କରିଥାଉ । ଯେକୌଣସି ଖାଦ୍ୟର ସ୍ୱାଦକୁ ବଢ଼ାଇ ଥାଏ ନାନ । କିନ୍ତୁ ଜାଣନ୍ତିକି ଘରେ ବି ଅତି ସହଜରେ ନାନ ପ୍ରସ୍ତୁତ କରି ଏହାର ମଜା ନେଇପାରିବେ । ତେବେ ଆସନ୍ତୁ ଆଜି ପୋଦିନା ନାନ ରେସିପି ବିଷୟରେ ଜାଣି ରଖିବା ।
ଏଥିପାଇଁ ଆବଶ୍ୟକୀୟ ସାମଗ୍ରୀ:
– ଗୋଟେ କପ ମଇଦା
– ଅଧ ଚାମଚ ଇଷ୍ଟ ପାଉଡ଼ର
– ଅଧ ଚାମଚ ଲୁଣ
– ଅଧ ଚାମଚ ଚିନି
– ଗୋଟେ ଚାମଚ ତେଲ
– ଅଧ କପ ପୋଦିନା ପତ୍ର
– ୨ଟି କଞ୍ଚା ଲଙ୍କା
– ଗୋଟେ ଚାମଚ ଜିରା
– ଗୋଟେ ଚାମଚ ଲେମ୍ବୁ ରସ
– ସାମାନ୍ୟ ବଟର
ପ୍ରସ୍ତୁତି ପ୍ରଣାଳୀ:
– ଇଷ୍ଟ ପାଉଡରରେ ଚିନି ଓ ୫ ଚାମଚ ଉଷୁମ ପାଣି ମିଶାଇ ଭଲ ଭାବରେ ମିଶାଇ ଦିଅନ୍ତୁ ।
– ପରେ ୫ ରୁ ୭ ମିନିଟ ଢ଼ାଙ୍କି ରଖି ଦିଅନ୍ତୁ । ମଇଦାରେ ଇଷ୍ଟ, ଚିନି ସମେତ ଅନ୍ୟାନ ସାମଗ୍ରୀ ଆଦିକୁ ମିଶାଇ ଉଷୁମ ପାଣି ଦେଇ ଚକଟି ଦିଅନ୍ତୁ ।
– ପରେ ୩୦ ମିନିଟ ପାଇଁ ଏକ ଓଦା କପଡା ଦେଇ ଢାଙ୍କି ଦିଅନ୍ତୁ ।
– ଦ୍ଵିତୀୟ ଥର ପାଇଁ ଓଦା ହାତରେ ଚକଟି ଦିଅନ୍ତୁ ।
– ଏବେ ଛୋଟ ଛୋଟ ଗୁଳା କରି ବେଲି ଦିଅନ୍ତୁ ।
– ଏବେ ଏକ ନନ ଷ୍ଟିକ ତାୱାରେ ତେଲ ଦେଇ ରୋଟୀକୁ ସେକି ଦିଅନ୍ତୁ ।
– ଏବେ ବଟର ଲଗାଇ ପରସନ୍ତୁ ଗରମ ଗରମ ପୋଦିନା ନାନ ।
