ବିରିୟାନୀ ତ ବହୁତ ଖାଇଥିବେ କିନ୍ତୁ କଣ କେବେ ଖାଇଛନ୍ତି କି ପରଦା ବିରିୟାନୀ, ମୁହଁରେ ଆସିଯିବ ପାଣି
ଆବଶ୍ୟକ ସାମଗ୍ରୀ
- ୧ ଗ୍ଲାସ ଭିଜାଇ ରଖିଥିବା ଚାଉଳ
- ୨ଟି କଟା ପିଆଜ, ଗୋଟେ ଟମାଟୋ ଏବଂ ୨ଟି କଞ୍ଚା ଲଙ୍କା
- କଟା ପରିବା ଯେମିତିକି ଫୁଲକୋବି, ଗାଜର,ମଟର, ପନୀର, ଆଳୁ, ବିନ୍ସ, ସିମଲା ଲଙ୍କା (ନିଜ ପସନ୍ଦ ମୁତାବକ ପରିବା ନେଇପାରିବେ)
- ୧ ଗିନା ଧନିଆ ପତ୍ର ଏବଂ ପୋଦିନା
- ଏକ ଗିନା ଭିଜାଇ ରଖିଥିବା ଅଟା
- ଲାଲ ଏବଂ କେସର ରଙ୍ଗ ଏବଂ କେଓ୍ଵଡା (ଅପ୍ସନାଲ)
- ଗୋଟା ମସଲା (ତେଜ ପତ୍ର, ଲବଙ୍ଗ, ଗୋଲ ମରୀଚ, ଛୋଟ ବଡ ଅଳେଇଚ, ଜିରା, ଡାଲଚିନି, ଚକ୍ରଫଳ, ଗୋଟେ ଲେମ୍ବୁ
- ସୁଖିଲା ମସଲା (ଲାଲ ଲଙ୍କା, ଲୁଣ, ହଳଦୀ, ଧନିଆ, ଗରମ ମସଲା, ହେଙ୍ଗୁ)
- ଦେଶି ଘିଅ (ଅଟା ଏବଂ ରାଇସ୍ ପାଇଁ ଉଭୟ ପାଇଁ)
- ସୋଡା (ଅଟା ପାଇଁ)
- ଦୁଇ ଚାମଚ ଦହି (ଅଟା ପାଇଁ)
- କାଜୁ ଏବଂ ବାଦାମ୍ ଭିଜା ହୋଇଥିବା
ପ୍ରସ୍ତୁତି ପ୍ରଣାଳୀ
- ସର୍ବପ୍ରଥମେ ଆପଣ ଅଟାରେ ଲୁଣ, ଦେଶି ଘିଅ ଏବଂ ସୋଡାକୁ ପକାଇ ଉଷୁମ ପାଣିରେ ଭିଜାଇ ଦିଅନ୍ତୁ ଏବଂ ଏହାକୁ ଘୋଡାଇ ରଖିଦିଅନ୍ତୁ।
- ସମସ୍ତ ପରିବାକୁ ଗରମ ପାଣିରେ ପକାଇ ଧିମା ଆଞ୍ଚରେ ଘୋଡାଇ ସିଝାନ୍ତୁ।
- ଫ୍ରାଏ ପ୍ୟାନରେ ଘିଅ ପକାଇ ସେଥିରେ ପିଆଜ ପକାଇ ଭାଜନ୍ତୁ।
- ପିଆଜ ଭାଜି ଆସିଲା ପରେ ସେଥିରେ ସୁଖିଲା ଏବଂ ଗୋଟା ମସଲା ସବୁ ପକାଇ କିଛି ସେକେଣ୍ଡ ଭାଜନ୍ତୁ।
- ଏହାପରେ ସିଝାଇ ରଖିଥିବା ପରିବାକୁ ପକାଇ ଦିଅନ୍ତୁ। କିଛି ସମୟ ପର୍ଯ୍ୟନ୍ତ ସବୁକୁ ଆଞ୍ଚରେ ବସାଇବା ପରେ ଚାଉଳ ପକାନ୍ତୁ ଏବଂ ଚାଉଳକୁ ଦୁଇଗୁଣା ପାଣିି ଦେଇ ଘୋଡାଇ ଦିଅନ୍ତୁ। ଏବଂ ପାଣି ସୁଖିଗଲା
- ପରେ ଗ୍ୟାସ୍ ବନ୍ଦ କରିଦିଅନ୍ତୁ।
- ଏବେ ଚକଟି ରଖିଥିବା ଅଟାକୁ ନେଇ ଏକ ମୋଟା ରୁଟି ବନାଇ ଦିଅନ୍ତୁ। ଏବେ ଏହି ରୁଟିକୁ ଚାରି ଭାଗରେ କାଟି ଦିଅନ୍ତୁ ଏବଂ ଫ୍ରାଇଙ୍ଗ ପ୍ୟାନରେ କଟୋରୀ ବା ତାଟିଆ ସେପ ଦେଇ ଲଗାଇ ଦିଅନ୍ତୁ।
- ଏଥିରେ ଭାଜି ରଖିଥିବା କାଜୁ ଏବଂ ବାଦାମ ପକାନ୍ତୁ। ଏହାସହ ଧନିଆ ପୋଦିନା ପତ୍ର ବି ପକାଇ ଦିଅନ୍ତୁ। ଏହାସହିତ କେସର ରଙ୍ଗ ଏବଂ କେଓ୍ଵଡା ବି ପକାଇ ଦିଅନ୍ତୁ।
- ଏବେ ଏଥିରେ ପୂର୍ବରୁ ରଖିଥିବା ବିରିୟାନୀ ରାଇସକୁ ପକାଇ ଦିଅନ୍ତୁ ଏବଂ ଏହାକୁ ଚାରିପଟରୁ ଅଟାରେ ଘୋଡାଇ ରଖନ୍ତୁ।
- ଏବେ ଫ୍ରାଏ ପ୍ୟାନକୁ ଘୋଡାଇ କିଛି ସେକେଣ୍ଡ ରଖନ୍ତୁ ଏବଂ ଏହାପରେ ଆଉ ଗୋଟେ ଫ୍ରାଏ ପ୍ୟାନ ସାହାଯ୍ୟରେ ପରଦା ବିରିୟାନୀକୁ ଓଲଟାଇ ଦିଅନ୍ତୁ।
- କିଛି ସେକେଣ୍ଡରେ ଆପଣଙ୍କ ପରଦା ବିରିୟାନୀ ପ୍ରସ୍ତୁତ କରନ୍ତୁ। ଏହାପରେ ଏବେ ଏହାକୁ ସର୍ଭ କରିଦିଅନ୍ତୁ।
