ସାଧାରଣ ଚିକେନ୍ ଖାଇ ଖାଇ ବୋର୍ ହୋଇଗଲେଣି କି ? ତାହେଲେ ଆଜି ହିଁ ଘରେ ବନାନ୍ତୁ ମଷ୍ଟାର୍ଡ ଚିକେନ୍
ଆବଶ୍ୟକୀୟ ସାମଗ୍ରୀ
- ଚିକେନ୍ ୧ କେଜି
- ଦହି ୧ କପ୍
- ଅଦା ରସୁଣ ୨ ଚାମଚ
- ହଳଦୀଗୁଣ୍ଡ
- ଲଙ୍କାଗୁଣ୍ଡ
- ଧନିଆଗୁଣ୍ଡ
- କଳା ସୋରିଷ ୨ ଚାମଚ
- ଧଳା ସୋରିଷ ୨ ଚାମଚ
- ରସୁଣ ୮/୧୦ ପାଖୁଡା
- କଞ୍ଚାଲଙ୍କା
- ସୋରିଷ ତେଲ
- ଟମାଟୋ
- ପିଆଜ ୨ ଟା
- ଧନିଆପତ୍ର
- ସ୍ଵାଦ ଅନୁସାରେ ଲୁଣ
ପ୍ରସ୍ତୁତି ପ୍ରଣାଳୀ
ମଷ୍ଟାର୍ଡ ଚିକେନ୍ ପ୍ରସ୍ତୁତ କରିବା ପାଇଁ ସର୍ବପ୍ରଥମେ ଏକ ପାତ୍ରରେ ଚିକେନ ନେଇ ସେଥିରେ ଦହି, ହଳଦୀଗୁଣ୍ଡ, ଲଙ୍କାଗୁଣ୍ଡ ଓ ଧନିଆ ଗୁଣ୍ଡ ମିଶାଇ ମ୍ୟାରୀନେଟ୍ କରି ଅଧଘଣ୍ଟା ପର୍ଯ୍ୟନ୍ତ ରଖି ଦିଅନ୍ତୁ । ବର୍ତ୍ତମାନ୍ ଏକ ପ୍ୟାନରେ ସୋରିଷ ତେଲ ଗରମ୍ କରି ସେଥିରେ ପିଆଜ ଓ ଟମାଟୋ ପକାଇ ଭାଜନ୍ତୁ । ତାପରେ ସେଥିରେ ଅଦା ରସୁଣ ପେଷ୍ଟ ପକାଇ କିଛି ସମୟ ଫ୍ରାଏ କରନ୍ତୁ । ଏହା ଟିକିଏ କଷି ହୋଇଗଲା ପରେ ସେଥିରେ ମ୍ୟାରୀନେଟ୍ କରି ରଖିଥିବା ଚିକେନକୁ ପକାଇ ଭଲଭାବରେ କଷନ୍ତୁ । ଚିକେନ୍ ଭଲ ଭାବେ କଷି ହୋଇଗଲା ପରେ ଦୁଇ ପ୍ରକାର ସୋରିଷ, ରସୁଣ ଓ କଞ୍ଚାଲଙ୍କାର ପେଷ୍ଟ ପ୍ରସ୍ତୁତ କରି ସେଥିରେ ଦେଇ ଦିଅନ୍ତୁ, ଏବଂ ଏହାକୁ ଆଉ ଅଳ୍ପ ସମୟ ଫ୍ରାଏ କଲାପରେ ସେଥିରେ ଧନିଆପତ୍ର ଓ ଅଳ୍ପ ଶୋରିଷ ତେଲ ପକାଇ ଗୋଳାଇ ଦିଅନ୍ତୁ । ପ୍ରସ୍ତୁତ ହୋଇଗଲା ଆପଣଙ୍କର ମଷ୍ଟାର୍ଡ ଚିକେନ୍ । ଏହାକୁ ଆପଣ ଗରମ୍ ଗରମ୍ ଭାତ କିମ୍ବା ରୁଟି ସହ ଖାଇ ପାରିବେ ।
