ଯେଉଁ ମହିଳାଙ୍କ ରାଶି ତୁଳା, ଜାଣନ୍ତୁ କେମିତି ହୋଇଥାଏ ସେମାନଙ୍କ ସ୍ଵଭାଵ
ପ୍ରତ୍ୟେକ ମଣିଷର କିଛି ଭଲ ଗୁଣ ବା ଖରାପ ଗୁଣ ଥାଏ । ମଣିଷର ଉଚିତ୍ ବ୍ୟବହାର ଦ୍ୱାରା ହିଁ ସେ ସମସ୍ତଙ୍କ ପାଖରେ ପ୍ରିୟ ହୋଇପାରନ୍ତି । ଏସବୁ କିଛି ମାତ୍ରାରେ ତାଙ୍କ ରାଶି ଉପରେ ପଡିଥିବା ପ୍ରଭାବ ଦ୍ୱାରା ହୋଇଥାଏ । ଆଜି ଆସନ୍ତୁ ଜାଣିବା ତୁଳା ରାଶିର ମହିଳାଙ୍କ ସମ୍ପର୍କରେ କିଛି ଅଜଣା ରହସ୍ୟ ।
-ଏହି ରାଶିର ମହିଳାମାନେ ଅନ୍ୟର କେବେ ଅମଙ୍ଗଳ ଚିନ୍ତା କରି ନଥାନ୍ତି ଓ କାହା ସାଥିରେ ଅନ୍ୟାୟ ହେଉଥିବାର ମଧ୍ୟ ଦେଖି ପାରନ୍ତି ନାହିଁ । କୋମଳ ହୃଦୟର ହୋଇଥିବା ଯୋଗୁଁ ଏମାନେ ଅନ୍ୟକୁ ସାହାଯ୍ୟ କରି ଆତ୍ମସନ୍ତୋଷ ପାଆନ୍ତି।
-ଏମାନଙ୍କୁ ଅଯଥା କଳି ଝଗଡାରେ ପଡିବା ପସନ୍ଦ ନଥାଏ । ଯଦି କେବେ ଏଭଳି ପରିସ୍ଥିତିର ସମ୍ମୁଖୀନ ହୁଅନ୍ତି ତେବେ ନିଜ ବୃଦ୍ଧି ଓ କୂଟନୀତି ବଳରେ ସମାଧାନ କରିଥାନ୍ତି ।
-ତୁଳା ରାଶିର ମହିଳାଙ୍କ ରୂପ ଅନ୍ୟମାନଙ୍କୁ ଆକର୍ଷିତ କରିଥାଏ କିନ୍ତୁ ନିଜ ସୌନ୍ଦର୍ଯ୍ୟ ପ୍ରତି ସେମାନଙ୍କର ସାମାନ୍ୟ ଗର୍ବ ମଧ୍ୟ ନ ଥାଏ ।
ଆଧୁନିକ ଦୁନିଆ ସହିତ ପାଦକୁ ପାଦ ମିଶାଇ ଚାଲିବା ହେଉଛି ତାଙ୍କ ସ୍ୱଭାବ । ଏମାନେ କିନ୍ତୁ ଭାରି ଖର୍ଚ୍ଚି । ବିଭିନ୍ନ ପ୍ରକାର ଡ୍ରେସ, ଜୋତା, ମେକ୍ଅପ ଆଦିରେ ଅର୍ଥ ଶ୍ରାଦ୍ଧ କରିବାରେ କୁଣ୍ଠାବୋଧ କରନ୍ତି ନାହିଁ ।
-ଏମାନେ ନିଜ ପ୍ରେମ ସର୍ମ୍ପକ ଖୁବ ଭଲ ଭାବରେ ତୁଲାଇଥାନ୍ତି । ସୁଖ ଓ ଦୁଃଖ ସବୁ ସମୟରେ ନିଜ ସାଥୀ ପାଖେ ଛିଡା ହୋଇଥାନ୍ତି । ଏହିସବୁ କାରଣରୁ ଏମାନଙ୍କ ଦାମ୍ପତ୍ୟ ଜୀବନ ଖୁବ ସୁଖମୟ ହୋଇଥାଏ ।
-ପରିବାରର ସଦସ୍ୟଙ୍କ ଯତ୍ନ ନେବା ସହ ସମସ୍ତଙ୍କ ମଧ୍ୟରେ ଶାନ୍ତି ବଜାୟ ରଖିଥାନ୍ତି । ନିଜ ଜୀବନ ସାଥୀର ଯତ୍ନ ନେବା ସହିତ ତାଙ୍କ ଛୋଟରୁ ଛୋଟ ଖୁସିର ମଧ୍ୟ ଧ୍ୟାନ ରଖିଥାନ୍ତି ।
-ଏମାନେ ସମସ୍ତଙ୍କ ସହ ମିଶିକି ରହିବାକୁ ଭଲ ପାଆନ୍ତି । ଏହିଭଳି ଭାବରେ ସେ ନିଜ ପରିବାରକୁ ଭଲ ଭାବରେ ସମ୍ଭାଳି ଥାନ୍ତି । ତେବେ ପୂରାପୂରି ଭାବରେ ତାଙ୍କ ପ୍ରତି ସମର୍ପିତ ଥିବା ଜୀବନସାଥୀ ପାଇବାକୁ ସେମାନେ ଇଚ୍ଛା କରିଥାନ୍ତି ।
-ଏହି ରାଶିର ମହିଳାମାନଙ୍କ ବୃଦ୍ଧି ଖୁବ ତୀକ୍ଷ୍ଣ ହୋଇଥାଏ । ଏଣୁ କୌଣସି ବି କାମକୁ ପୁରା କରିବାକୁ ଅଧିକ ସମୟ ନିଅନ୍ତି ନାହିଁ । ବିଭିନ୍ନ ପ୍ରକାର ଖାଦ୍ୟ ରୋଷେଇ କରି ସମସ୍ତଙ୍କୁ ଖୁଆଇବାକୁ ଭଲ ପାଆନ୍ତି ତୁଳା ରାଶିର ମହିଳାମାନେ।
