ଶରୀରର ଅତିରିକ୍ତ ଓଜନ ବୋହୁଛନ୍ତି କି? ତା’ ହେଲେ ନିଶ୍ଚୟ କରନ୍ତୁ କଖାରୁ ମଞ୍ଜି ସେବନ; ଜାଣନ୍ତୁ କିପରି ଖାଇବେ ଏହାକୁ
ପ୍ରତିବର୍ଷ ୨୬ ଅକ୍ଟୋବରରେ ଜାତୀୟ କଖାରୁ ଦିବସ ପାଳନ କରାଯାଏ। କଖାରୁ ନା କେବଳ ସ୍ୱାସ୍ଥ୍ୟ ପାଇଁ ଉପଯୋଗୀ, ବରଂ ଏହା ସ୍ୱାଦରେ ମଧ୍ୟ ବହୁତ ଭଲ ହୋଇଥାଏ। ଯଦି ଆପଣ ମୋଟାପଣ ବା ଓଭର େଓ୍ଵଟ୍କୁ ନେଇ ଚିନ୍ତିତ ଅଛନ୍ତି ଏବଂ ନିଜ ଶରୀରର ଓଜନ ହ୍ରାସ କରିବାକୁ ଚାହୁଁଛନ୍ତି, ତ ଏମିତିରେ କଖାରୁ ଆପଣଙ୍କର ବହୁତ କାମରେ ଆସି ପାରିବ। ଆଜି ଆମେ ଆପଣଙ୍କୁ କହିବାକୁ ଯାଉଛୁ କି, କଖାରୁ ମଞ୍ଜି ଆପଣଙ୍କ ଓଜନ ହ୍ରାସ କରିବାରେ କିପରି ଉପଯୋଗୀ ହୋଇପାରିବ। ଆସନ୍ତୁ ଜାଣିବା ଏ ବିଷୟରେ…
କିପରି ଖାଇବେ କଖାରୁ ମଞ୍ଜି
-ଆପଣ ଚାହିଁଲେ, କଖାରୁ ମଞ୍ଜି ସେମିତି ହିଁ ଖାଇ ପାରିବେ। ଏହା ବ୍ୟତୀତ ଆପଣ ଏହାକୁ ଧିଆ ଆଞ୍ଚ ନିଆଁରେ ହାଲୁକା ଭାବେ ଭାଜି ମଧ୍ୟ ଖାଇ ପାରିବେ। ଭଜା ହୋଇଥିବା କଖାରୁ ମଞ୍ଜି ଉପରେ ଆପଣ ଅଳ୍ପ ମସଲା ପକାଇ ବି ଏହାକୁ ସେବନ କରି ପାରିବେ।
-ଆଜିକାଲି ଲୋକମାନେ ଭୋକ ଲାଗିଲେ, କିଛି ଅସ୍ୱାସ୍ଥ୍ୟକର ଜିନିଷ ଖାଇ ଦିଅନ୍ତି। ଏମିତିରେ କହି ରଖୁଛୁ କି, କଖାରୁ ମଞ୍ଜି ମିଡ୍ ଡେ’ ସ୍ନାକ୍ସ ଅପ୍ସନ ହୋଇ ପାରିବ।
-କଖାରୁ ମଞ୍ଜିକୁ ଆପଣ ସୁପ୍ରେ ମଧ୍ୟ ମିଶାଇ ଖାଇ ପାରିବେ। ଏହାଦ୍ୱାରା ନା କେବଳ ସୁପ୍ର ସ୍ୱାଦ ବଢ଼ିଥାଏ, ବରଂ ସ୍ୱାସ୍ଥ୍ୟକୁ ମଧ୍ୟ ଅନେକ ଫାଇଦା ମିଳି ପାରିଥାଏ। କଖାରୁ ମଞ୍ଜିକୁ ଆପଣ ସାଲାଡରେ ବି ପକାଇ ଖାଇ ପାରିବେ। ଏହା ମଧ୍ୟ ସ୍ୱାସ୍ଥ୍ୟ ପାଇଁ ଅତ୍ୟନ୍ତ ଲାଭଦାୟକ ହୋଇପାରିବ।
-ଯଦି ଆପଣ ଘରେ ଲଡ଼ୁ କିମ୍ବା ହାଲୱା ତିଆରି କରୁଛନ୍ତି, ତା’ ହେଲେ ମିଠାରେ ମଧ୍ୟ ଆପଣ କଖାରୁ ମଞ୍ଜି ମିଶାଇ ପାରିବେ। ଏହା ବ୍ୟତୀତ ଆପଣ ଚାହିଁଲେ, ବ୍ରେଡ୍ କିମ୍ବା ସିଡ୍ କେକ୍ ତିଆରି କରିବା ସମୟରେ ବି କଖାରୁ ମଞ୍ଜି ବ୍ୟବହାର କରି ପାରିବେ।
