ଆଜି ହିଁ ଘରେ ପ୍ରସ୍ତୁତ କରନ୍ତୁ ସ୍ୱାଦିଷ୍ଟ ପଟାଟୋ ଏଗ ବଲସ
ଖାଦ୍ୟକୁ ସ୍ୱାଦିଷ୍ଟ ବନାଇବା ପାଇଁ ସମସ୍ତେ ଚେଷ୍ଟା କରିଥାନ୍ତି ଏବଂ ସମସ୍ତେ ଚାଁହାନ୍ତି ଯେ ଘରେ ଅତି ସହଜ ଭାବେ କିପରି ଏକ ସ୍ପେସିଆଲ ଡ଼ିସ ବନାଯାଇପାରିବ । ଯଦି ଏଠାରେ ଆମେ ଆଳୁ କଥା କହିବା ସେ ଭେଜ ହେଉ କିମ୍ବା ନନଭେଜ ପ୍ରତ୍ୟେକ ତରକାରୀରେ ଆମେ ଏହାର ବ୍ୟବହାର କରିପାରିବା । ନନଭେଜରେ ଅଣ୍ଡା ପ୍ରାୟ ସମସ୍ତଙ୍କୁ ପସନ୍ଦ ଆସିଥାଏ । ସେଥିପାଇଁ ଆଜି ଆମେ ଆପଣଙ୍କ ପାଇଁ ଅଣ୍ଡା ଓ ଆଳୁକୁ ନେଇ ଏପରି ଏକ ସ୍ପେଶାଲ ଡ଼ିସ ନେଇ ଆସିଛୁ ଯାହା ପିଲାଙ୍କଠୁ ବୁଢା ପର୍ଯ୍ୟନ୍ତ ସମସ୍ତଙ୍କୁ ପସନ୍ଦ ଆସିବ । ତାହେଲେ ଆସନ୍ତୁ ଜାଣିବା କିପରି ଘରେ ଅତି ସହଜରେ ପ୍ରସ୍ତୁତ କରାଯାଇପାରିବ ପଟାଟୋ ଏଗ ବଲସ ।
ଆବଶ୍ୟକ ସାମଗ୍ରୀ
୫ଟି ଆଳୁ, ୨ଟି ଅଣ୍ଡା, ୨ଟି କଞ୍ଚାଲଙ୍କା, ୨ ଚାମଚ ମଇଦା,କିଛି ବ୍ରେଡ କ୍ରମ୍ବସ, ତେଲ ଓ ଆବଶ୍ୟକ ଅନୁସାରେ ଲୁଣ ।
ପ୍ରସ୍ତୁତି ପ୍ରଣାଳୀ
ସର୍ବ ପ୍ରଥମେ ସବୁ ଆଳୁକୁ ଚୋପା ଛଡେଇ ଗ୍ରେଟ କରିଦିଅନ୍ତୁ । ତାପରେ ସେଥିରେ ଅଣ୍ଡା ଫଟେଇ ପକେଇ ଦିଅନ୍ତୁ । ଏବେ ସେଥିରେ ମଇଦା, ବ୍ରେଡ କ୍ରମ୍ବସ, କଞ୍ଚାଲଙ୍କା ଓ ଲୁଣ ପକାଇ ମିକ୍ସ କରିଦିଅନ୍ତୁ । ତାପରେ ଏକ ପ୍ୟାନରେ ତେଲ ଗରମ କରି ଏଥିରେ ରଖିଥିବା ମିଶ୍ରଣକୁ ଗୋଲ ଗୋଲ କରି ପକାଇ ଛାଣି ଦିଅନ୍ତୁ । ବର୍ତ୍ତମାନ ପ୍ରସ୍ତୁତ ହୋଇଗଲା ଆପଣଙ୍କର ପଟାଟୋ ଏଗ ବଲସ । ଏହାକୁ ଆପଣ ଟମାଟୋ କ୍ୟାଚପ ଓ ପିଆଜ ସହିତ ସର୍ଭ କରନ୍ତୁ ।
