ଶରୀର ପାଇଁ ରସୁଣ ଖୁବ ଉପକାରୀ । ଶୀତ ଦିନେ ତ ପ୍ରତିଦିନ ୨ ରୁ ୩ ପାଖୁଡା ରସୁଣ ନୁହଟି ଖାଇବା ଦରକାର । ଆମେ ତ ପ୍ରତିଦିନ ସକାଳ କିମ୍ବା ସନ୍ଧ୍ୟା ଜଳଖିଆରେ ବିଭିନ୍ନ ପ୍ରକାର ଖାଦ୍ୟ ଖାଇଥାଉ । କିନ୍ତୁ ଯଦି ଆପଣ ସକାଳ ଜଳଖିଆରେ ରସୁଣ ପରଠା କରି ଖାଇବେ ତେବେ ଆପଣଙ୍କ ଶରୀର ସୁସ୍ଥ ରହିବ । ତେବେ ଆସନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ ଲେଖିରଖିବା:
– ଅଟା
– ରସୁଣ
– କଞ୍ଚା ଲଙ୍କା
– ଲୁଣ
– ଘିଅ ବା ତେଲ
– ଜୁଆଣି
– ଗୋଲମରିଚ
– ଗରମ ମସଲା
ପ୍ରସ୍ତୁତି ପ୍ରଣାଳୀ:
ସର୍ବ ପ୍ରଥମେ ରସୁଣର ଚୋପା ଛଡାଇ ଦିଅନ୍ତୁ । ଏବେ କଞ୍ଚା ଲଙ୍କାକୁ ଟିକ୍ ଟିକ କରି କାଟି ଦିଅନ୍ତୁ । ଏବେ ରସୁଣ ଓ କଞ୍ଚା ଲଙ୍କାକୁ ମିଶାଇ ଦିଅନ୍ତୁ । ଆଉ ସେଥିରେ ଟିକିଏ ଲୁଣ ଓ ଜୁଆଣି ଦେଇ ଭଲଭାବରେ ମିଶାଇ ଦିଅନ୍ତୁ । ଆପଣଙ୍କ ପରଟା ପାଇଁ ସ୍ଟାଫିଙ୍ଗ ପ୍ରସ୍ତୁତ ହୋଇଗଲା ।
ଏବେ ଅଟାକୁ ଚକଟି ଦିଅନ୍ତୁ । ଅଟା ଚକଟିବା ଅସମୟରେ ସେଥିରେ ଲୁଣ, ଲଙ୍କା, ଜୁଆଣି, ଗରମ ମସଲା, ଗୋଲମରିଚ ପାଉଡର ମିଶାନ୍ତୁ । ଏବେ ସେଥିରେ ଟିକେ ଟିକେ ପାଣି ଦେଇ ଚକଟି ଦିଅନ୍ତୁ ।
ଅଟା ଚକଟାକୁ ୧୦ ମିନିଟ ପାଇଁ ଛାଡି ଦିଅନ୍ତୁ । ଏବେ ଚକଟାରେ ହାଲୁକା ତେଲ ମାରି ଚିକ୍କଣ କରି ଦିଅନ୍ତୁ ।
ଏବେ ଅଟାର ଛୋଟ ଛୋଟ ଗୁଳା କରି ସେଥିରେ ରସୁଣ ପୁର ଦେଇ ଦିଅନ୍ତୁ ।
ହଁ ପରଠା କରିବା ସମୟରେ ସେଥିରେ ତେଲ କିମ୍ବା ବଟର ଲଗେଇଦେବେ । ଏବେ ତାହାକୁ ହାଲୁକା ଭାବରେ ବେଲି ଦିଅନ୍ତୁ ।
ଗ୍ୟାସରେ ତାୱା ବସାଇ ଗରମ କରନ୍ତୁ । ଏବେ ପରଠାକୁ ତାୱାରେ ଦେଇ ଘିଅ କିମ୍ବା ତେଲ ଦେଇ ସେକି ଦିଅନ୍ତୁ । ଏବେ ଆପଣଙ୍କ ରସୁଣ ପରଠା ପ୍ରସ୍ତୁତ ହୋଇଗଲା । ଏବେ ଏହାକୁ ଗରମ ଗରମ ଚଟଣି ସହ ଖାଆନ୍ତୁ ।