ରାତି ଖାଇବାକୁ ସ୍ପେଶାଲ କରିବା ପାଇଁ ପ୍ରସ୍ତୁତ କରନ୍ତୁ ‘ପାଳଙ୍ଗ କୋଫତା କରୀ’
ଛୋଟ ପିଲା ମାନେ ସାଧାରଣତଃ ସବୁଜ ପନିପରିବା ଖାଇବାକୁ ସେତେଟା ପସନ୍ଦ କରନ୍ତି ନାହିଁ । ଯଦି ସେହି ପରିବାକୁ କିଛିଟା ଭିନ୍ନ ଅନ୍ଦାଜରେ ପ୍ରସ୍ତୁତ କରାଯାଏ ପିଲା ମାନେ ଖୁସିରେ ଖାଇଦିଅନ୍ତି । ଶୀତ ଦିନେ ମିଳୁଥିବା ପାଳଙ୍ଗକୁ ଆହୁରି ସ୍ୱାଦିଷ୍ଟ କରିବା ପାଇଁ ଚାଲନ୍ତୁ ପ୍ରସ୍ତୁତ କରିବା ‘ପାଳଙ୍ଗ କୋଫତା କରୀ’ । ପ୍ରଥମେ ଜାଣି ରଖନ୍ତୁ ଏଥିପାଇଁ ଆବଶ୍ୟକ ହେଉଥିବା ସାମଗ୍ରୀ:
୧. ପାଳଙ୍ଗ – ୫୦ ଗ୍ରାମ
୨. ରିଫାଇନ ତେଲ- ୧ ଛୋଟ ଚାମଚ
୩. ଅଦା ପେଷ୍ଟ- ୧ ଚାମଚ
୪. ଲୁଣ ସ୍ୱାଦ ଅନୁଯାୟୀ
୫. ବାଦାମ- ୪ ରୁ ୫ ଟି
୬. ଆଳୁ – ୧
୭. ଯାୟତ୍ରୀ ପାଉଡର- ୧୦ ଗ୍ରାମ
୮. ଧଳା ରାଶି- ୧୦ ଗ୍ରାମ
୯. ଲଙ୍କା ଗୁଣ୍ଡ- ୧ ଚାମଚ
୧୦. ପିଆଜ- ୧
୧୧. ଦେଶୀ ଘିଅ – ୨ ଚାମଚ
୧୨. କଳା ଜିରା – କିଛି
୧୩. କଞ୍ଚା ଲଙ୍କା- ୨ ଟି
୧୪. ତେଜ ପତ୍ର
୧୫. ଅଖରୋଟ – ୧ ଟି
୧୬. କାଜୁ – ୪ ରୁ ୫ ଟି
୧୭. ପନିର-୨୦୦ ଗ୍ରାମ
୧୮ . ଡାଲଚିନି ପାଉଡର- ୧ ଚାମଚ
୧୯. ମଇଦା- ୧ ଚାମଚ
୨୦. ଧନିଆ – ୧ ଚାମଚ
୨୧. ନଡ଼ିଆ – କୋରା ଯାଇଥିବା
୨୨. ହଳଦୀ- ଗୋଟେ ଚୁଟକୀ
୨୩. ରସୁଣ – ୫ ପାଖୁଡା
ପ୍ରସ୍ତୁତ ପ୍ରଣାଳୀ:
– ଗୋଟେ ପ୍ୟାନରେ ତେଲ ଗରମ କରନ୍ତୁ, ସେଥିରେ କିଛି ଜିରା ପକେଇ ଭଲ ଭବେ ଭାଜି ଦିଅନ୍ତୁ । ସାଥିରେ ଅଦା ଓ ଲଙ୍କା ପେଷ୍ଟ ବି ଦିଅନ୍ତୁ ।
– ପରେ ସେଥିରେ କଟା ଯାଇଥିବା ପାଳଙ୍ଗକୁ ପକେଇ ଦିଅନ୍ତୁ । ଆଉ ୩ ରୁ ୫ ମିନିଟ ପାଇଁ ଭଲଭାବେ ଭାଜନ୍ତୁ ।
– ଏବେ ସେଥିରେ କଟା ଯାଇଥିବା ବାଦାମ, କାଜୁ, ଅଖରୋଟ ଆଦିକୁ ପକାନ୍ତୁ ।
– ଏବେ ଅନ୍ୟ ଏକ ପାତ୍ରରେ ପନିର, ସିଝା ଆଳୁ, ଡ଼ାଲ ଚିନି,ଯାୟତ୍ରୀ ପାଉଡର ଓ ମଇଦା ଆଦି ପକେଇ ଭାଲଭାବେ ମିକ୍ସ କରି ଦିଅନ୍ତୁ । ଏବେ ଏହାକୁ ଥଣ୍ଡା ହେବା ପାଇଁ ଛାଡ଼ି ଦିଅନ୍ତୁ | ଥଣ୍ଡା ହେବା ପରେ ମିକ୍ଚରରେ ଛୋଟ ଛୋଟ ଗୁଳା ପ୍ରସ୍ତୁତ କରନ୍ତୁ ।
– ପରେ ଗୋଲଡେନ ବ୍ରାଉନ ରଙ୍ଗର ହେବା ପର୍ଯ୍ୟନ୍ତ ତେଲରେ ଭାଜନ୍ତୁ । ଏକ ଗ୍ରାଇଣ୍ଡରରେ ବାଦାମ, ରାଶି, ଗୋଟା ଧନିଆ, ଜିରା, ଲଙ୍କା ଗୁଣ୍ଡ, କାଜୁ, ହଳଦୀ, ନଡ଼ିଆ ଆଦି ଦେଇ ଭଲ ଭାବେ ଗ୍ରାଇଣ୍ଡିଙ୍ଗ କରି ଦିଅନ୍ତୁ ।
– ଏବେ ଏକ ପ୍ୟାନରେ ଘିଅ ଗରମ କରନ୍ତୁ । ଏବେ ସେଥିରେ କଟା ଯାଇଥିବା ରସୁଣ, ପିଆଜ ଆଦି ଦେଇ ସୁନେଲି ରଙ୍ଗ ହେବା ଯାଏଁ ଭାଜନ୍ତୁ ।
– ଏବେ କଡେଇରେ କଟା ଅଦା, ଗୁଣ୍ଡ ମଶଲା ଆଦି ଦେଇ ହାଲୁକା ଆଞ୍ଚରେ ଭାଜନ୍ତୁ ।
– ଏବେ ଏଥିରେ ୫୦୦ ମିଲି ପାଣି ଦେଇ ୨୦ ରୁ ୨୫ ମିନିଟ ପାଇଁ ଗ୍ୟାସରେ ବସାନ୍ତୁ । ପ୍ରସ୍ତୁତ ହୋଇଥିବା ମସଲାକୁ ବଲ ଉପରେ ଦେଇ ଧନିଆ ପତ୍ର ଦେଇ ସଜେଇ ଦିଅନ୍ତୁ । ଏବେ ଗରମ ଗରମ ରୁଟି କିମ୍ବା ଭାତ ସହ ପରସନ୍ତୁ ‘ପାଳଙ୍ଗ କୋଫତା କରୀ’ ।
