ଘରେ ପ୍ରସ୍ତୁତ କରି ଚାଖନ୍ତୁ ଟେଷ୍ଟି ‘ଟମାଟୋ ମେଥି ପୁରୀ’, ଥରେ ଖାଇଲେ ପାଟିରୁ ସ୍ୱାଦ ଛାଡିବନି
ମେଥି ଓ ଟମାଟୋରେ ପ୍ରସ୍ତୁତ ଏହି ପୁରୀ ବହୁ ସୁଆଦିଆ ହେବା ସହ ଏକ ପୌଷ୍ଟିକ ଖାଦ୍ୟ ମଧ୍ୟ । ଏହା ଏକ ହିତକର ଜଳଖିଆ ହେବା ସହ ଟିଫିନ ବକ୍ସରେ ଅଫିସ ଓ ସ୍କୁଲକୁ ବି ନିଆ ଯାଇପାରିବ । ତେବେ ଥରେ ଘରେ ବନେଇ ଚାଖନ୍ତୁ ଏହି ଟେଷ୍ଟି ଡ଼ିସ :
ଆବଶ୍ୟକୀୟ ସାମଗ୍ରୀ:
୧. ୨ କପ ଗହମ ଅଟା
୨. ମେଥି ପତ୍ର- କିଛି (ନିଜ ପସନ୍ଦ ଅନୁଯାୟୀ)
୩. ଟମାଟୋ ପେଷ୍ଟ – ୧ କପ
୪. ଧନିଆ ପାଉଡର – ଗୋଟେ ଚାମଚ
୫. ଗରମ ମସଲା- ଗୋଟେ ଚାମଚ
୬. ହଳଦୀ – ଚିମୁଟେ
୭.ଲଙ୍କା ଗୁଣ୍ଡ- ଗୋଟେ ଚାମଚ
୮. ଜୁଆଣି – କିଛି
୯. ଛାଣିବା ପାଇଁ ତେଲ
ପ୍ରସ୍ତୁତି ପ୍ରଣାଳୀ;
– ମେଥି ପତ୍ରକୁ କିଛି ସମୟ ବତୁରାନ୍ତୁ ଓ ଏହାକୁ ଛୋଟ ଛୋଟ କରି କାଟି ନିଅନ୍ତୁ
– ପିୟୁରୀ ବନାଇବା ପାଇଁ ଟମାଟୋକୁ ଗ୍ରାଇଣ୍ଡର ସାହାଯ୍ୟରେ ବାଟି ଦିଅନ୍ତୁ ।
– ଯଦି ଚାହିଁବେ ଏହାକୁ ଛାଣି ଦେଇପାରିବେ ।
– ଏକ ପାତ୍ରରେ କିଛି ଅଟା ନିଅନ୍ତୁ ।
– ପରେ ହଳଦୀ ପାଉଡର, ଲୁଣ ଧନିଆ ଗୁଣ୍ଡ, ଗରମ ମସଲା, ଲଙ୍କା ଗୁଣ୍ଡ, ଜୁଆଣି, ମେଥି ପତ୍ର ଦେଇ ଭଲ ଭାବେ ମିଶେଇ ଦିଅନ୍ତୁ ।
– ଏବେ ଟମାଟୋ ପିୟୁରୀ ଦେଇ ଗାଢ଼ ଅଟା ଚକଟି ଦିଅନ୍ତୁ ।
– ଚକଟିବା ପରେ ଏହି ଗୁଳାକୁ ୧୦ ରୁ ୧୫ ମିନିଟ ପାଇଁ ଛାଡ଼ି ଦିଅନ୍ତୁ ।
– ପରେ ପୁରୀ ପରି ଚକଟି ଗରମ ତେଲରେ ଛାଣି ଦିଅନ୍ତୁ ।
– ଏବେ ପ୍ରସ୍ତୁତ ହୋଇଗଲା ଆପଣଙ୍କ ‘ଟେଷ୍ଟି ଟମାଟୋ ମେଥି ପୁରୀ’
ଟମାଟୋରେ ବନା ଯାଇପାରିବ ‘ଟେଷ୍ଟି ପୁରୀ’, ଥରେ ଘରେ ପ୍ରସ୍ତୁତ କରି ଚାଖନ୍ତୁ