ଯଦି ଆପଣ ପ୍ରତିଦିନ ଅଣ୍ଡା ଖାଉଛନ୍ତି ତେବେ ଏବେଠାରୁ ସାବଧାନ ହୋଇଯାଆନ୍ତୁ । କାରଣ ପ୍ରତିଦିନ ଦୁଇଟି ଲେଖାଏଁ ଅଣ୍ଡା ଖାଇଲେ ଆପଣଙ୍କ ସ୍ବାସ୍ଥ୍ୟ ପ୍ରତି ଆସିପାରେ ବିପଦ। ତେବେ ନିୟମିତ ଅଣ୍ଡା ଖାଇବା ଦ୍ବାରା କେଉଁ ରୋଗ ହୋଇଥାଏ ଓ ଏହା ପଛରେ କଣ କାରଣ ରହିଛି ଆସନ୍ତୁ ଜାଣିବା ।
ଯେଉଁମାନେ ଦୈନିକ ଦୁଇଟି ଅଣ୍ଡା ଖାଉଥାନ୍ତି ସେମାନଙ୍କୁ କାର୍ଡ଼ିୟୋଭାସ୍କୁଲାର ରୋଗ ହେବାର ସମ୍ଭାବନା ରହିଛି । ଏହି ରୋଗ ଧୀରେ ଧୀରେ ହୃଦରୋଗ ବା ହାର୍ଟ ଆଟାକ ଆଡ଼କୁ ଗତି କରିଥାଏ । ଯାହଫଳରେ ନିୟମିତ ଅଣ୍ଡା ଖାଉଥିବା ବ୍ୟକ୍ତିର ମୃତ୍ୟୁ ଘଟିବାର ଆଶଙ୍କା ବୃଦ୍ଧି ପାଇଥାଏ । ନିକଟରେ ଆମେରିକାରେ ହୋଇଥିବା ଏକ ରିସର୍ଚ୍ଚ ଅନୁସାରେ ଶରୀରରେ ଯେଉଁ କଲେଷ୍ଟ୍ରୋଲ୍ ମାତ୍ରା ରହିଛି ତାହା ଅଣ୍ଡା ଖାଇବା ପରେ ବୃଦ୍ଧି ପାଇବା ଦ୍ୱାରା ଶରୀରରେ ଖରାପ ପ୍ରଭାବ ପକାଇଥାଏ । ଗୋଟିଏ ଅଣ୍ଡାରେ ପ୍ରାୟ ୨୦୦ମିଲିଗ୍ରାମ କଲେଷ୍ଟ୍ରୋଲ୍ ରହିଥାଏ । ସେହିପରି ପ୍ରତିଦିନ ଦୁଇଟି ଅଣ୍ଡା ଅର୍ଥାତ ୩୦୦ ମିଲିଗ୍ରାମରୁ ଅଧିକ କଲେଷ୍ଟ୍ରୋଲ୍ ସେବନ କରିବା ଦ୍ୱାରା ଶରୀର ପ୍ରତି ବିପଦ ବୃଦ୍ଧି ହୋଇଥାଏ। ଯାହା ହୃଦରୋଗର କାରଣ ହୋଇଥାଏ।