ଘରର ବାସ୍ତୁଦୋଷ ପରିବାର ସଦସ୍ୟଙ୍କ ଉପରେ ଖରାପ ପ୍ରଭାବ ପକାଇଥାଏ । ଏହାଦ୍ୱାରା ଘରେ ନକାରାତ୍ମକ ଶକ୍ତି ବୃଦ୍ଧି ପାଇଥାଏ। ଘରେ ନକାରାତ୍ମକ ଶକ୍ତି ଦୂର କରିବା ପାଇଁ ଅନେକ ପ୍ରକାର ଉପାୟ ରହିଛି।
ଆସନ୍ତୁ ଜାଣିବା କେଉଁ ଉପାୟ ଦ୍ୱାରା ନକାରାତ୍ମକ ଶକ୍ତି ଦୂର କରିବା :
-ଘରୁ ନକାରାତ୍ମକ ଶକ୍ତି ଦୂର କରିବା ପାଇଁ ଘର ପୋଛିବା ସମୟରେ ପାଣିରେ କିଛି ଲୁଣ ମିଶାଇ ଦିଅନ୍ତୁ। ଏଥିପାଇଁ ଗୋଟା ଲୁଣ ସର୍ବୋତ୍ତମ ହୋଇଥାଏ।
-ଘରେ ମଝିରେ ମଝିରେ ଗୋ ମୂତ୍ର ଛିଞ୍ଚିବା ଉଚିତ। ଏପରି କରିବା ଦ୍ୱାରା ସମସ୍ତ ଦେବାଦେବୀ ସନ୍ତୁଷ୍ଟ ହୋଇଥାନ୍ତି। ଗୋ ମୂତ୍ରର ଗନ୍ଧ ଦ୍ୱାରା ଜୀବାଣୁ ମଧ୍ୟ ନଷ୍ଟ ହୋଇଯାଇଥାଏ। ଏହାଦ୍ୱାରା ସକାରାତ୍ମକ ଶକ୍ତି ବୃଦ୍ଧି ପାଇଥାଏ।
-ପ୍ରତିଦିନ ଘର ଭିତର ଓ ବାହାର ସ୍ଥାନକୁ ଭଲ ଭାବେ ସଫା କରିବା ଉଚିତ । ଏହାଦ୍ୱାରା ଧନର ଦେବୀ ମା ଲକ୍ଷ୍ମୀ ମଧ୍ୟ ଅତ୍ୟନ୍ତ ପ୍ରସନ୍ନ ହୋଇଥାନ୍ତି। ଘରେ ସୁଖ ଓ ସମୃଦ୍ଧି ବୃଦ୍ଧି ହୋଇଥାଏ।
-ପ୍ରତିଦିନ ଘର ବାହାରେ ମୁରୁଜ ପକାନ୍ତୁ। ଏହା କରିବା ଦ୍ୱାରା ବାହାରୁ କୌଣସି ନକାରାତ୍ମକ ଶକ୍ତି ଘର ଭିତରକୁ ପ୍ରବେଶ କରିପାରିବ ନାହିଁ।
– ଘରେ ପ୍ରତ୍ୟେକ ଦିନ ଝୁଣା ଧୂଆଁ ଦେବା ଉଚିତ। ଏହାଦ୍ୱାରା ଭଗବାନଙ୍କ କୃପା ଦୃଷ୍ଟି ଘରେ ପଡିବା ସହ ନକାରାତ୍ମକ ଶକ୍ତି କମି ଯାଇଥାଏ।
-ପୂଜା ସମୟରେ କର୍ପୂର ଆଳତୀ, ଝୁଣା, ଦେଶୀ ଘିଅର ଦୀପ ଓ ଚନ୍ଦନ ବ୍ୟବହାର କରନ୍ତୁ। ଏହି ପବିତ୍ର ପୂଜା ସାମଗ୍ରୀ ଦ୍ୱାରା ଘରେ ସର୍ବଦା ସକାରାତ୍ମକ ଶକ୍ତି ବୃଦ୍ଧି ପାଇଥାଏ।