କେଶକୁ ଲମ୍ବା ଏବଂ ମଜଭୁତ୍ କରିଥାଏ ଚାଉଳ ଓ ମେଥି, ଜାଣନ୍ତୁ କେମିତି କରିବେ ବ୍ୟବହାର
ହେୟାର ପ୍ରୋବ୍ଲେମ୍ ଏକ ଗମ୍ଭୀର ସମସ୍ୟା। ଯଦି ଆପଣଙ୍କୁ କେଶଜନିତ କୌଣସି ବି ସମସ୍ୟା ରହିଛି, ତ ଆଜି ଆମେ ଏହାର କିଛି ଖାସ୍ ଉପଚାର ବିଷୟରେ କହିବୁ। ସବୁ ଝିଅଙ୍କର ଲମ୍ବା ଓ ମଜଭୁତ କେଶ ପସନ୍ଦ। ଯଦି ଆପଣ ବି ଏଭଳି କେଶ ପାଇବାକୁ ଚାହୁଁଛନ୍ତି, ତ ଏଥିପାଇଁ ଚାଉଳ ଓ ମେଥିକୁ ବ୍ୟବହାର କରନ୍ତୁ, ଯଦ୍ଦ୍ଵାରା ଆପଣଙ୍କର ଘନ ଓ ଲମ୍ବା କେଶ ପାଇବାର ସ୍ୱପ୍ନ ସାକାର ହୋଇପାରିବ।
ଉପାୟ
-ରାତିରେ ୨୫୦ ମିଲିଲିଟର ପାଣିରେ ୩ ଚାମଚ ମେଥି ଦାନାକୁ ଭିଜେଇ ରଖି ଦିଅନ୍ତୁ।
-ସକାଳେ ଅଧା କପ୍ ଚାଉଳରେ ଏକ କପ୍ ପାଣି ମିଶାଇ ୨ରୁ ୩ ଘଣ୍ଟା ପର୍ଯ୍ୟନ୍ତ ରଖି ଦିଅନ୍ତୁ।
-ଏହାପରେ ଦୁଇଟି ଅଲଗା ଅଲଗା ପାତ୍ରରେ ଚାଉଳ ଓ ପାଣି ଏବଂ ମେଥି ଓ ପାଣିକୁ ଗ୍ୟାସ୍ ଉପରେ ରଖନ୍ତୁ।
-ଧିମା ଆଞ୍ଚରେ ଦୁଇଟି ହିଁ ଜିନିଷକୁ ୫ରୁ ୭ ମିନିଟ୍ ଯାଏ ରାନ୍ଧନ୍ତୁ।
-ଏହାପରେ ଚାଉଳ ଓ ମେଥି ପାଣିକୁ ଗୋଟିଏ ପାତ୍ରରେ ଛାଣି ନିଅନ୍ତୁ ଏବଂ ଗୋଟିଏ ଦିନ ପାଇଁ ଏହାକୁ ସେମିତି ହିଁ ରଖିବାକୁ ଦିଅନ୍ତୁ।
-ଦିନକ ପରେ କେଶକୁ ହାଲୁକା ଗରମ ପାଣିରେ ଭଲ ଭାବେ ଧୋଇ ନିଅନ୍ତୁ। ଏବେ ଚାଉଳ ଓ ମେଥି ପାଣିକୁ କେଶ ଏବଂ କେଶ ମୂଳରେ ଲଗାଇ ୫ରୁ ୧୦ ମିନିଟ୍ ଯାଏ ମସାଜ କରନ୍ତୁ।
-ଏହାପରେ ଆପଣ ଶାଓ୍ଵର କ୍ୟାପ୍ ପିନ୍ଧି ନିଅନ୍ତୁ ଏବଂ ୧୫ରୁ ୨୦ ମିନିଟ୍ ପରେ ଉଷୁମ ପାଣିରେ କେଶକୁ ଧୋଇ ଦିଅନ୍ତୁ।
ଫାଇଦା
ମଜଭୁତ କେଶ ପାଇଁ ଚାଉଳ ଓ ମେଥି ପାଣି ବ୍ୟବହାର କରିବା ଦ୍ୱାରା କେଶ ଝଡ଼ିବା ସମସ୍ୟା କମି ଯାଇଥାଏ। ଚାଉଳରେ କାର୍ବୋହାଇଡ୍ରେଟସ୍, ଫେରୁଲିକ୍ ଏସିଡ୍, ଭିଟାମିନ୍ ଏ, ସି, ଡି ଏବଂ ଭିଟାମିନ ଇ ରହିଥାଏ, ଯାହାକି କେଶକୁ ମଜଭୁତ ବନାଇବା ସହିତ ମୁଲାୟମ ଓ ଚମକଦାର କରିଥାଏ। ସେହିପରି ମେଥି ମଧ୍ୟ ବେଶ ଲାଭକାରୀ ହୋଇଥାଏ। କାରଣ ମେଥି ଦାନାରେ ଫଲିକ୍ ଏସିଡ୍, ପୋଟାସିୟମ, ପ୍ରୋଟିନ, କ୍ୟାଲସିୟମ, ଆୟରନ, ଭିଟାମିନ ଏ, କେ, ସି ରହିଥାଏ, ଯାହାକି କେଶକୁ ପୋଷଣ ଦେଇ ଭ୍ୟାମେଜ୍ ହେବାରୁ ବଞ୍ଚାଇଥାଏ।