ଆସନ୍ତାକାଲି ପଡୁଛି ଶ୍ରାବଣ ମାସର ଶେଷ ସୋମବାର । ଏମିତିରେ ଭଗବାନ ଶିବଙ୍କୁ ଭୋଗ ଲଗାଇବା ପାଇଁ ଘରେ ବନାଇ ପାରିବେ ସ୍ୱାଦିଷ୍ଟ ବଙ୍ଗଳା ସନ୍ଦେଶ । ଏହାକୁ ତିଆରି କରିବା ବହୁତ ସହଜ ଓ ଖୁବ୍ କମ୍ ସମୟରେ ଆପଣ ଏହାକୁ ତିଆରି କରିପାରିବେ । ଆସନ୍ତୁ ଜାଣିବା ଏହାକୁ ତିଆରି କରିବାର ତରିକା ।
ସାମଗ୍ରୀ :
. ୧ ଲିଟର ଦୁଧ
. ୧ ରୁ ଦେଢ଼ ଚାମଚ ଲେମ୍ବୁ ରସ
. ୫ ଚାମଚ ଚିନି
. ୪ ରୁ ୫ ଟା ପେସ୍ତା, ବାଦାମ
. ୧୦ ରୁ ୧୨ ଟି କିଶମିଶ
ପ୍ରସ୍ତୁତି ପ୍ରଣାଳୀ :
ଦୁଧକୁ ଗରମ କରନ୍ତୁ, ଯେତେବେଳେ ଏହା ଉତୁରିଯିବ ଏଥିରେ ଲେମ୍ବୁ ରସ ଢ଼ାଳନ୍ତୁ ଓ ଏହାକୁ ଧିରେ ଧିରେ ଗୋଳାନ୍ତୁ । ଯେତେବେଳେ ଦୁଧ ଓ ପାଣି ଅଲଗା ହୋଇଯିବ ସେତେବେଳେ ଏହାକୁ ଏକ ସୂତା କପଡ଼ାରେ ଛାଣି ଦିଅନ୍ତୁ । ଏହାକୁ ଏକାଠି କରି ଭଲ ଭାବେ ଚିପୁଡ଼ି ଦିଅନ୍ତୁ ।
ଏହାପରେ ଏକ ନନଷ୍ଟିକ ପ୍ୟାନରେ ଏହାକୁ ହାଲକା ଭାବେ ସେକି ଦିଅନ୍ତୁ । ଯେତେବେଳେ ଏଥିରୁ ଓଦାପଣ କମିଯିବ ତାହା ଏକାଠି ହୋଇଯିବ । ଏବେ ଗ୍ୟାସ ବନ୍ଦ କରି ଏହାକୁ ଥଣ୍ଡା ହେବାକୁ ଦିଅନ୍ତୁ ।
ଥଣ୍ଡା ହୋଇଗଲେ ଏହାକୁ ସନ୍ଦେଶ ଆକାରରେ ତିଆରି କରନ୍ତୁ । ତା’ ପରେ ପେସ୍ତା, କିଶମିଶ ଓ ବାଦାମ ଏଥିରେ ଲଗାନ୍ତୁ । ଏବେ ପ୍ରସ୍ତୁତ ହୋଇଗଲା ଆପଣଙ୍କ ବଙ୍ଗଳା ସନ୍ଦେଶ ।