ସାଧାରଣତଃ ଅଧିକାଂଶ ଲୋକେ ଖାଇବା ପରେ ଗୁଡ଼ ଖାଇବାକୁ ପସନ୍ଦ କରିଥାନ୍ତି । ଏଥିରେ ପ୍ରୋଟିନ, ଫ୍ୟାଟ, ଆଇରନ, ପୋଟାସିୟମ, ଭିଟାମିନ- ବି, କ୍ୟାଲସିୟମ, ଫସଫରସ, ଜିଙ୍କ ପରି ତତ୍ତ୍ୱ ମାନ ଭରପୁର ମାତ୍ରାରେ ଥାଏ । ଯାହାକି ସ୍କିନରେ ଉଜ୍ଜଳତା ଆଣିବାରେ ମଧ୍ୟ ସାହାଯ୍ୟ କରେ । ଶୁଣିବାକୁ ହୁଏତ ଆଶ୍ଚର୍ୟ୍ୟ ଲାଗିପାରେ ଏହି ଗୁଡ଼ର ବ୍ୟବହାର କରି ମୁହଁରେ ଫେସିଆଲ ମଧ୍ୟ କରାଯାଇ ପାରିବ । ଆଉ ଖୁବ କମ ଖର୍ଚ୍ଚ ଆଉ କମ ସମୟରେ ଏହି ଫେସିଆଲ ଘରେ କରାଯାଇପାରିବ ।
୧. କ୍ଲିଞ୍ଜିଙ୍ଗ ;
କଞ୍ଚା କ୍ଷୀର- ୨ ଛୋଟ ଚାମଚ
ଏକ ଛୋଟ ପାତ୍ରରେ କିଛି କଞ୍ଚା କ୍ଷୀର ନିଅନ୍ତୁ । ଏକ ତୁଳା ସାହାଯ୍ୟରେ ନିଜ ମୁହଁରେ ଲଗେଇ ଭଲଭାବେ ପୋଛି ଦିଅନ୍ତୁ । ଏହା ଦ୍ୱାରା ଚେହେରାରୁ ଧୂଳି ମଳି ବାହାରିଯାଏ ।
୨. ସ୍କ୍ରବିଙ୍ଗ:
ଗୁଡ଼- ୧ ଛୋଟ ଚାମଚ
ଟମାଟୋ ରସ – କିଛି
ଏହି ଦୁଇଟିକୁ ଭଲ ଭାବେ ମିଶାଇ ଦିଅନ୍ତୁ । ଏହି ମିଶ୍ରଣକୁ ନିଜ ଚେହେରା ଉପରେ ୪ ରୁ ୫ ମିନିଟ ପାଇଁ ହାଲକା ଭାବେ ମାଲିସ କରନ୍ତୁ । ପରେ ତାଜା ପାଣିରେ ଏହାକୁ ଭଲ ଭାବେ ସଫା କରିଦିଅନ୍ତୁ । ଏହି ସ୍କ୍ରବ କରିବା ପରେ ଚେହେରା ଭଲ ଭାବେ ସଫା ହୋଇ ଗ୍ଲୋ କରିଥାଏ । ଏହା ଦ୍ୱାରା ଚେହେରାରୁ ଡେଡ଼ ସ୍କିନ ବାହାରି ଯାଇ ବ୍ଲାକ ହେଡ଼ସ, ହ୍ୱାଇଟ ହେଡ଼ସ ଦୂର ହୋଇଥାଏ ।
୩. ମସାଜ :
ଗୁଡ଼ ପାଉଡର- ଗୋଟେ ଛୋଟ ଚାମଚ
ଏଲୋଭେରା ଜେଲ – ଗୋଟେ ଚାମଚ
ବାଦାମ ତେଲ – ଅଧା ଚାମଚ
ଏସବୁ ଜିନିଷକୁ ଗୋଟେ ପାତ୍ରରେ ଭଲ ଭାବେ ଗୋଳାଇ ଦିଅନ୍ତୁ । ଏହାକୁ ୫ ରୁ ୭ ମିନିଟ ପାଇଁ ଭଲ ଭାବେ ମାଲିସ କରନ୍ତୁ । ଏହା ଦ୍ୱାରା ମୁହଁର ତ୍ୱଚା ନରମ ହେବା ସହ ଚମକ ମଧ୍ୟ ଆସିଥାଏ ।
୪. ଫେସ ପ୍ୟାକ:
ଗୁଡ଼ ପାଉଡର- ୧ ଛୋଟ ଚାମଚ
ଧନିଆ ପତ୍ର ଜୁସ- ଗୋଟେ ଚାମଚ
ବେସନ- ଗୋଟେ ଚାମଚ
ଏସବୁକୁ ଏକ ପାତ୍ରରେ ଭଲଭାବେ ମିଶାଇ ନିଜ ଚେହେରା, ବେକ ଆଦିରେ ୧୫ ରୁ ୨୦ ମିନିଟ ପାଇଁ ଲଗେଇ ଦିଅନ୍ତୁ । ଶୁଖିଗଲେ ସାଧାପାଣିରେ ଭଲ ଭାବେ ଧୋଇଦିଅନ୍ତୁ । ଏହି ପ୍ୟାକ ଏକ ପ୍ରାକୃତିକ ବ୍ଲିଚ ଭଳି କାମ କରିବା ସହ ତ୍ୱଚାରେ ଚମକ ଆଣିଥାଏ । କିନ୍ତୁ ଧ୍ୟାନ ରଖିବେ ଫେସିଆଲର ତୁରନ୍ତ ପରେ ସାବୁନ କି ଅନ୍ୟ କୌଣସି ଜିନିଷର ବ୍ୟବହାର ଜମା ବି କରିବେନି ।