ଭିଟାମିନ B12 ଅଭାବର ଲକ୍ଷଣ: ଦୃଷ୍ଟି ଶକ୍ତି ହ୍ରାସ ପାଇବା ସହ ଶରୀରରେ ଦେଖା ଯାଏ ଧଳା ଚିହ୍ନ
ଆଜିର ଜୀବନଶୈଳୀରେ ଲୋକଙ୍କ ଖାଦ୍ୟ ଏବଂ ପାନୀୟ ଯୋଗୁଁ ଶରୀରରେ ଅନେକ ଭିଟାମିନ୍ ଏବଂ ପୋଷକ ତତ୍ତ୍ୱର ଅଭାବ ଦେଖାଯାଏ। ଶରୀରରେ ମେଟାବୋଲିଜିମ୍ ଠାରୁ ଡିଏନ୍ଏ ସିନ୍ଥେସିସ୍ ଏବଂ ଲାଲ ରକ୍ତ କଣିକା ପାଇଁ ଭିଟାମିନ୍ B12 ଆବଶ୍ୟକ। ଯଦି ଭିଟାମିନ୍ B12 ର ଅଭାବ ଥାଏ, ତେବେ ଏହା ଅନେକ ସମସ୍ୟା ସୃଷ୍ଟି କରିପାରେ। ସ୍ନାୟୁ ପ୍ରଣାଳୀକୁ ସୁସ୍ଥ ରଖିବା ପାଇଁ ଭିଟାମିନ୍ B12 ମଧ୍ୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଯଦି ଶରୀରରେ ଭିଟାମିନ୍ B12 ର ଅଭାବ ଥାଏ, ତେବେ ଡାକ୍ତରମାନେ ଆପଣଙ୍କୁ ସପ୍ଲିମେଣ୍ଟ ଦେଇପାରିବେ। କିନ୍ତୁ ଶରୀରରେ ଭିଟାମିନ୍ B12 ର ଅଭାବ ହେତୁ ଆପଣଙ୍କ ଶରୀରରେ ଦେଖାଯାଉଥିବା ରୋଗ ଏବଂ ଏହାର ଲକ୍ଷଣ ବିଷୟରେ ସଚେତନ ହେବା ଉଚିତ୍ ।
ଭିଟିଲିଗୋ- ଭିଟିଲିଗୋ ଯାହାକୁ ଧଳା ଦାଗ ମଧ୍ୟ କୁହାଯାଏ। ଏହା ହାଇପରପିଗମେଣ୍ଟେସନର ବିପରୀତ, ଯେଉଁଥିରେ ଶରୀରରେ ମେଲାନିନର ଅଭାବ ରହିଥାଏ, ଯାହା ଧଳା ଚିହ୍ନ ବା ପ୍ୟାଚ୍ ଗଠନ କରିଥାଏ। ଭିଟିଲିଗୋର ସମସ୍ୟା ସାଧାରଣତଃ ଶରୀରର ସେହି ଅଂଶରେ ଦେଖାଯାଏ ଯାହା ସୂର୍ଯ୍ୟ କିରଣ ସହିତ ସିଧାସଳଖ ସଂସ୍ପର୍ଶରେ ଆସିଥାଏ।ଏହା ଆପଣଙ୍କ ଚେହେରା, ହାତ, ଗୋଡ ଏବଂ ବେକ ଉପରେ ପ୍ରଭାବ ପକାଇପାରେ।
ହାଇପରପିଗମେଣ୍ଟେସନ୍- ହାଇପରପିଗମେଣ୍ଟେସନ୍ ରେ ସ୍କିନରେ ଦାଗ ,ଚିହ୍ନ , ପ୍ୟାଚ୍ କିମ୍ବା ଚର୍ମର ରଙ୍ଗ ଗାଢ଼ ହୋଇଯାଏ। ଏହି ଗାଢ଼ ରଙ୍ଗ ଆପଣଙ୍କ ମୁହଁରେ କିମ୍ବା ଶରୀରର କୌଣସି ଅଙ୍ଗରେ ହୋଇପାରେ। ଚର୍ମରେ ମେଲାନିନ ପିଗମେଣ୍ଟ ଅଧିକ ହେବା ଆରମ୍ଭ କଲେ ଏହା ହୋଇଥାଏ ।ବଢୁଥିବା ବୟସର ବ୍ୟକ୍ତି କିମ୍ବା ଅଧିକ ସମୟ ସୂର୍ଯ୍ୟକିରଣରେ ରହୁଥିବା ଲୋକଙ୍କଠାରେ ଏହା ଅଧିକ ଦେଖିବାକୁ ମିଳିଥାଏ ।
ଆଙ୍ଗୁଲାର ଚେଲାଇଟିସ – ଭିଟାମିନ୍ B12 ର ଅଭାବ ହେତୁ ଏହା ଏକ ରୋଗ ଯେଉଁଥିରେ ପାଟିର କୋଣରେ ଲାଲ ରଙ୍ଗ ଏବଂ ଫୁଲା ଦେଖାଯାଏ। ଡାକ୍ତରଙ୍କ ଅନୁଯାୟୀ, ଯେତେବେଳେ ପ୍ରଥମେ ଆଙ୍ଗୁଲାର ଚେଲାଇଟିସ ହୁଏ, ସେତେବେଳେ ଫୁଲା ଓ ଲାଲ ରଙ୍ଗ ଦେଖାଯାଏ । ଯଦି କୌଣସି ଗୁରୁତର ସମସ୍ୟା ଥାଏ ତେବେ ଓଠର କୋଣ ଶୁଖିଲା ଲାଗିବ, ରକ୍ତ ବାହାରିବା ଓ ଯନ୍ତ୍ରଣା ଅନୁଭବ ହୋଇଥାଏ ।
କେଶ ଝାଡ଼ିବା ସମସ୍ୟା- ସୁସ୍ଥ କେଶ ପାଇଁ ଶରୀରରେ ଭିଟାମିନ୍ B12 ପର୍ଯ୍ୟାପ୍ତ ପରିମାଣରେ ରହିବା ଉଚିତ। ଭିଟାମିନ୍ B12 ଅଭାବରେ କେଶ ଝାଡ଼ିବାରେ ଲାଗିଥାଏ। ଏପରି ପରିସ୍ଥିତିରେ, ତେବେ ଭିଟାମିନ୍ B12 ପର୍ଯ୍ୟାପ୍ତ ପରିମାଣରେ ଖାଇବା ଜରୁରୀ ।
ଅନ୍ୟାନ୍ୟ ଲକ୍ଷଣ– ଭିଟାମିନ୍ B12 ଅଭାବ ଅନେକ ଲୋକଙ୍କ ମଧ୍ୟରେ ଅନ୍ୟାନ୍ୟ ସମସ୍ୟା ସୃଷ୍ଟି କରିପାରେ ଯେପରିକି ଚର୍ମର ହାଲୁକା ହଳଦିଆ ରଙ୍ଗ, ଜିଭ୍ ହଳଦିଆ କିମ୍ବା ଲାଲ ରଙ୍ଗ, ମୁହଁରୁ ଚୋପା ଛାଡିବା । ଆଖି ଦୃଷ୍ଟିଶକ୍ତି କମିବା , ଚିଡିଚିଡ଼ା ଲାଗିବା , ଦୁର୍ବଳତା ଉଦାସୀନତା ଆଦି ହୋଇଥାଏ । ଭିଟାମିନ୍ B12 ର ଅଭାବ ମଧ୍ୟ ମାନସିକ ଦକ୍ଷତା ହ୍ରାସ କରିପାରେ।
ଯଦି ଆପଣଙ୍କର ଭିଟାମିନ୍ B12 ର ଅତ୍ୟଧିକ ଅଭାବ ଅଛି, ତେବେ ଡାକ୍ତରଙ୍କ ସହିତ ପରାମର୍ଶ କରନ୍ତୁ। ଆପଣଙ୍କୁ ଭିଟାମିନ୍ B12 ସପ୍ଲିମେଣ୍ଟ ଦିଆଯାଇପାରେ। ଏହା ବ୍ୟତୀତ, ଯଦି ଆପଣ ନନ୍ ଭେଜ୍ ଖାଆନ୍ତି, ତେବେ ଆପଣ ମାଛ, ଅଣ୍ଡା, ମାଂସ ଠାରୁ ଭିଟାମିନ୍ B12 ର ଅଭାବ ପୂରଣ କରିପାରିବେ। କ୍ଷୀର, କଦଳୀ, ପନିର୍ ଖାଇପାରିବେ । ଏହି ପ୍ରକାର ଖାଦ୍ୟ ଖାଇବା ଦ୍ୱାରା ଆପଣ ପ୍ରାକୃତିକ ଭାବରେ ଭିଟାମିନ୍ B12 ପାଇବେ।
