ଘରର ଛାତ ଭୁଶୁଡି ପରିବାର ୫ ମୃତ, ୩ ପିଲାଙ୍କ ସହିତ ଦମ୍ପତିଙ୍କ ଉପରେ ଖସିପଡିଲା ଛାତ
ନିମିଷକେ ଉଜୁଡିଗଲା ପରିବାର । ଘରେ ଶୋଇଥିବା ବେଳେ ଭୁଶୁଡି ପଡିଲା ଛାତ । ୩ ପିଲାଙ୍କ ସହିତ ଦମ୍ପତିଙ୍କ ମୃତ୍ୟୁ ହୋଇଛି । ଲକ୍ଷ୍ନୌର ଆଲମବାଗ ରେଲୱେ କଲୋନୀରେ ଘଟିଛି ।
ଲକ୍ଷ୍ନୌରେ ଘରର ଛାତ ଭୁଶୁଡି ପଡିବାରୁ ଗୋଟିଏ ପରିବାରର ୫ ଜଣଙ୍କର ମୃତ୍ୟୁ ହୋଇଛି । ଏହି ଘଟଣାରେ ପରିବାର ୩ ପିଲାଙ୍କ ସହିତ ସ୍ୱାମୀ ଓ ସ୍ତ୍ରୀଙ୍କ ମୃତ୍ୟୁ ହୋଇଛି । ଲକ୍ଷ୍ନୌର ଆଲମବାଗ ରେଲୱେ କଲୋନୀରେ ଘଟିଛି । ଏହି ଘଟଣାରେ ମୁଖ୍ୟମନ୍ତ୍ରୀ ଯୋଗୀ ମୃତକଙ୍କ ପ୍ରତି ଦୁଃଖ ପ୍ରକାଶ କରି ସମବେଦନା ଜଣାଇଛନ୍ତି ।
ଖବର ମୁତାବକ, ଲକ୍ଷ୍ନୌର ଆଲମବାଗ ରେଲୱେ କଲୋନୀରେ ପରିବାରର ସମସ୍ତ ଘରେ ଶୋଇଥିବା ବେଳେ ଘରର ଛାତ ଭୁଶୁଡି ପଡିଥିଲା । ଫଳରେ ପରିବାରର ୫ ଜଣ ମାଟି ତଳେ ଚାପି ହୋଇଯାଇଥିଲେ । ଏମାନଙ୍କ ମଧ୍ୟରେ ୩ ଜଣ ପିଲା ଏବଂ ଦମ୍ପତି ରହିଥିଲେ । ତେବେ ଅତି ପୁରୁଣା ଥିଲା । ଏହି ଘରେ ସତୀଶ ଚନ୍ଦ୍ର ନାମକ ବ୍ୟକ୍ତି ନିଜ ପରିବାର ସହିତ ରହୁଥିଲେ । ସତୀଶଙ୍କ ମା ରେଲୱେ କର୍ମଚାରୀ ଥିଲେ । ତାଙ୍କ ମୃତ୍ୟୁ ପରେ ସତୀଶଙ୍କୁ କୋଟାରେ ରେଲୱେ ଚାକିରି ମିଳିଥିଲା । ସୂଚନା ମିଳିବା ପରେ ପୋଲିସ ଏବଂ ଅଗ୍ନିଶମ ବିଭାଗ ଘଟଣା ସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଥିଲା । ସେମାନଙ୍କୁ ଭଗ୍ନାବଶେଷ ତଳୁ ଉଦ୍ଧାର କରି ସେମାନଙ୍କୁ ହସପିଟାଲରେ ପହଞ୍ଚାଇଥିଲେ । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।
#WATCH | Lucknow, UP | The roof of a house collapsed in the Old Railway Colony of Anand Nagar area. Five members of the family were rescued from the debris and taken to the hospital where doctors declared them dead: DCP East Hridesh Kumar pic.twitter.com/ai8zyI2VOw
— ANI UP/Uttarakhand (@ANINewsUP) September 16, 2023
ତେବେ କେମିତି ଏଭଳି ଦୁର୍ଘଟଣା ଘଟିଛି, ତାହା ଏପର୍ଯ୍ୟନ୍ତ ଜଣାପଡିନାହିଁ ବୋଲି ପୋଲିସ କହିଛି ।
