ତୀର୍ଥଯାତ୍ରୀଙ୍କ ସହିତ ସାବରିମାଲା ଯାତ୍ରା କରୁଛି ବୁଲା କୁକୁର, ଦେଖନ୍ତୁ ଭିଡିଓ
ଚିକ୍କାମଗଲୁରୁ: ୧୩ଜଣ ଅୟପ୍ପା ଭକ୍ତ ଯେଉଁମାନେ କି, ଖାଲି ପାଦରେ ଚାଲି ଚାଲି ସବରିମାଲା ଯାତ୍ରା କରୁଛନ୍ତି ସେମାନଙ୍କ ପଛେ ପଛେ ଗୋଟେ ବୁଲା କୁକୁର ଆସୁଥିବାର ନଜର ଆସିଛି । ଏବେ ଯାଏ ଏହି ଭକ୍ତମାନେ ପାଖାପାଖି ଦୀର୍ଘ ୪୮୦ କିମି ଚାଲିସାରିଲେଣି । ଏହି ଭକ୍ତମାନେ ଆନ୍ଧ୍ରପ୍ରଦେଶର ତିରୁପତି ଚିକ୍କାମଗଲୁରୁ ଜିଲ୍ଲାର କୋଟିଗେହେରା ଗାଁର ଅଟନ୍ତି।
ଭକ୍ତ ମାନେ ଏହି କୁକୁରଟିକୁ ନିଜର ଆଧ୍ୟାତ୍ମିକ ଯାତ୍ରାରେ ସାବରିମାଲା ଯାଏ ନେଇ ଯିବାକୁ ସ୍ଥିର କରିଛନ୍ତି । ଭକ୍ତମାନେ କହିଛନ୍ତି କି ବାଟରେ କୁକୁରଟିର ପାଦରେ ଆଘାତ ହୋଇଥିବାବେଳେ ସେମାନେ ପଶୁ ଚିକିତ୍ସାଳୟରେ ତାର ଚିକିତ୍ସା କରାଇଛନ୍ତି । ଏହି କୁକୁରଟି ୩୧ ଅକ୍ଟୋବର ଦକ୍ଷିଣ କନ୍ନଡ ଜିଲ୍ଲାର ମୁଦବିଦ୍ରୀର ଟୋଡରରେ ରହୁଥିବା ରାଜେଶ ଗୁରୁସ୍ବାମୀଙ୍କ ନେତ୍ରୁତ୍ବରେ ଖାଲି ପାଦରେ ଯାଉଥିବା ଏହି ଭକ୍ତମାନଙ୍କ ସହିତ ସାମିଲ ହୋଇଥିଲା । ଯେତେବେଳେ ସେମାନେ ତିରୁପତି ତୁରୁମାଲାରୁ ତୀର୍ଥଯାତ୍ରା ଆରମ୍ଭ କଲେ । ଏହି ଭକ୍ତମାନେ ରବିବାର କୋଟ୍ଟୀଘାରା ପହଁଚିଥିଲେ ।
ଦେଖନ୍ତୁ ଭିଡିଓ:
#WATCH Karnataka: A stray dog has been following a group of 13 Ayyappa devotees, who are on a pilgrimage to Kerala’s Sabarimala & has walked 480 km so far. The devotees started from Andhra Pradesh’s Tirumala on Oct 31 & have reached Chikkamagaluru dist’s Kottigehara now. (17.11) pic.twitter.com/9ke8uFwRCt
— ANI (@ANI) November 18, 2019
ଭକ୍ତମାନେ କହିଛନ୍ତି କି, ପ୍ରଥମେ ସେମାନେ ଏହି କୁକୁରଟିକୁ ନୋଟିସ୍ କରିନଥିଲେ । କିନ୍ତୁ ଯେବେ ସେମାନେ ନିଜର ଯାତ୍ରା ଜାରି ରଖିଥିଲେ ସେତେବେଳେ କୁକୁରଟି ସେମାନଙ୍କ ଆଗପଛରେ ବୁଲିଥିଲା । ସେମାନେ ଖାଉଥିବା ଭୋଜନ ମଧ୍ୟ କୁକୁରଟିକୁ ଖାଇବାକୁ ଦିଆଯାଇଥିଲା । କୁକୁରଟି ବେକରେ ଏକ କଳା ଚମଡାର ବେଲ୍ଟ ମଧ୍ୟ ଲାଗିଛି । ତେବେ କୁକୁରଟିର ଏପରି ଯାତ୍ରା ସେମାନଙ୍କ ପାଇଁ ଏକ ନୂତନ ଅନୁଭୂତି ବୋଲି ସେମାନେ କହିଛନ୍ତି । ତେବେ ଏହି ଘଟଣାର ଭିଡିଓ ଏବେ ସୋସିଆଲ୍ ମିଡିଆରେ ଭାଇରାଲ ହେବାରେ ଲାଗିଛି ।
