ପୁଣି ପଞ୍ଜାବ କଂଗ୍ରେସ ସଭାପତି ନବଜୋତ ସିଂହ ସିଦ୍ଧୁଙ୍କ ପାକିସ୍ତାନ ପ୍ରୀତି, ଇମ୍ରାନ ଖାନ୍ଙ୍କୁ କହିଲେ ବଡ଼ ଭାଇ
କେନ୍ୟୁଜ୍(ବ୍ୟୁରୋ): ଇମ୍ରାନ୍ଙ୍କୁ ବଡ଼ ଭାଇ କହି ଅଡ଼ୁଆରେ ସିଦ୍ଧୁ । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ଙ୍କୁ ବଡ଼ ଭାଇ କହି ପୁଣି ଚର୍ଚ୍ଚାରେ ପଞ୍ଜାବ କଂଗ୍ରେସ ସଭାପତି ନବଜୋତ ସିଂହ ସିଦ୍ଧୁ । ଏହାକୁ ସାଂଘାତିକ ବୋଲି ବିଜେପି କହିଛି । କର୍ତ୍ତାରପୁର ସାହିବ ଗସ୍ତ ବେଳେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ଙ୍କୁ ବଡ଼ ଭାଇ ବୋଲି କହିଛନ୍ତି ସିଦ୍ଧୁ । ଇମ୍ରାନଙ୍କ ତରଫରୁ ପାକିସ୍ତାନର ଜଣେ ଅଧିକାରୀ ସିଦ୍ଧୁଙ୍କୁ ସ୍ୱାଗତ କରୁଥିବା ଏକ ଭିଡିଓ ଭାଇରାଲ ହୋଇଛି। ଏହି ଭିଡିଓରେ ଇମ୍ରାନଙ୍କୁ ବଡ଼ ଭାଇ କହିଛନ୍ତି ସିଦ୍ଧୁ ।
Rahul Gandhi’s favourite Navjot Singh Sidhu calls Pakistan Prime Minister Imran Khan his “bada bhai”. Last time he had hugged Gen Bajwa, Pakistan Army’s Chief, heaped praises.
Is it any surprise that the Gandhi siblings chose a Pakistan loving Sidhu over veteran Amarinder Singh? pic.twitter.com/zTLHEZT3bC
— Amit Malviya (@amitmalviya) November 20, 2021
ଇମ୍ରାନ ତାଙ୍କୁ ଅନେକ ଭଲ ପାଇବା ଦେଇଥିବା ସିଦ୍ଧୁ କହିଛନ୍ତି । ବିଜେପି ଆଇଟି ବିଭାଗ ମୁଖ୍ୟ ଅମିତ ମାଲବ୍ୟ ଏହି ଭିଡିଓକୁ ଟ୍ଵିଟ୍ କରିଛନ୍ତି । ବିଜେପି ମୁଖପାତ୍ର ସଂବିତ ପାତ୍ର ଏହାକୁ ସାଂଘାତିକ ବୋଲି କହିଛନ୍ତି । ଅନେକ କଂଗ୍ରେସ ନେତାଙ୍କ ମନ୍ତବ୍ୟ ସହ ସିଦ୍ଧୁଙ୍କ ମନ୍ତବ୍ୟକୁ ଲିଙ୍କ୍ କରିଛି ବିଜେପି । କିଛି ଦିନ ତଳେ ରାହୁଲ ଗାନ୍ଧୀଙ୍କ ସମେତ କିଛି କଂଗ୍ରେସ ନେତା ହିନ୍ଦୁତ୍ୱକୁ ସମାଲୋଚନା କରିଥିଲେ । ସିଦ୍ଧୁଙ୍କ ମନ୍ତବ୍ୟକୁ ଏହା ସହ ଯୋଡ଼ିଛି ବିଜେପି । ସମ୍ବିତ କହିଛନ୍ତି, ପଞ୍ଜାବ ଏକ ସୀମାନ୍ତ ରାଜ୍ୟ । ଏଠାରେ ସମସ୍ୟା ସୃଷ୍ଟି କରିବାକୁ ପାକିସ୍ତାନ ଉଦ୍ୟମ କରୁଛି। ତେଣୁ ଏଠାରେ ପରିପକ୍ୱ ଓ ଦେଶପ୍ରେମୀ ନେତୃତ୍ୱ ଆବଶ୍ୟକ । ସିଦ୍ଧୁଙ୍କ ମନ୍ତବ୍ୟକୁ ନେଇ ରାହୁଲଙ୍କୁ ଟାର୍ଗେଟ୍ କରିଛି ବିଜେପି । ଅନ୍ୟପଟେ ବିଜେପି ଯାହା କହୁଛି କହୁ ବୋଲି ସିଦ୍ଧୁ କହିଛନ୍ତି ।
