କରୋନା ଲକଡାଉନକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଏକ ବଡ଼ କଥା କହିଛନ୍ତି। ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ଟ୍ୱିଟ କରି କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲକଡାଉନ ବଢ଼ାଇବାକୁ ନିଷ୍ପତ୍ତି ନେଇଛନ୍ତି। ତେବେ କେନ୍ଦ୍ର ତରଫରୁ ବର୍ତ୍ତମାନ ସୁଦ୍ଧା ଏନେଇ କୌଣସି ଘୋଷଣା କରାଯାଇନାହିଁ।
PM has taken correct decision to extend lockdown. Today, India’s position is better than many developed countries because we started lockdown early. If it is stopped now, all gains would be lost. To consolidate, it is imp to extend it
— Arvind Kejriwal (@ArvindKejriwal) April 11, 2020
କେଜରିୱାଲ ଟ୍ୱିଟ କରି ଲେଖିଛନ୍ତି ଯେ ଭାରତରେ ବେଳ ଥାଉ ଥାଉ ଲକଡାଉନ କରିବା ଏକ ଉତ୍ତମ ନିଷ୍ପତ୍ତି। ଏଭଳି ସ୍ଥିତିରେ ଯଦି ଲକଡାଉନ ଖୋଲି ଦିଆଯାଏ ତେବେ ସମସ୍ତ ପରିଶ୍ରମ ବୃଥା ଯିବ। ସେ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦି ଲକଡାଉନ ବଢ଼ାଇବାକୁ ଉତ୍ତମ ନିଷ୍ପତ୍ତି ନେଇଛନ୍ତି। ଆମେ ଲକଡାଉନ ଲାଗୁ କରିବା ନିଷ୍ପତ୍ତି ଶୀଘ୍ର ନେଇଥିଲୁ, ଏଣୁ ସ୍ଥିତିକୁ ଆୟତ୍ତ କରିବାରେ ଅନ୍ୟ ଦେଶ ତୁଳନାରେ ଶୀଘ୍ର ସଫଳ ହେଇଥିଲୁ।
ତେବେ କେଜରିୱାଲଙ୍କ ଏହି ଟ୍ୱିଟରୁ ସ୍ପଷ୍ଟ ଜଣାପଡୁଛି ଯେ ମୋଦି ସରକାର ଲକଡାଉନ ଅବଧି ବୃଦ୍ଧି କରିବାକୁ ଯାଉଛନ୍ତି। ଖୁବଶୀଘ୍ର ଏନେଇ ପ୍ରଧାନମନ୍ତ୍ରୀ ଘୋଷଣା କରିବେ। ସୂଚନାଯୋଗ୍ୟ ଯେ ଦେଶରେ ଦିନକୁ ଦିନ କରୋନା ମାମଲା ବୃଦ୍ଧି ପାଇବାରେ ଲାଗିଛି। ଭାରତରେ ଏବେ ଯାଏଁ ୭୪୪୭ଟି ପଜିଟିଭ କେସ ସାମ୍ନାକୁ ଆସିଥିବା ବେଳେ ୨୩୯ ଜଣଙ୍କ ମୃତ୍ୟୁ ଘଟିସାରିଲାଣି।