ବାଂଲାଦେଶ ହାତରେ ଅଛି ଆଉ ମାତ୍ର ୫ ମାସ, ତା’ପରେ ହେବ ଶ୍ରୀଲଙ୍କା ଭଳି ସ୍ଥିତି
ଭାରତର ପଡ଼ୋଶୀ ଦେଶ ଶ୍ରୀଲଙ୍କାରେ ଏବେ ଭୟଙ୍କର ଆର୍ଥିକ ସଙ୍କଟ ଦେଖାଦେଇଛି। ଦେଶର ମୁଦ୍ରାସ୍ଫୀତି ଆଶାତୀତ ଭାବେ ତଳକୁ ଖସିଛି। ଏଥିସହ ବିଦେଶୀ ମୁଦ୍ରା ଭଣ୍ଡାର ବି ଖାଲି ହୋଇଯାଇଛି। ଇତି ମଧ୍ୟରେ ଖବର ଆସୁଛି ଯେ ପଡ଼ୋଶୀ ଦେଶ ବାଂଲାଦେଶର ବି ଏବେ ସେମିତି ଅବସ୍ଥା ହେବାକୁ ଯାଇଛି। ବାଲାଂଦେଶରେ ମଧ୍ୟ ଆର୍ଥିକ ସ୍ଥିତି ଧୀରେ ଧୀରେ ଖରାପ ହେବାରେ ଲାଗିଛି। ଅନ୍ତର୍ଜାତୀୟ ବଜାରରେ ଆବଶ୍ୟକୀୟ ସାମଗ୍ରୀ, କଞ୍ଚାମାଲ ଓ ଇନ୍ଧନର ମୂଲ୍ୟ ପ୍ରବଳ ମାତ୍ରାରେ ବଢ଼ୁଥିବାରୁ ଏହାର ପ୍ରଭାବ ଏବେ ବାଂଲାଦେଶ ଉପରେ ବି ପଡ଼ିଛି। ଜୁଲାଇରୁ ମାର୍ଚ୍ଚ ମଧ୍ୟରେ ବାଂଲାଦେଶରେ ଖର୍ଚ୍ଚ ୪୪ ପ୍ରତିଶତ ବଢ଼ିଥିବା ଜଣାଯାଇଛି।
Bangladesh Forex crisis now threatens macroeconomic stability https://t.co/vptY9mQQmI
— Rupak Chattopadhyay (@RupakChatto) May 12, 2022
ଯଦି ଆଗକୁ ବି ଏହି ଅନୁପାତରେ ଖର୍ଚ୍ଚ ବଢ଼ିଚାଲେ ତେବେ ଆଉ ମାତ୍ର ୫ ମାସ ଭିତରେ ଶ୍ରୀଲଙ୍କା ଭଳି କାଙ୍ଗାଳ ହୋଇଯିବ ବାଲାଂଦେଶ। ଦେଶର ସମସ୍ତ ବୈଦେଶିକ ମୁଦ୍ରା ଶେଷ ହୋଇଯିବ। ଫଳରେ ଅନ୍ୟ ଦେଶରୁ ଖାଦ୍ୟ ସାମଗ୍ରୀ ବି ଆମଦାନୀ କରିପାରିବନି। ଫଳସ୍ୱରୂପ ଦେଶର ଲୋକମାନେ ଖାଇବାକୁ ପାଇବେନି ଓ ଅର୍ଥନୀତି ସମ୍ପୂର୍ଣ୍ଣ ଭାବେ ଭୁଶୁଡ଼ିପଡ଼ିବ। ଏଣୁ ଏବେ ଏଥିପ୍ରତି ଦୃଷ୍ଟି ଦେବା ଆବଶ୍ୟକତା ରହିଛି ବୋଲି ଅର୍ଥନୀତିଜ୍ଞମାନେ ମତ ବ୍ୟକ୍ତ କରିଛନ୍ତି।
Also Read: ବାହାଘର ପରେ କ୍ୟାଟ୍ରିନାଙ୍କ ସହ ପ୍ରଥମ ଜନ୍ମ ଦିନ ପାଳିଲେ ଭିକ୍କି କୌଶଲ, ଫଟୋ ସେୟାର କରି କଲେ ମଜାଳିଆ କମେଣ୍ଟ
कम हो रहा बांग्लादेश का विदेशी मुद्रा भंडार ! #World #Bangaldesh https://t.co/9x7q2Na6Jm
— AajTak (@aajtak) May 16, 2022
ବର୍ତ୍ତମାନ ବାଲାଂଦେଶ ନିକଟରେ ୪୨ ଅରବ ଆମେରିକା ଡଲାର ରହିଛି। କିନ୍ତୁ ଅନ୍ତର୍ଜାତୀୟ ମୁଦ୍ରା କୋଷ (IMF) ଲଗାତାର ବାଲାଂଦେଶ ଉପରେ ଚାପ ପକାଉଛି ଯେ ସେମାନେ ବିଦେଶୀ ମୁଦ୍ରାର ସଠିକ୍ ଗଣନା କରନ୍ତୁ। ଯଦି ବାଲାଂଦେଶ ଆଇଏମ୍ଏଫ୍ର ଏହି ନିର୍ଦ୍ଦେଶକୁ କଡ଼ା କଡ଼ି ପାଳନ କରେ, ତେବେ କ୍ରେଡିଟ୍ ଫଣ୍ଡ, ସରକାରୀ ପରିଯୋଜନା, ଶ୍ରୀଲଙ୍କାକୁ ଦିଆଯାଇଥିବା ରାଶି ଓ ସୋନାଲି ବ୍ୟାଙ୍କ (ବାଲାଂଦେଶର ସରକାରୀ ବ୍ୟାଙ୍କ)ରେ ଜମା ରାଶି ଛାଡ଼ି, ବାକି ବିଦେଶୀ ମୁଦ୍ରା ଭଣ୍ଡାରର ଗଣନା କରିବାକୁ ହେବ।
କୁହାଯାଉଛି ଯେ ଏହି ଗଣନା ପରେ ବାଲାଂଦେଶର ବୈଦେଶିକ ମୁଦ୍ରା ଭଣ୍ଡାରରେ ୭ ଅରବ ଡଲାର କମ୍ ହୋଇପାରେ। ଫଳରେ ସ୍ଥିତି ଆହୁରି ଖରାପ ହୋଇଯିବ।
