କମେଡି ଚ୍ୟାନେଲ ‘ଦ ଭାଇରାଲ ଫିଭର’ର ପୂର୍ବତନ ସିଇଓ ଅରୁଣାଭ କୁମାରଙ୍କୁ କୋର୍ଟରୁ ଆଶ୍ୱସ୍ତି; ଯୌନ ଉତ୍ପୀଡ଼ନ ମାମଲାରେ ନିର୍ଦ୍ଦୋଷରେ ଖଲାସ୍
କମେଡି ଚ୍ୟାନେଲ ‘ଦ ଭାଇରାଲ ଫିଭର’ର ପୂର୍ବତନ ସିଇଓ ଅରୁଣାଭ କୁମାରଙ୍କୁ ଯୌନ ଉତ୍ପୀଡ଼ନ ମାମଲାରେ ମୁମ୍ବାଇର ଏକ କୋର୍ଟ ନିର୍ଦ୍ଦୋଷରେ ଖଲାସ କରିଛନ୍ତି। ୨୦୧୭ରେ ଯୌନ ଉତ୍ପୀଡ଼ନ ଅଭିଯୋଗ ପରେ ଅରୁଣାଭ କୁମାରଙ୍କ ଉପରେ ମାମଲା ରୁଜୁ କରାଯାଇଥିଲା। ସୂଚନା ଅନୁସାରେ, ଅସ୍ପଷ୍ଟ, ଅକାରଣ ଏବଂ ବିଳମ୍ବରେ ଏତଲା ଦାଖଲ ହେବା ଆଧାରରେ କୋର୍ଟ ନିଜର ଏହି ରାୟ ଶୁଣାଇଛନ୍ତି।
କହି ରଖୁଛୁ, ଟିଭିଏଫ୍ ସଂସ୍ଥାପକ ଅରୁଣାଭ କୁମାରଙ୍କ ବିରୋଧରେ ୨୦୧୭ ମସିହାରେ ଯୌନ ଉତ୍ପୀଡ଼ନର ମାମଲା ପଞ୍ଜୀକୃତ ହୋଇଥିଲା। କିନ୍ତୁ ଅଭିଯୋଜନ ପକ୍ଷ ଅନୁସାରେ, ଏହି ଘଟଣା ବର୍ଷ ୨୦୧୪ରେ ଘଟିଥିଲା।
ଅଭିଯୋଗ ଦାଖଲ କରିଥିବା ମହିଳା ସୋସିଆଲ ମିଡିଆରେ ସମାନ ଅଭିଯୋଗ ଆଣିଥିବା ମହିଳାମାନଙ୍କ ମଧ୍ୟରୁ ଜଣେ ଥିଲେ। ସେ କହିଥିଲେ କି, ଟିଭିଏଫ ସଂସ୍ଥାପକ ଅରୁଣାଭ କୁମାର କମ୍ପାନୀରେ ତାଙ୍କ କାର୍ଯ୍ୟକାଳ ସମୟରେ ତାଙ୍କୁ ଅସଦାଚରଣ କରିଥିଲେ। ଏହାପରେ ଅରୁଣାଭ କୁମାରଙ୍କ ବିରୋଧରେ ଧାରା ୩୫୪(ଏ) ଏବଂ ୫୦୯ ଅନୁସାରେ ଏକ ମାମଲା ରୁଜୁ କରାଯାଇଥିଲା।