ଶ୍ରୀକୃଷ୍ଣ ତ ଜେଲରେ ଜନ୍ମ ନେଇଥିଲେ ତମେ କାହିଁକି ଜେଲରୁ ବାହାରିବାକୁ ଚାହୁଁଛ ? ଜଣେ ଜାମିନ ଆବେଦନକାରୀଙ୍କୁ ଏମିତି କିଛି ପ୍ରଶ୍ନ କରିଛନ୍ତି ସିଜେଆଇ
ମଙ୍ଗଳବାର ସୁପ୍ରିମ କୋର୍ଟରେ ଏକ ବେଲ ଆବେଦନର ଶୁଣାଣି ସମୟରେ ମୁଖ୍ୟ ନ୍ୟାୟାଧୀଶ ଏସ.ଏ. ବୋବଡ଼େ କିଛି ମଜାଳିଆ ଢଙ୍ଗରେ କଥା କହିଥିବା ନଜର ଆସିଥିଲେ । କାଲିର ଶ୍ରୀକୃଷ୍ଣ ଜନ୍ମାଷ୍ଟମୀ ଅବସରରେ ଜଣେ ବେଲ ଆବେଦନକାରୀଙ୍କ ବେଲ ଆବେଦନର ଶୁଣାଣି ବେଳେ ମୁଖ୍ୟ ନ୍ୟାୟାଧୀଶ ଏହିଁ ମଜାଦାର କଥା କହିଛନ୍ତି । ପ୍ରକୃତରେ ଅଦାଲତରେ ଧର୍ମେନ୍ଦ୍ର ବଲବୀ ନାମକ ଜଣେ ବ୍ୟକ୍ତିଙ୍କ ଜାମିନ ଆବେଦନର ଶୁଣାଣି ଚାଲିଥିଲା । ଏହି ସମୟରେ ସୁପ୍ରିମ କୋର୍ଟ ମୁଖ୍ୟ ନ୍ୟାୟାଧୀଶ ଏସ.ଏ. ବୋବଡ଼େ ଆବେଦନ କାରି ଜଣଙ୍କୁ ପଚାରିଥିଲେକି, “ତମେ ଜାମିନ ଚାହୁଁଛ ନା ଜେଲ ହିଁ ରହିବାକୁ ଚାହୁଁଛ ? ଆଜିର ଦିନରେ ଭଗବାନ ଶ୍ରୀକୃଷ୍ଣଙ୍କ ଜନ୍ମ ଜେଲରେ ହୋଇଥିବା ବେଳେ ତମେ କାହିଁକି ଜେଲ ଛାଡିବାକୁ ଚାହୁଁଚ ?”
ଶ୍ରୀ ବୋବିଡ଼େ ଆବେଦନ କାରୀ ତଥା ତାଙ୍କ ଓକିଲଙ୍କୁ ଏପରି ପ୍ରଶ୍ନ କରିଥିବା ବେଳେ ପ୍ରତିପକ୍ଷ ଓକିଲ ମଧ୍ୟ ଏହାର ଜବାବ ରଖିଥିଲେ । ଖାଲି ସେତିକି ନୁହେଁ ସିଜେଆଇ ବ୍ୟକ୍ତିଙ୍କ ଜାମିନ ଉପରେ ମଞ୍ଜୁରୀ ମାରିବା ପୂର୍ବରୁ ଏହା ମଧ୍ୟ ଟିପ୍ପଣୀ ଦେଇଥିଲେକି, ତାହେଲେ ଆପଣ ଜଣେ ଧାର୍ମିକ ବ୍ୟକ୍ତି ନୁହନ୍ତି । ଶ୍ରୀକୃଷ୍ଣଙ୍କ ଉପରେ ଆପଣଙ୍କର ଆସ୍ଥା ନାହିଁ | ସୂଚନା ଦେବା ଉଚିତ ହେବକି, ଅଭିଯୁକ୍ତ ଧର୍ମେନ୍ଦ୍ର ବଲବୀ ଏକ ଜାତୀୟ ଦଳର ସଦସ୍ୟ ଥିଲେ । ୧୯୯୪ ମସିହାରେ ପ୍ରତିପକ୍ଷ ଦଳର ଜଣେ ପ୍ରତିଦ୍ବନ୍ଦୀଙ୍କ ହତ୍ୟା ଆରୋପରେ ତାଙ୍କୁ ଗିରଫ କରାଯିବା ସହ ୨୦୧୭ ସେପ୍ଟେମ୍ବରରେ ଘଟଣାର ଶୁଣାଣିରେ ତାଙ୍କୁ ଆଜୀବନ କାରାଦଣ୍ଡ ହୋଇଥିଲା ।
ଶ୍ରୀକୃଷ୍ଣ ଜନ୍ମାଷ୍ଟମୀ ହେଉଛି ହିନ୍ଦୁ ମାନଙ୍କର ଏକ ପ୍ରମୁଖ ପର୍ବ । ଭଗବାନ ବିଷ୍ଣୁଙ୍କ ଅବତାର ଶ୍ରୀକୃଷ୍ଣଙ୍କ ଜନ୍ମ ଏହି ଦିନରେ ହୋଇଥିଲା । ବିଶ୍ୱାସ ରହିଛିକି, ଶ୍ରୀକୃଷ୍ଣଙ୍କ ଜନ୍ମ ମଥୁରା ସ୍ଥିତ ଏକ ଜେଲ ଖାନାରେ ହୋଇଥିଲା । ଏହି ଠାରେ ତାଙ୍କ ପିତା ମାତା ବାସୁଦେବ ଓ ଦେବକୀ କଂସଙ୍କ ଦ୍ୱାରା ବନ୍ଦୀ ହୋଇ କାରାଗାରରେ ରହୁଥିଲେ । ଏହି କାରଣରୁ ହିଁ ଭଗବାନ ଶ୍ରୀକୃଷ୍ଣଙ୍କୁ ଜେଲରେ ହିଁ ଜନ୍ମ ନେଇଥିଲେ ।
