ମୋଜାମ୍ବିକରେ ତାଣ୍ଡବ ରଚୁଛି ବାତ୍ୟା ଫ୍ରେଡ୍ଡୀ । ଏବେ ଲାଣ୍ଡଫଲ୍ ପ୍ରକ୍ରିୟା ଚାଲିଛି । ସ୍ଥଳଭାଗରେ ପ୍ରବେଶ କରିବା ସହ ପ୍ରକୋପ ଦେଖାଉଛି ଫ୍ରେଡ୍ଡୀ । ଏହାର ପ୍ରଭାବରେ ପ୍ରଳୟଙ୍କରୀ ପବନ ସହ ବର୍ଷା ଚାଲିଛି । ସ୍ଥଳଭାଗ ଛୁଇଁବା ବେଳେ ପବନର ଘଣ୍ଟାପ୍ରତି ବେଗ ୧୭୫ କିଲୋମିଟରୁ ଅଧିକ ରହିଛି ।

ଆଗକୁ ଆହୁରି ବଢ଼ିପାରେ ଝଟକା ପବନର ବେଗ । ମୋଜାମ୍ବିକ ଉପକୂଳରେ ଏବେ ଘୂରିବୁଲୁଛି ବାତ୍ୟାର ଆଖି । ଯେତିକି ଆଖି ଖୋଲିବ ସେମିତି ତାଣ୍ଡବ ରଚିବ ଫ୍ରେଡ୍ଡୀ । ଜାମ୍ବେଜିଆ ସହ ଟେଟେ, ସୋଫାଲା ଏବଂ ନାମପୁଲା ରାଜ୍ୟର ସାଢ଼େ ୫ ଲକ୍ଷ ଲୋକ ଏବେ ବିପଦମୁଖରେ ଅଛନ୍ତି । ପୂର୍ବ ଭାରତ ମହାସାଗରର ଅଷ୍ଟ୍ରେଲିଆ ଉପକୂଳରେ ଫେବ୍ରୁଆରୀ ୬ ତାରିଖରେ ସୃଷ୍ଟି ହୋଇଥିଲା ଫ୍ରେଡି ।

ପ୍ରାୟ ୫ ହଜାର ମାଇଲ ପାର କରି ପଶ୍ଚିମରେ ପହଞ୍ଚିଛି । ପୂରା ଭାରତ ମହାସାଗରରେ ୩୪ ଦିନ ରହି ସବୁ ରେକର୍ଡ ଭାଙ୍ଗିଛି । ଫେବ୍ରୁଆରୀ ୨୧ରେ ମାଡଗାସ୍କର ଓ ଫେବ୍ରୁଆରୀ ୨୪ରେ ମୋଜାମ୍ବିକରେ ଲ୍ୟାଣ୍ଡଫଲ କରିଥିଲା ଫ୍ରେଡ୍ଡି । ଏବେ ଦ୍ୱିତୀୟ ଥର କାମ୍ବୋଜିଆରେ ହିଟ୍ କରୁଛି ବାତ୍ୟା ।