ପଞ୍ଜାବ : ପଞ୍ଜାବ ଲୁଧିୟାନାରେ ଜୀବନକୁ ବାଜି ଲଗାଇ ଷ୍ଟଣ୍ଟ କରୁଥିବା ବ୍ୟକ୍ତିଙ୍କ ବିରୋଧରେ କଠୋର କାର୍ଯ୍ୟନୁଷ୍ଠାନ ଗ୍ରହଣ କରାଯାଇଛି । ଆରପିଏଫ୍ ଲୁଧିୟାନାର ଏକ ବିଶେଷ ଟିମ୍ ଏପରି କରୁଥିବା ୫ଜଣ ଯୁବକଙ୍କୁ ଧରିଛି ଯେଉଁମାନେ ଚେତାବନୀ ମିଳିବା ପରେ ମଧ୍ୟ ଏଭଳି ଷ୍ଟଣ୍ଟ କରୁଛନ୍ତି । ଏହି ସବୁ ଯୁବକ ରେଲୱେ ଟ୍ରାକ ଉପରେ ଠିଆ ହୋଇ ଛାତି ଥରାଇଦେବା ଭଳି ଷ୍ଟଣ୍ଟ କରୁଛନ୍ତି । ରେଲୱେ ଟ୍ରାକ୍ ଉପରେ ଛିଡା ହୋଇ ଟ୍ରେନ୍ ଆସିବାକୁ ଅପେକ୍ଷା କରୁଛନ୍ତି । ଟ୍ରେନ୍ ଆସିବା ପରେ ପାଣି ବହିଯାଉଥିବା ଗଭୀର କେନାଲକୁ ଲମ୍ଫ ମାରୁଛନ୍ତି । ଏହି ଷ୍ଟଣ୍ଟ କରୁଥିବା ସମୟରେ ଏହାର ଭିଡିଓକୁ କେହି ଜଣେ ବ୍ୟକ୍ତି ଉତ୍ତୋଳନ କରିଦେଇଥିଲେ । ଯାହା ଏବେ ଭାଇରାଲ ହେବାରେ ଲାଗିଛି ।
ଆରପିଏଫ୍ ଜଣେ ଅଧିକାରୀ କହିଛନ୍ତି କି, ବାରମ୍ବାର ଟ୍ରେନ୍ ଟ୍ରାକ୍ ଠାରୁ ଦୂରେଇ ରହିବା ପାଇଁ ସଚେତନ କରାଯାଉଛି । ଏହା ସହିତ ଟ୍ରାକ୍ ଉପରେ କୌଣସି ଷ୍ଟଣ୍ଟ ନକରିବାକୁ ଚେତାବନୀ ମଧ୍ୟ ଦିଆଯାଉଛି । ତଥାପି କିଛି ବ୍ୟକ୍ତି ଏହାକୁ ଅଣଦେଖା କରୁଛନ୍ତି । ଅନ୍ୟପଟେ ଆରପିଏଫ୍ ପୋଲିସ୍ ଏହି ୫ଜଣ ଯୁବକଙ୍କ ବିରୋଧରେ ରେଲୱେ ଅଧିନିୟମ ଅନୁସାରେ ମାମଲା ରୁଜୁ କରିଛି ।
ଦେଖନ୍ତୁ ଭିଡିଓ:
#WATCH Punjab: People seen diving into a canal in Ludhiana, while a train was passing by. Police say “Teams were sent to make them understand it’s dangerous. But as soon as they saw u, they ran away. We’re alert to see that no mishap takes place there&people can be saved.” (03.6) pic.twitter.com/iBbe4PExRZ
— ANI (@ANI) July 4, 2019
video courtesy : ANI
ଧରା ହୋଇଥିବା ୫ଜଣ ଯୁବକଙ୍କୁ ପଚରା ଉଚରା ସମୟରେ ସେମାନେ କହିଛନ୍ତି କି, ସେମାନେ ସର୍ତ୍ତ ଜିତିବା ଏବଂ ନିଜର ବାହାଦୁରି ଦେଖାଇବା ପାଇଁ ଏଭଳି ଷ୍ଟଣ୍ଟ କରିଥାନ୍ତି । କହିରଖୁଛୁ ଯେ, ପଞ୍ଜାବ ଅମୃତସରରେ ମଧ୍ୟ ଗତ ବର୍ଷ ରେଲୱେ ଟ୍ରାକ୍ ଉପରେ ବଡ ଦୁର୍ଘଟଣା ହୋଇଥିଲା । ଦଶହରାରେ ଏଠାରେ ଟ୍ରାକ୍ ଉପରେ ଛିଡା ହୋଇ ରାବଣ ପୋଡି ଦେଖୁଥିବା ସମୟରେ ଟ୍ରେନ୍ ମାଡିଯାଇଥିଲା । ଯାହା ଫଲରେ ୬୦ ଜଣଙ୍କର ମୃତ୍ୟୁ ହୋଇଥିଲା ।