କୋର୍ବେଭାକ୍ସ ଟିକାକୁ DCGIର ଅନୁମତି: ୧୨ ରୁ ୧୮ ବର୍ଷ ପିଲାଙ୍କଠାରେ ହେବ ବ୍ୟବହାର

ନୂଆଦିଲ୍ଲୀ : କରୋନା ସଂକ୍ରମଣ ବିରୋଧରେ ଚାଲିଥିବା ସଂଗ୍ରାମ ମଧ୍ୟରେ ଆଉ ଏକ ଟିକା ଅନୁମୋଦନ ଦିଆଯାଇଛି | ଜରୁରୀକାଳୀନ ବ୍ୟବହାର ପାଇଁ ଡ୍ରଗ୍ କଣ୍ଟ୍ରୋଲର୍ ଜେନେରାଲ୍ ଅଫ୍ ଇଣ୍ଡିଆ (ଡିଜିସି) ବାୟୋଲୋଜିକାଲ-ଇ’ର ଟିକା କୋର୍ବେଭାକ୍ସକୁ ଅନୁମତି ମିଳିଲା । ୧୨-୧୮ ବର୍ଷ ବୟସ୍କ ପିଲାଙ୍କ ଠାରେ ବ୍ୟବହାର ହେବ ଏହି ଟିକା । ସୂଚନା ଅନୁଯାୟୀ ଭାରତର ତୃତୀୟ ଘରୋଇ କୋଭିଡ -19 ଟିକା, କୋର୍ବେଭାକ୍ସକୁ ଦୁଇଟି ମାତ୍ରାରେ ଦିଆଯିବ।

ଓମିକ୍ରନ ଦେଶରେ ତୃତୀୟ ତରଙ୍ଗ ପରେ ସଂକ୍ରମଣର ହ୍ରାସ ମଧ୍ୟରେ ବାୟୋଲୋଜିକାଲ-ଇ’ର କୋଭିଡ୍ 19 ଟିକା କୋର୍ବେଭାକ୍ସକୁ ଚୂଡ଼ାନ୍ତ ଅନୁମୋଦନ ଦିଆଯାଇଛି | ଇତି ମଧ୍ୟରେ ଦେଶରେ କରୋନା ମହାମାରୀ ବିରୁଦ୍ଧରେ ଅଧିକାଂଶ କୋଭାକ୍ସିନ୍, କୋଭିଶିଲ୍ଡ, ସ୍ପୁଟ୍ନିକ୍ ଭି ଟିକା ବ୍ୟବହାର କରାଯାଉଛି।

ହାଇଦ୍ରାବାଦ ଭିତ୍ତିକ ଫାର୍ମାସ୍ୟୁଟିକାଲ୍ କମ୍ପାନୀ ସୋମବାର ସୂଚନା ଦେଇଛି ଯେ ଏହାର କରୋନା ଟିକା କୋର୍ବେଭାକ୍ସକୁ ଜରୁରୀକାଳୀନ ବ୍ୟବହାର ପାଇଁ ଅନୁମୋଦନ ପାଇଛି, ଯାହା ଦେଶର ତୃତୀୟ ଘରୋଇ ଟିକା ଅଟେ। କୋର୍ବେଭାକ୍ସକୁ ଟିକା ଅନୁମୋଦନ ପୂର୍ବରୁ, ଇମ୍ୟୁନାଇଜେସନ୍ ସର୍ଭିଲାନ୍ସ ଉପରେ ଜାତୀୟ ବୈଷୟିକ ପରାମର୍ଶଦାତା କମିଟିର ସଭାପତି ଡକ୍ଟର ଏନ.କେ ଆରୋରା କହିଛନ୍ତି ଯେ କୋର୍ବେଭାକ୍ସ ସମ୍ପୂର୍ଣ୍ଣ ସୁରକ୍ଷିତ ଏବଂ ଏହି ଟିକା ଅନ୍ୟ ଭେକ୍ଟର ଟିକା ଅପେକ୍ଷା ଉତ୍ତମ ଆଣ୍ଟିବଡି ଉତ୍ପାଦନ କରିଥାଏ।

ସୂଚନା ଯୋଗ୍ୟ ଗତବର୍ଷ ଡିସେମ୍ବରରରେ କରୋନାର ବୁଷ୍ଟର ଡୋଜ ପାଇଁ ହ୍ରାଇଦ୍ରାବଦର କମ୍ପାନୀ ବାୟୋଲଜିକାଲ ଇ.ଲିମିଟେଡ କୁ କୋର୍ବେଭାକ୍ସ ଭାକ୍ସିନ ଟ୍ରାଏଲ ପାଇଁ ମଞ୍ଜୁରୀ ମିଳିଥିଲା । ପ୍ରତି ମାସରେ ୧୦ କୋଟି ଟିକା ପ୍ରସ୍ତୁତ ପାଇଁ କରିବାକୁ ଲକ୍ଷ୍ୟ ରଖିଛି ।

Leave A Reply

Your email address will not be published.