ନୂଆଦିଲ୍ଲୀ: ଡିସେମ୍ବର ୧ ତାରିଖରୁ ପ୍ରଧାନମନ୍ତ୍ରୀଙ୍କ ଆର୍ଥିକ ପରାମର୍ଶଦାତା ପରିଷଦରୁ ଇସ୍ତଫା ଦେଇଥିବା କଥା ଖ୍ୟାତନାମା ଅର୍ଥନୀତିଜ୍ଞ ଓ ସ୍ତମ୍ଭକାର ସୁର୍ଜିତ୍ ଭଲ୍ଲା କହିଛନ୍ତି। ନୀତି ସଂକ୍ରାନ୍ତରେ ସରକାରଙ୍କ ସହ ମାସେ ବ୍ୟାପି ଆଲୋଚନା କରିବା ପରେ ରିଜର୍ଭ ବ୍ୟାଙ୍କ୍ ଗଭର୍ଣ୍ଣର୍ ଉର୍ଜିତ୍ ପଟେଲ ହଠାତ୍ ଇସ୍ତଫା ଦେବା ପରଦିନ ଭଲ୍ଲା ଇସ୍ତଫା ଦେଇଥିବା କଥା କହିଛନ୍ତି। ଭଲ୍ଲା ଦିଲ୍ଲୀ ସ୍କୁଲ୍ ଅଫ୍ ଇକୋନମିକ୍ସ୍ରେ ଅଧ୍ୟାପନା କରିବା ସହ ବିଶ୍ୱ ଅର୍ଥନୀତି ଉପରେ ଜଗତୀକରଣ ଏବଂ ତାହାର ପ୍ରଭାବ ଉପରେ ଅନେକ ପୁସ୍ତକ ରଚନା କରିଛନ୍ତି।