ମହାଭାରତ ସମୟରେ ହୋଇଥିଲା ଗୋଟିଏ ପକ୍ଷରେ ଏପରି ଦୁଇଟି ଗ୍ରହଣ, ଏଥର ବି ଦେଉଛି ମହାଭାରତ ସମୟର ଅଶୁଭ ସଂକେତ
ଦଶହରା ଦିନ ବର୍ଷା ହେବା ଓ ଗୋଟିଏ ମାସରେ ଦୁଇ ପ୍ରମୁଖ ପର୍ବରେ ଦୁଇଟି ଗ୍ରହଣ ପଡିବା ବିଶ୍ୱ ପାଇଁ ଦେଉଛି ଅଶୁଭ ସଂକେତ । ଏମିତି ଆକଳନ କରିଛନ୍ତି କିଛି ଜ୍ୟୋତିର୍ବିଦ । ମାନ୍ୟତା ଅନୁସାରେ ମହାଭାରତ ସମୟରେ ମଧ୍ୟ ୧୫ ଦିନ ମଧ୍ୟରେ ଏପରି ଦୁଇଟି ଗ୍ରହଣ ପଡିଥିଲା ।
ଏଥର ବି ଏମିତି ଗ୍ରହଣ ଲାଗିବା ଓ ପୁଣି ମୁଖ୍ୟ ପର୍ବରେ ଏପରି ସ୍ଥିତି ହେବା ବିଶ୍ୱ ପାଇଁ ଶୁଭଙ୍କର ନୁହେଁ ବୋଲି ଆକଳନ କରାଯାଉଛି । ବିଶେଷ କରି ଦଶହରା ଦିନ ବର୍ଷା ହେବା ଏକ ବଡ଼ ଅଶୁଭର ସଂକେତ ଦେଉଛି ।
ଚଳିତ ବର୍ଷ ଗ୍ରହଣର ଖାସ କଥା ହେଉଛି ଯେ ଦୁଇଟି ଗ୍ରହଣ ମଙ୍ଗଳବାର ଦିନ ଲାଗୁଛି । ମଙ୍ଗଳ ଭୂମି କାରକ ଗ୍ରହ ହୋଇଥିବାରୁ ଭୂମି ବିସ୍ତାର ବା ଭୂମି ସହ ଜଡିତ କିଛି ମତଭେଦକୁ ସୃଷ୍ଟି କରିପାରେ ।
ଫଳରେ ଭୂମି ପାଇଁ ଯୁଦ୍ଧ ଓ ରକ୍ତପାତ ହେବାର ଆଶଙ୍କାକୁ ଏଡାଇ ଦିଆଯାଇ ନପାରେ । ଚଳିତ ଦୁଇ ଗ୍ରହଣ କେବଳ ଭାରତ ନୁହେଁ ପୁରା ବିଶ୍ୱ ଉପରେ ପଡୁଛି । ବଡ କାରଣ ହେଉଛି ୨୫ ଅକ୍ଟୋବର ମଙ୍ଗଳବାର ସୂର୍ଯ୍ୟ ଗ୍ରହଣ ୟୁରୋପ, ମଧ୍ୟ ପୂର୍ବ, ଆଫ୍ରିକାର ଉତ୍ତର-ପୂର୍ବ ଭାଗ, ପଶ୍ଚିମ ଏସିଆ, ଉତ୍ତର ଆଣ୍ଟଲାଟିକ ମହାସାଗର କ୍ଷେତ୍ରରେ ଦୃଶ୍ୟ ହେବ ।
ସେହିପରି ନଭେମ୍ବର ୮ ମଙ୍ଗଳବାର ମଧ୍ୟ ଚନ୍ଦ୍ର ଗ୍ରହଣ ଭାରତ ସମେତ ଉତ୍ତର ର୍ପୂବ ୟୁରୋପ, ଏସିଆ, ଅଷ୍ଟ୍ରେଲିଆ, ଉତ୍ତର ଆମେରିକା, ଅଧିକାଂଶ ଦକ୍ଷିଣ ଆମେରିକା,ପ୍ରଶାନ୍ତ,ଆଣ୍ଟଲାଣ୍ଟିକ, ହିନ୍ଦ ମହାସାଗର,ଆର୍କଟିକ ଓ ଆଣ୍ଟାର୍କଟିକାରେ ମଧ୍ୟ ଦୃଶ୍ୟ ହେବ ।
ତେଣୁ ଏହିସବୁ ଯାଗାରେ ଉତ୍ତେଜନା ଦେଖାଯିବ । କେଉଁଠି ଯୁଦ୍ଧ ଭୟ ମଧ୍ୟ ରହିଛି । ତେଣୁ ବର୍ତ୍ତମାନର ପରିସ୍ଥିତିକୁ ଲକ୍ଷ୍ୟ କଲେ ବିଶ୍ୱଯୁଦ୍ଧ ଆଡକୁ ଗତି କରିପାରେ ବୋଲି ଜ୍ୟୋତିର୍ବିଦ ଆକଳନ କରିଛନ୍ତି ।
ଏହି ଗ୍ରହଣ ମାନବ ସଭ୍ୟତା ପ୍ରତି ଘୋର ବିପଦ ସୃଷ୍ଟି କରିପାରେ । ଏହାର ପ୍ରଭାବରେ ଆଗାମୀ ୭ ରୁ ୯ ମାସ ମଧ୍ୟରେ ବିଶ୍ୱରେ ଅନ୍ନ ସଂକଟ ସାଙ୍ଗକୁ ଲୋକଙ୍କ ମଧ୍ୟରେ ମାନସିକ ଦୁଶ୍ଚିନ୍ତା ଦେଖାଦେଇପାରେ । ଏହି ସ୍ଥିତିରେ ବେଦ ଅନୁଯାୟୀ ମହାବିନାଶ ଓ ଅନିଷ୍ଟକୁ ଏଡେଇବା ପାଇଁ କିଛି ମନ୍ତ୍ରର ସହାୟତା ନିଆଯାଇପାରେ ବୋଲି ଜ୍ୟୋତିର୍ବିଦମାନେ କହିଛନ୍ତି ।
