ପାକିସ୍ତାନର ପୂର୍ବ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ରାଲିକୁ ଗଳିମାଡ। ଗୁଳିମାଡରେ ପୂର୍ବତନ ପ୍ରଧାନମନ୍ତ୍ରୀ ଆହତ ହୋଇଥିବା ଜଣାପଡିଛି। ତାଙ୍କ ଛଡା ଚାରି ଅନ୍ୟ ଲୋକ ଆହତ ହୋଇଛନ୍ତି। ପୋଲିସ ଏହି ମାମଲାରେ ଜଣକୁ ଗିରଫ କରିଛି। ଇମ୍ରାନଙ୍କୁ ହସପିଟାଲରେ ଭର୍ତ୍ତି କରାଯାଇଛି। ଇମ୍ରାନଙ୍କୁ ଲାହୋର ହସପିଟାଲରେ ଭର୍ତ୍ତି କରାଯାଇଛି। ତାଙ୍କ ଅବସ୍ଥା ସ୍ଥିର ରହିଛି। ଡାକ୍ତର ଟିମ୍ ତାଙ୍କର ଚିକିତ୍ସା କରୁଛନ୍ତି।
#UPDATE | Former Pakistan PM Imran Khan reportedly injured as shots fired near his long march container: Pakistan’s ARY News reports pic.twitter.com/5QcgOtqpD9
— ANI (@ANI) November 3, 2022
ସୂଚନା ମୁତାବକ, ଓ୍ଵାଜିରାବାଦ ନିକଟରେ ରାଲି ଚାଲିଥିବା ବେଳେ ଗୁଳିମାଡ ହୋଇଛି। ଏହି ଆକ୍ରମଣରେ କିଛି ଦଳୀୟ କର୍ମୀ ଆହତ ହୋଇଛନ୍ତି। ସମସ୍ତେ ହସପିଟାଲରେ ଭର୍ତ୍ତି ହୋଇଛନ୍ତି। ଇମ୍ରାନଙ୍କ ପାଦରେ ୩ରୁ ୪ଟି ଗୁଳି ବାଜିଥିବା ଖବର ମିଳିଛି।
ଇମ୍ରାନ ଖାନ ବର୍ତ୍ତମାନର ସରକାର ବିରୋଧରେ ଲଗାତର ପ୍ରଦର୍ଶନ କରୁଛନ୍ତି। ତୋଶଖାନା ମାମଲାରେ ଦୋଷୀ ସାବ୍ୟସ୍ତ ହେବା ପରେ ଇମ୍ରାନ ଦେଶରେ ସ୍ୱାଧୀନତା ପାଇଁ ମୋର୍ଚ୍ଚା ଆରମ୍ଭ କରିଛନ୍ତି। ଆଜି ମଧ୍ୟ ଏଥିପାଇଁ ରାଲି ବାହାରିଥିଲା। ଏଥିଲାଗି ଇମ୍ରାନ ଯେଉଁ କଣ୍ଟନରରେ ବସି ଯାତ୍ରା କରୁଥିଲେ ତା ନିକଟରେ ଗୁଳିକାଣ୍ଡ ହୋଇଥିଲା। ଫଳରେ ଲୋକେ ଧାଁ ଧଉଡ ହୋଇଥିବା ବେଳେ ଇମ୍ରାନଙ୍କୁ କଣ୍ଟୈନରରୁ ଓହ୍ଲାଇ କାରରେ ବସାଇ ହସ୍ପିଟାଲ ନିଆଯାଇଛି। କିନ୍ତୁ ଏହି ରାଲିରେ ତାଙ୍କ ଉପରେ ଗୁଳିମାଡ ହୋଇଥିଲା। ଇମ୍ରାନଙ୍କ ବ୍ୟତୀତ ପୂର୍ବତନ ରାଜ୍ୟପାଳ ଇମ୍ରାନ ଇସ୍ତେମେଲ ମଧ୍ୟ ଆହତ ହୋଇଛନ୍ତି।
ତେବେ ଗୁଳିମାଡରେ ଇମ୍ରାନଙ୍କ ପାଦରେ ଗୁଳି ବାଜିଛି। ଇମ୍ରାନଙ୍କ ଉପରକୁ ଏକେ ୪୭ରେ ଗୁଳିମାଡ କରାଯାଇଛି। ଏହି ଘଟଣାର ଭିଡିଓ ସାମ୍ନାକୁ ଆସିଛି। ଯେଉଁଥିରେ ଜଣେ ଆକ୍ରମଣକାରୀ ହାତରେ ଏକେ ୪୭ ଧରିଥିବା ନଜର ଆସିଛନ୍ତି। ପୋଲିସ ଫାୟାରିଂ ପରେ ତୁରନ୍ତ ସେହି ବ୍ୟକ୍ତିଙ୍କୁ ଗିରଫ କରିଛି। ଆଉ ତଦନ୍ତ ଜାରି ରଖିଛି।