ଦେଶରେ ପ୍ରଥମ ଓମିକ୍ରନ ଆକ୍ରାନ୍ତଙ୍କ ମୃତ୍ୟୁ, ନାଇଜେରିଆରୁ ସେ ଭାରତ ଫେରିଥିଲେ

କେନ୍ୟୁଜ୍(ବ୍ୟୁରୋ):ଦେଶରେ ପ୍ରଥମ ଓମିକ୍ରନ ଆକ୍ରାନ୍ତଙ୍କ ମୃତ୍ୟୁ। ମହାରାଷ୍ଟ୍ରରେ ଜଣେ ୫୨ ବର୍ଷୀୟ ବ୍ୟକ୍ତିଙ୍କ ହୃଦଘାତରେ ମୃତ୍ୟୁ ହୋଇଛି। ସେ ଓମିକ୍ରନରେ ଆକ୍ରାନ୍ତ ଥିଲେ। ନାଇଜେରିଆରୁ ସେ ଭାରତ ଫେରିଥିଲେ।
ସେପଟେ ମହାରାଷ୍ଟ୍ରରେ ଗୁରୁବାର ଦିନ ୧୯୮ ନୂଆ ଓମିକ୍ରନ୍ ମାମଲା ଚିହ୍ନଟ ହୋଇଛି। ରାଜ୍ୟରେ ମୋଟ୍ ଓମିକ୍ରନ୍ ଆକ୍ରାନ୍ତଙ୍କ ସଂଖ୍ୟା ୪୫୦ରେ ପହଞ୍ଚିଛି। ଅନ୍ୟପକ୍ଷେ ରାଜ୍ୟରେ ଆଜି ୫,୩୬୮ ନୂଆ ସଂକ୍ରମଣ ମାମଲା ଚିହ୍ନଟ ହୋଇଛି। ଏଥିମଧ୍ୟରୁ ୩,୬୭୧ ମାମଲା ମୁମ୍ବାଇରୁ ରହିଛି। ମହାରାଷ୍ଟ୍ର ସ୍ବାସ୍ଥ୍ୟ ମନ୍ତ୍ରୀ ରାଜେଶ ଟୋପେ କହିଛନ୍ତି, ପ୍ରାୟ ୪ ହଜାର ନୂଆ ମାମଲା ସହ ମୁମ୍ବାଇର କେସ୍ ପଜିଟିଭ୍ ହାର ୮.୪୮ ପ୍ରତିଶତକୁ ବୃଦ୍ଧି ପାଇଛି।