ଏୟାରପୋର୍ଟରେ ଯାତ୍ରୀଙ୍କୁ ନ ନେଇ ଉଡାଣ ଭରିଥିବା Go First ବିମାନ ଏବେ ଯାତ୍ରୀଙ୍କୁ ମାଗଣାରେ ଯାତ୍ରା କରାଇବ । ଏୟାରଲାଇନ ଛାଡି ଚାଲିଯାଇଥିବା ୫୫ ଜଣ ଯାତ୍ରୀଙ୍କୁ ବର୍ଷକ ଭିତରେ କୌଣସି ସ୍ଥାନକୁ ଟ୍ରାଭେଲ କରିବା ପାଇଁ ଗୋଟିଏ ମାଗଣା ଟିକେଟ ଦେବ । ଏୟାର ଲାଇନ ଟିକେଟ ବାବଦରେ ପଇସା ଖର୍ଚ୍ଚ କରିବ । ଯାତ୍ରୀଙ୍କୁ ଛାଡି ଚାଲିଯାଇଥିବା ବିମାନ ଯାତ୍ରୀଙ୍କୁ କ୍ଷମା ମାଗିଥିବା ବେଳେ ଏଭଳି ଅଫର ଦେଇଛି । ତେବେDGCA ଏହି ମାମଲାରେ କାର୍ଯ୍ୟାନୁଷ୍ଠାନ ମଧ୍ୟ ଗ୍ରହଣ କରୁଛି ।
ଡିଜିସିଏ କହିଛି, ଏହି ମାମଲାରେ କାର୍ଯ୍ୟାନୁଷ୍ଠାନ ନିଆଯାଇଛି। ଏହା ସହିତ ବିମାନ କମ୍ପାନୀକୁ ଜରୁରୀ ନିୟମ ପାଳନ କରିବାରେ ବିଫଳ ବୋଲି କୁହାଯାଏ । ନିୟମ ମୁତାବକ, ବିମାନ କମ୍ପାନର ଗ୍ରାଉଣ୍ଡିଂ ହ୍ୟାଣ୍ଡଲିଂ, ଲୋଡ, ଟ୍ରିମ ସିଟ୍ ପ୍ରସ୍ତୁତ କରିବା ସହିତ କାର୍ଗୋ ହ୍ୟାଣ୍ଡେଲ କରିବା ପାଇଁ ବ୍ୟବସ୍ଥା କରିଥିବା ସମସ୍ତେ ଦାୟିତ୍ୱହୀନ କାମ କରିଛନ୍ତି ।
ଡିଜିସିଏ ଗୋ ଫାଷ୍ଟ ଏୟାରଲାଇନ୍ସକୁ କହିଛି, ଯାତ୍ରୀଙ୍କୁ ହ୍ୟାଣ୍ଡେଲ କରିବା ପାଇଁ ସମସ୍ତ କର୍ମଚାରୀଙ୍କୁ ସଫ୍ଟ ସ୍କିଲ ଟ୍ରେନିଂ ଉପରେ ଧ୍ୟାନ ଦିଆଯିବା ଉଚିତ। ଏହି ମାମଲାରେ ବିମାନ କମ୍ପାନୀର ମ୍ୟାନେଜରଙ୍କୁ କାରଣ ଦର୍ଶାଅ ନୋଟିସ ମଧ୍ୟ ଜାରି କରାଯାଇଛି । କମ୍ପାନୀର ଜବାବ ପାଇଁ ୨ ସପ୍ତାହ ସମୟ ଦିଆଯାଇଛି । ଜବାବ ଆସିବା ପରେ ଆଗାମୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ସୂଚନାଯୋଗ୍ୟ, ବେଙ୍ଗାଲୁରୁ ଏୟାରପୋର୍ଟରୁ ଦିଲ୍ଲୀକୁ ଉଡାଣ ଭରିଥିବା ବିମାନ ଯାତ୍ରୀଙ୍କୁ ନ ନେଇ ଉଡାଣ ଭରିଥିଲା। ସମସ୍ତ ୫୫ ଜଣ ଯାତ୍ରୀଙ୍କୁ ଛାଡି ବିମାନ ଦିଲ୍ଲୀକୁ ଉଡାଣ ଭରିଥିଲା । ଯାତ୍ରୀମାନେ ବିମାନରେ ଯିବା ପାଇଁ ସଟଲ ବସ୍ରେ ଅପେକ୍ଷା କରି ରହିଥିଲେ । କିନ୍ତୁ ବିମାନଟି କୌଣସି ଯାତ୍ରୀଙ୍କୁ ନ ନେଇ ଉଡାଣ ଉଡିଯାଇଥିଲା। ଆଉ ଦିଲ୍ଲୀ ପହଞ୍ଚିବା ବେଳକୁ ବିମାନରେ କୌଣସି ଯାତ୍ରୀ ବିମାନରେ ନଥିଲେ । ଆଉ ଏହି ମାମଲାରେ DGCA ଏୟାରଲାଇନ୍ସ କମ୍ପାନୀ ରିପୋର୍ଟ ମାଗିଥିଲା । ବିମାନ ଉଡାଣ ଭରିବା ପରେ ୫୩ ଜଣ ଲୋକଙ୍କୁ ଅନ୍ୟ ଏକ ବିମାନ ଯୋଗେ ଦିଲ୍ଲୀକୁ ସିଫ୍ଟ କରାଯାଇଥିଲା। ଅନ୍ୟ ଦୁଇ ଜଣ ଯାତ୍ରୀ ରିଫଣ୍ଡ ମାଗିଥିଲା । ବିମାନଟି ୬.୪୦ରେ ବେଙ୍ଗାଲୁରୁରୁ ଦିଲ୍ଲୀ ପାଇଁ ଉଡାଣ ଭରିଥିଲା । ବେଙ୍ଗାଲୁରୁରୁ ଦିଲ୍ଲୀ ଉଡାଣ ଭରୁଥିବା ବିମାନ ଜି୮-୧୧୬ ବିମାନଟି ବିନା କୌଣସି ଯାତ୍ରୀଙ୍କୁ ନ ନେଇ ଟେକଅଫ କରିଥିଲା ।
This time the BANGALORE -DELHI FLIGHT took off leaving its 50 passengers behind….
Heard that the PEOPLE are demanding the AIRLINES to change it’s name to
” DON’T GO FIRST ”
” DON’T GO FAST ”😂😂😂😂#Flight pic.twitter.com/XeQ7kmc2Kw
— Subba Rao🇮🇳🇮🇳🚩🕉️ (@SubbaRaoTN) January 10, 2023