ବିଶ୍ୱ ଚକିତ : ମାତ୍ର ଦେଢ଼ ଟଙ୍କାର ମେଡିସିନରେ ଠିକ୍ ହେଉଛନ୍ତି କରୋନା ରୋଗୀ
ନୂଆଦିଲ୍ଲୀ : କରୋନା ରୋଗ ପାଇଁ ଏକ ଭଲ ପ୍ରତିଷେଧକ ବିକଶିତ କରିବା ପାଇଁ ସାରା ବିଶ୍ୱର ଡାକ୍ତର ଓ ବୈଜ୍ଞାନିକମାନେ ସେମାନଙ୍କର ଉଦ୍ୟମ ଜାରି ରଖିଛନ୍ତି । ହେଲେ କରୋନାକୁ ସମ୍ପୂର୍ଣ୍ଣଭାବେ ପ୍ରତିହତ କରାଯାଇ ପାରିନାହିଁ । ଏହି ସମୟରେ ମାତ୍ର ଦେଢ଼ ଟଙ୍କାର ମେଡିସିନ କରୋନାକୁ ଭଲ କରୁଥିବା ଜାଣି ସମଗ୍ର ବିଶ୍ୱ ଚକିତ । ଏହି ମେଡିସିନର ନାମ ହେଉଛି ‘ମେଟଫର୍ମୀନ’ । ଏହା ସାଧାରଣତଃ ଡାଇବେଟିସ ରୋଗୀଙ୍କ ପାଇଁ ବ୍ୟବହୃତ ହୋଇଥାଏ । ଯାହାକି ଏବେ କରୋନା ରୋଗ ପାଇଁ ବେଶ ଉପାଦେୟ ହୋଇପାରିଛି ।
ଆମେରିକାର ମିନ୍ନେସୋଟା ୟୁନିଭରସିଟି ପ୍ରାୟ ୬ ହଜାର ରୋଗୀଙ୍କ ଉପରେ ମେଟ୍ଫର୍ମୀନ ମେଡିସିନ ବ୍ୟବହାର କରିଥିଲେ । ଯାହାକି କରୋନା ରୋଗରେ ମୃତ୍ୟୁ ହାର କମାଇବାରେ ଦେଖାଯାଇଥିଲା ବୋଲି ଏହି ବିଶ୍ୱବିଦ୍ୟାଳୟର ଗବେଷକମାନେ ପ୍ରକାଶ କରିଛନ୍ତି ।
ଇଂରାଜୀ ଖବରକାଗଜ ‘ଦି ସନ୍’ ର ରିପୋର୍ଟ ଅନୁଯାୟୀ ବ୍ରିଟେନର ପ୍ରମୁଖ ସ୍ୱାସ୍ଥ୍ୟ ସଂସ୍ଥା ନେସନାଲ ହେଲ୍ଥ ସର୍ଭିସ ପ୍ରଥମରୁ ଏହି ମେଡିସିନର ବ୍ୟବହାର କରିଆସୁଛି । ଏହା ସାଂଘାତିକ ଡାଇବେଟିଜ ରୋଗୀ ଓ ବ୍ରେଷ୍ଟ କ୍ୟାନ୍ସର ରୋଗୀଙ୍କ ଉପରେ ବେଶ ପ୍ରଭାବଶୀଳ ବୋଲି ଗବେଷକମାନେ କହିଛନ୍ତି ।
ବୁହାନ ରୋଗୀଙ୍କୁ ଭଲ କରିଛି ମେଟଫର୍ମୀନ :
କରୋନାର ଉତ୍ପତ୍ତି ସ୍ଥଳ ବୁହାନ ର ସାଂଘାତିକ ଅବସ୍ଥାରୁ ଏହି ମେଟଫର୍ମୀନ ମେଡିସିନ ରକ୍ଷା କରିଛି ବୋଲି ଗବେଷଣାରୁ ଜଣାପଡ଼ିଛି । ବୁହାନର ଗବେଷକ ଜାଣିବାକୁ ପାଇଥିଲେ ଯେ ମେଟଫର୍ମୀନ ନେଇଥିବା ରୋଗୀଙ୍କ ମଧ୍ୟରେ ମାତ୍ର ୩ ଜଣ ମୃତ୍ୟୁ ମୁଖରେ ପଡ଼ିଥିବା ବେଳେ ମେଟଫର୍ମୀନ ନେଇ ନଥିବା ୨୨ ଜଣ ରୋଗୀଙ୍କ ମୃତୁ ହେବାର ଦେଖାଯାଇଥିଲା । ମାତ୍ର ଦେଢ଼ ଟଙ୍କାର ମେଟଫର୍ମୀନ ମେଡିସିନ କରୋନ ଉପରେ ପକାଉଥିବା ପ୍ରଭାବକୁ ଦେଖି ସଭିଏଁ ଏବେ ଚକିତ ହୋଇଛନ୍ତି ।
