ଗୁଜରାଟରେ ପ୍ରବଳ ବର୍ଷା ଯୋଗୁଁ ବନ୍ୟା ଆଶଙ୍କା, ହଜାର ହଜାର ଲୋକେ ବାସହରା, ଏସଡିଆରଏଫ ଟିମ୍ ନିୟୋଜିତ
ଗୁଜୁରାଟରେ ପ୍ରବଳ ବର୍ଷା ଆଣିଛି ବନ୍ୟା ପରିସ୍ଥିତି । ପ୍ରବଳ ବର୍ଷା ଯୋଗୁଁ ନର୍ମଦା ଏବଂ ଅନ୍ୟ ନଦୀର ଜଳସ୍ତର ବଢି ଲୋକଙ୍କ ଦୁର୍ଦ୍ଦଶା ବଢାଇଛି । ଗୁଜରାଟରେ ୫ ଜିଲ୍ଲାରେ ପାଖାପାଖି ୧୦ ହଜାରରୁ ଅଧିକ ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି । ଦୁଇ ଦିନ ପାଇଁ ରେଡ ଆଲର୍ଟ ଜାରି କରିଛି ପାଣିପାଗ ବିଭାଗ ।
ଗୁଜୁରାଟରେ ପ୍ରବଳ ବର୍ଷା ବନ୍ୟା ପରିସ୍ଥିତି ଆଣିଛି । ପ୍ରବଳ ବର୍ଷା ଯୋଗୁଁ କିଛି ଅଞ୍ଚଳରେ ଲୋକଙ୍କ ସମସ୍ୟା ବଢିବାରେ ଲାଗିଛି । ରବିବାର ପ୍ରବଳ ବର୍ଷା ଯୋଗୁଁ ନର୍ମଦା ଏବଂ ଅନ୍ୟ ନଦୀର ଜଳସ୍ତର ବଢି ଲୋକଙ୍କ ଦୁର୍ଦ୍ଦଶା ବଢାଇଛି । ଗୁଜରାଟରେ ୫ ଜିଲ୍ଲାରେ ପାଖାପାଖି ୧୦ ହଜାରରୁ ଅଧିକ ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଛି । ହଜାର ହଜାର ଲୋକ ବାସହରା ହୋଇଛନ୍ତି । ବନ୍ୟା ସ୍ଥିତି ଦେଖି ସମସ୍ତ ସ୍କୁଲ ଓ କଲେଜ ବନ୍ଦ ରହିଛି । ଦୁଇ ଦିନ ପାଇଁ ରେଡ ଆଲର୍ଟ ଜାରି କରିଛି ପାଣିପାଗ ବିଭାଗ ।
ପାଣିପାଗ ବିଭାଗ ପଞ୍ଚମହଲ, ଦାହୋଦ, ଖେଡା, ଅରାବଲୀ, ମାହିସାଗର, ବନାସକାଣ୍ଠା ଏବଂ ସାବରାକାଣ୍ଠାରେ ରେଡ ଆଲର୍ଟ ଜାରି ହୋଇଛି । ଆସନ୍ତା ଗୁରୁବାର ଯାଏଁ ଗୁଜରାଟର ଅନେକ ଅଞ୍ଚଳରେ ପ୍ରବଳ ବର୍ଷା ସମ୍ଭାବନା ଆଶଙ୍କା କରାଯାଇଛି ।
#WATCH | Gujarat: Visulas from the Ukai Dam built over the Tapi River where 15 gates have been opened to release water.
Several villages along the Tapi River were put on alert. (17.09) pic.twitter.com/agu8eQZNom
— ANI (@ANI) September 18, 2023
ଅହମଦାବାଦରେ ରବିବାର ସନ୍ଧ୍ୟା ୬ ଟା ପର୍ଯ୍ୟନ୍ତ ୭୬ ମିମି ବର୍ଷା ରେକର୍ଡ ହୋଇଛି । ବିଭିନ୍ନ ଅଞ୍ଚଳରେ ବର୍ଷା ଜଳ ଭରି ରହିଛି । ତେବେ ସାବଧାନତା ଅବଲମ୍ବନ କରିବା ପାଇଁ ପ୍ରଶାସନ ପକ୍ଷରୁ କୁହାଯାଇଛି । ପ୍ରବଳ ବର୍ଷା ଯୋଗୁଁ ଅନେକ ଟ୍ରେନ ମଧ୍ୟପ୍ରଭାବିତ ହୋଇଛି । ଆଉ କିଛି ଟ୍ରେନକୁ ଡାଇଭର୍ଟ କରାଯାଇଛି ।
ପ୍ରବଳ ବର୍ଷା ଯୋଗୁଁ ନର୍ମଦା ନଦୀ ବନ୍ଧରୁ ପାଣି ଛଡାଯାଇଛି । ଆଉ ନିକଟରେ ଥିବା ଗାଁ ଗୁଡିକରେ ବନ୍ୟା ଆଶଙ୍କା କରାଯାଇ ଜିଲ୍ଲା ପ୍ରଶାସନ ପକ୍ଷରୁ ୨ ଦିନ ଯାଏ ସ୍କୁଲ କଲେଜକୁ ବନ୍ଦ ରଖିବାକୁ ଆଦେଶ ଦିଆଯାଇଛି । ନର୍ମଦାରେ ଜଳସ୍ତର ବୃଦ୍ଧି ହେତୁ ଏସଡିଆରଏଫ ଟିମକୁ ନିୟୋଜିତ କରାଯାଇଛି । ମୁଖ୍ୟମନ୍ତ୍ରୀ ଭୂପେନ୍ଦ୍ର ପଟେଲ ବନ୍ୟା କ୍ଷତିଗ୍ରସ୍ତ ଅଞ୍ଚଳରେ ଆକାଶରୁ ସର୍ବେକ୍ଷଣ କରିଛନ୍ତି ।
