ପ୍ରତିରକ୍ଷା ମନ୍ତ୍ରଣାଳୟ ଗତକାଲି ଦୁଇଟି ଅଗ୍ରଣୀ ଘରୋଇ ପ୍ରତିରକ୍ଷା କମ୍ପାନୀ ସହିତ ୨୫୮୦ କୋଟି ଟଙ୍କାରେ ଛଅଟି ସାମରିକ ରେଜିମେଣ୍ଟରେ ପିନାକା ରକେଟ୍ ଲଞ୍ଚର୍ କିଣିବା ପାଇଁ ଏକ ଚୁକ୍ତିନାମା ସ୍ୱାକ୍ଷର କରିଛନ୍ତି। ଅଧିକାରୀମାନଙ୍କ କହିବାନୁଯାୟୀ, ସାମରିକ ବାହିନୀର କାର୍ଯ୍ୟକ୍ଷମତା ବୃଦ୍ଧି ପାଇଁ ଚୀନ୍ ଏବଂ ପାକିସ୍ତାନ ସହିତ ଭାରତ ସୀମାରେ ପିନାକା ରକେଟ୍ ନିୟୋଜିତ ହେବ।
ଟାଟା ପାୱାର କମ୍ପାନୀ ଲିମିଟେଡ୍ (ଟିପିସିଏଲ୍) ଏବଂ ଲାର୍ସନ୍ ଆଣ୍ଡ ଟୁବ୍ରୋ (L&T) ସହିତ ଚୁକ୍ତିନାମା ସ୍ୱାକ୍ଷର ହୋଇଥିବାବେଳେ ରାଷ୍ଟ୍ରାୟତ୍ତ ପ୍ରତିରକ୍ଷା କ୍ଷେତ୍ର ଭାରତ ଆର୍ଥ ମୋଭର୍ସ ଲିମିଟେଡ୍ (ବିଏମ୍ଏଲ୍) ମଧ୍ୟ ଏହି ପ୍ରକଳ୍ପର ଏକ ଅଂଶ ହୋଇଛି। ପ୍ରତିରକ୍ଷା ମନ୍ତ୍ରଣାଳୟ ଏକ ବିବୃତ୍ତିରେ କହିଛନ୍ତି, ଏହି ଛଅଟି ପିନାକା ରେଜିମେଣ୍ଟରେ ‘ସ୍ୱୟଂଚାଳିତ ବନ୍ଧୁକ ଲକ୍ଷ୍ୟ ଏବଂ ପୋଜିସନ୍ ସିଷ୍ଟମ୍’ (AGAPS) ସହ ୧୧୪ ଲଞ୍ଚର ଏବଂ ୪୫ କମାଣ୍ଡ ପୋଷ୍ଟ ମଧ୍ଯ ରହିବ।
ଏହି ବିବୃତ୍ତିରେ କୁହାଯାଇଛି, ମିସାଇଲ ରେଜିମେଣ୍ଟର ସଂଚାଳନ ଆସନ୍ତା ୨୦୨୪ ସୁଦ୍ଧା କାର୍ଯ୍ୟ ଆରମ୍ଭ କରିବାକୁ ଯୋଜନା କରାଯାଇଛି। ଏଥିରେ କୁହାଯାଇଛି ଯେ ଅସ୍ତ୍ରଶସ୍ତ୍ରରେ ୭୦ ପ୍ରତିଶତ ସ୍ୱଦେଶୀ ସାମଗ୍ରୀ ରହିବ ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏବଂ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏହି ପ୍ରକଳ୍ପକୁ ଅନୁମୋଦନ କରିଛନ୍ତି। ପିନାକା ମଲ୍ଟିପଲ୍ ଲଞ୍ଚ ରକେଟ୍ ସିଷ୍ଟମ୍ (MLRS) DRDO ଦ୍ୱାରା ବିକଶିତ ହୋଇଛି | ମନ୍ତ୍ରଣାଳୟ କହିବାନୁଯାୟୀ ଏହା ଏକ ଉଚ୍ଚାଭିଳାଷୀ ପ୍ରକଳ୍ପ, ଯାହା ‘ଆତ୍ମନିର୍ଭର’ ହେବା ପାଇଁ ଅତ୍ଯାଧୁନିକ ପ୍ରଦ୍ଯୋଗିକି କ୍ଷେତ୍ରରେ ସାର୍ବଜନିକ ନିଜସ୍ବ କ୍ଷେତ୍ରର ଅଂଶଗ୍ରହଣକୁ ଦର୍ଶାଇଥାଏ।